NEHEMÍAS 6:8 - Biblia Guarani Tumpa Iñee

⁸ Jayave che amondo jaeuka chupe: “Kuae nde rere vae mbaetɨ etei ko añete, nde aeño ma ko reyemongeta ndepɨa pe jókuae.”

NEHEMÍAS 6:8 ပူးပေါင်းရင်းမြစ်များ

NEHEMÍAS 6:7

jare reñono ñeemombeúa reta nemoërakua vaerä Jerusalén pe, jei reta reve: ‘¡Oime ma ko mburuvicha Judá pe!’ Jókuae ñee reta ipuere ojo jërakua mburuvicha guasu Artajerjes pe; jáeramo, eyu ñanemiari päve.”

JOB 13:4

Echa pe reta ko apu rupi peñomi añete vae, opaete pe reta ko jae oporopoano vae oporombogüerambae reta rami.

SALMOS 36:3

Iyuru güi oë ñee jupimbae jare yembotavɨ pegua; oeya arakuaa katu jare mbaetɨ ma oyapo ikavi vae.

SALMOS 38:12

Oipota cheyuka vae reta, oñono cheraperä pe ñuai, oipota maratu cheapo vae reta imiari kaviä chekotɨ; chemomburu reta opaete ara rupi.

SALMOS 52:2

Ikavimbae reño reyemongeta; nekü kɨse jaimbe yae vae rami.

ISAÍAS 59:4

Mbaetɨ kia oñeapo jupi rupi, mbaetɨ vi kia oporojäa añetegüe rupi. Güɨrovia katu reta apu re, jare ñee añetembae re; ipurúa reta rami ikavimbae pe, jare omoë reta mbaeyoa.

DANIEL 11:27

Jayave jókuae mókoi mburuvicha guasu reta oyemongetata oyapo vaerä oyoupe ikavimbaeño, oguapɨ retata okaru päve metei mesa pe jare imiarita oyoupe apu rupi, ërei mbaetɨta metei pe ave oë kavi, echa ndeiño oväe ara.

San Mateo 12:34

Pe reta ko jae mboi reta rami. ¿Këraiägua pa pepuereta pemiari ñee ikavigüe, pepɨapochɨ yae reve? Echa ipɨa pe yemongeta güɨnoi vae ko omoë iyuru rupi.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

Hechos 25:10

Ërei Pablo jei chupe: —Cesar ko neñono reporojäa vaerä, ikavi ko nde chejäa kuae pe. Ayapoä etei mbae ikavimbae judío reta kotɨ. Nde etei reikuaa rami.

Hechos 25:7

Jare Pablo ou ma yave, judío Jerusalén güi yogüeru vae reta oyemboya Pablo re jare omboeko jeta mbae ikavimbae yae vae re. Ërei mbaetɨ ipuere oechauka reta teko añete vae jesegua.