NEHEMÍAS 5:5 - Biblia Guarani Tumpa Iñee

⁵ “Ore mbaetɨ ko ambuae vae orerëtara reta güi, oremichia reta mbaetɨ ko ambuae vae imichia reta güi; ërei, ore opa romee oreraɨ jare orerayɨ reta yogüɨreko vaerä tembiokuairä. Jare oime ma ko amogüe orerayɨ reta ñogüɨnoi jökorai, añave ore mbaetɨ orepuere mbae royapo, echa oreɨvɨ jare oreuvarupa reta ïru vae reta imbae ma ko.”

NEHEMÍAS 5:5 ပူးပေါင်းရင်းမြစ်များ

GÉNESIS 29:14

Labán jei chupe: “Añetete nde jae ko chekägüe jare chesoo ïru.” Jacob opɨta Labán pɨri metei yasɨ.

GÉNESIS 37:27

Mase, ñamee Ismael iñemuña reta pe, agüɨye yandepo ñañono jese; echa jae ko yanderɨvɨ, yandesoo ïru. Jayave tɨkeɨ reta jare tɨvɨ reta opɨta metei rami jae iyemongeta re.

2 REYES 4:1

Metei kuña, ñeemombeúa jembirekogüe ojo iñeengeta Eliseo pe, jei reve: —Cheme omano, jare nde reikuaa jae oipoɨu yandeYa güi vae ko; jare ou orepía iya güɨraja vaerä chegüi mókoi reve chemembɨ reta tembiokuairä.

PROVERBIOS 22:7

Oikokatu vae, oyemboiya paravete vae reta re, ipía vae, opɨta ko ipía chupe vae jembiokuairä.

ISAÍAS 50:1

YandeYa jei körai: “¿Ayapouka pa tupapire yomombo pegua pesɨ Israel peguarä, ani pomee pa chepia chupe vae reta pe, chepia re? Peyoa reta jeko pegua ko opa peñemeeuka, pepɨapochɨ jeko pegua ko pesɨ Israel oyemombouka.

ISAÍAS 58:7

pemboyao perembíu oata chupe vae ndive vae, pemee oputuu vaerä paravete vae pero pe vae, pemboemimonde mbaetɨ jemimonde vae, jare mbaetɨ peikuaku mbae penoigüe perëtara güi vae.

San Mateo 18:25

Jókuae jembiokuai mbaetɨ ipuere omboepɨ ramo, mburuvicha guasu oyókuai oñemee vaerä korepoti re jembiokuai jare jembireko jare imichia reta, jare opaete imbaembae, jökorai ipuere vaerä omboepɨ ipía chupe.