NEHEMÍAS 4:15 - Biblia Guarani Tumpa Iñee

¹⁵ Jare tovaicho reta oikuaa ore roikuaa ko chugüi reta, jare kërai Tumpa opa güɨrokomegua oyemongeta tëi oyapo reta vaerä oreve vae yave, opa oyerova yogüɨraja ye; jare opaete ore rojo ye tëta guasu ikësea kotɨ oreparavɨkɨa rupi.

NEHEMÍAS 4:15 ပူးပေါင်းရင်းမြစ်များ

2 SAMUEL 15:31

Jare omombeu reta David pe, jei reve: —Ahitofel oï vi Absalón ndive, oyemongeta oñemopüa vaerä vae reta ndive. Jayave David jei: —CheYa Tumpa, erokomegua Ahitofel iporomboarakuaa chugüi.

2 SAMUEL 17:14

Jayave Absalón jare opaete Israel iñemuña reta pe ikavi yae jókuae Husai jei vae, Ahitofel tenonde jei tëi vae güi. Echa yandeYa oyemongeta güɨrokomegua vaerä Ahitofel iporomboarakuaa, jupi rupi jei tëi vae, yandeYa güeru vaerä mbaesusere Absalón re.

NEHEMÍAS 4:16

Jókuae ara güive cherupiegua kuimbae reta mbɨte rupi oparavɨkɨ jare ïru mbɨte ñogüɨnoi mii ndive, yeopiaka ndive, juvɨ ndive, jare temimonde ñeraro pegua ndive. Jare jae reta ndive ñogüɨnoi Judá pegua mburuvicha reta omoäta ngatu reta vaerä.

PROVERBIOS 21:30

YandeYa kotɨ mbaetɨ oime arakuaa, arakuaa katu ani yemboarakuaa.

ISAÍAS 44:25

Mbaetɨ amaeño oyembopo vaerä maratuta vae imombeúa reta omombeu vae, amombokere susere oimeta vae imombeúa reta. Yarakuaa katu vae reta iñee amboyopɨndekua oyougüi, opaete iyarakuaa katu arokomegua chugüi reta.

ISAÍAS 8:10

Peyapo yemongeta, ërei opata oikomegua; peyemongeta oipotagüe mbae, ërei ngaraa oyeapo, echa Tumpa oime oï ore ndive.

San Marcos 13:34

Yambojaanga metei kuimbae ojo mombɨrɨ vae oeya jo vae re. Ojota ma yave, oeya jembiokuai reta ipo pe iparavɨkɨ ae ae oyapo reta vaerä; jare oyókuai vi öke järoa oäro avei vaerä.

Romanos 12:11

Peparavɨkɨ peakɨmbae reve. Peräta ngatu avei peyeokuai yandeYa pe.

1 Tesalonicenses 4:11

jare peiko pɨagüive avei, peyemoambeko peparavɨkɨ re ae. Peparavɨkɨ pepo pe etei ore poyókuai rami.