NEHEMÍAS 5:13 - Biblia Guarani Tumpa Iñee

¹³ Jare amotumo vi cheremimonde, jare jae: “Körai Tumpa tomotumo jo güi jare imbaembae güi jókuae kuimbae mbaetɨ ombopo iñee vae, jökorai topa topɨ̈ro chugüi mbaembae güɨnoigüe.” Jare opaete vae jei: “¡Jökorai toiko!” Jare omboete reta yandeYa. Jare opaete vae reta ombopo iñee,

NEHEMÍAS 5:13 ပူးပေါင်းရင်းမြစ်များ

2 REYES 23:3

Javoi mburuvicha guasu oyemboɨ okɨta iyɨpɨ pe oyapo morogüɨrökuavee päve yandeYa jóvai, yogüɨreko vaerä jae jeia re, oyapo reta vaerä iporookuai reta jupi rupi kavi opaete ipɨa ndive, opaete jekove ndive, oyapo reta vaerä opaete ñee reta morogüɨrökuavee päve pegua oyekuatía oï jókuae tembikuatía pe vae. Opaete tëta pegua reta opɨta vi ipɨakatu reve kuae morogüɨrökuavee päve oyeapo vae re.

1 CRÓNICAS 16:36

¡Toyemboete yandeYa, Israel iTumpa, jekuae avei rupi!’ ” Jare opaete vae reta jei: “¡Amén!”, jare omboete reta yandeYa.

NEHEMÍAS 8:6

Jayave Esdras omboete yandeYa Tumpa tuicha ete vae, jare opaete vae jei: ¡Amén! ¡Amén! Oupi reve ipo reta; jare oñemomichi reta jare omboete reta yandeYa Tumpa oyetavatɨka itindɨasɨ reve ɨvɨ re.

SALMOS 119:106

Añererökuavee nderee re, jare jae, ¡ayapota ndeporookuai reta!

SALMOS 50:14

¡Emee mbaemboete che neTumpa pe; embopo reñererökuavee vae Tuichagüe yae vae pe!

SALMOS 76:11

Peyapo ñererökuavee peYa Tumpa pe, ërei pembopo jókuae perökuavee vae; opaete peï Kɨɨyea yae vae iyɨ́vɨri vae reta, peru chupe mbota reta.

PROVERBIOS 28:4

Tumpa iporookuai güi oyembosɨrɨ vae reta omboete iyoa vae reta, ërei mborookuai oyapo vae reta oyoaka jókuae reta ndive.

ECLESIASTÉS 5:5

echa ikavi yae ko reñererökuavee yave rembopo vae, mbaetɨ rembopo vae güi.

NÚMEROS 5:22

jare kuae ɨ yepopeyu pegua toike nderɨe pe jare tombotuicha nderɨe jare tijëogüe nderumbɨ.’ Jare jókuae kuña jeita: ‘¡Jökorai toiko, jökorai toiko!’

San Mateo 10:14

Jare oime metei o pe ani tëta guasu pegua reta mbaetɨ oipota pepɨta vaerä joko pe, jare mbaetɨ oipota oyeapɨsaka peré yave, pekuaño joko güi, jare pemotumo pepɨ ɨvɨkúi güi.

Hechos 13:51

Jayave Pablo jare Bernabé omotumo ɨvɨkúi ipɨ güi, oechauka vaerä tëta guasu pegua reta ko teko güɨnoi; javoi yogüɨraja oväe tëta guasu Iconio pe.

Hechos 18:6

Ërei jókuae judío reta oyovaicho jare jei reta ikavimbae vae ikotɨ. Jáeramo Pablo omotumo jemimonde, jare jei chupe reta: —Pe reta aeño penoita teko peyeupe pekañɨtei re. Che mbaetɨa chereko. Añave güive ajata judiombae vae reta kotɨ.

1 Corintios 14:16

Echa nde remboete yave Tumpa ndeespíritu peño, ñee nemiari pɨpe vae oikuaambae vae ngaraa ipuere oñemoïru nde ndive, yasoropai Tumpa pe remee yave. Echa mbaetɨ oikuaa mbae ko rere vae.

1 SAMUEL 15:28

Jayave Samuel jei chupe: —Körai yandeYa omondoro añave ndeporookuaía Israel iñemuña reta güi, jare omee metei nerëtaɨgua pe, jeko kavi yae ndegüi vae pe.