NEHEMÍAS 4:14 - Biblia Guarani Tumpa Iñee

¹⁴ Jare aecha okɨɨye reta ramo, apüa jare jae imboetea vae reta pe, sundaro ruvicha reta pe jare opaete vae reta pe: “Agüɨye pekɨɨye chugüi reta, pemaendúa yandeYa re, tuicha jare kɨɨyea yae vae ko, jare peñeraro perëtara reta re, peraɨ reta re, perayɨ reta re, jare perembireko reta re jare pero reta re.”

NEHEMÍAS 4:14 ပူးပေါင်းရင်းမြစ်များ

2 SAMUEL 10:12

Eñemoäta ngatu, ñañemoäta ngatu ñañoraro ñanerëtaguasu re, jare tëta guasu reta pɨpegua Tumpa imbae reta re. ¡Jare yandeYa toyapo jaekavi chupe vae!”

2 CRÓNICAS 32:7

“¡Peñemomɨ̈rata jare peñemoäta ngatu! Agüɨye pekɨɨye, agüɨye peñeiämondouka mburuvicha guasu Asiria pegua pe, ani jeta vae jae ndive yogüeru vae reta pe, echa yande ñaï mbaepuere iya ndive chugüi reta.

NEHEMÍAS 1:5

Jae körai: “Romoñera cheYa Tumpa ara pe reï vae, imbaepuere yae vae, tuicha yae ete vae jare kɨɨyea yae vae, omboete avei morogüɨrökuavee päve oyapogüe vae, jare reiparareko avei opaete nderaɨu vae reta, jare ndeporookuai reta oyapo vae;

JOB 37:22

Ɨvɨtuguasu kotɨ güi oyekuaa ou jembipe iyu vae, Tumpa oñeovauka tembipe yavaetegüe pe.

SALMOS 143:5

Chemaendúa arakae ara reta oasagüe re, ayemongeta opaete nderembiapo reta re, ndembaepuere pe reyapo vae re.

SALMOS 20:7

Amogüe reta oyerovia ikäretou reta ñeraro pegua re, ïru reta oyerovia ikavayu reta ñeraro pegua re; ërei ore mbaetɨ oreakañɨ oreYa Tumpa güi.

SALMOS 27:1

YandeYa jae ko cherekove jare chereroasayepe vae, ¿kia güi pa akɨɨyeta? YandeYa jae ko cheñepɨ̈roa, ¿kia güi pa akɨɨyeta?

SALMOS 46:11

¡YandeYa imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

SALMOS 65:5

Mbae tuichagüe rupi remboyevɨta oreve jupi vae, cheRu Tumpa orereroasayepe vae, opaete ɨvɨ pegua reta oyerovia jese vae, mombɨrɨ ɨguasu jembeɨ rupi ñogüɨnoi vae reta vi.

SALMOS 66:3

Pere Tumpa pe: “Oporomopɨakañɨ yae nderembiapo reta. Ndembaepuere tuicha yae vae rupi nderovaicho reta yogüɨrekota nde rerea re;

SALMOS 66:5

Peyu pemae Tumpa jembiapo reta re, mɨakañɨ reta tuichagüe oyapo kuimbae reta peguarä:

ÉXODO 14:14

YandeYa ko oñerarota pepoepɨka pe, jare pe reta mbaetɨta peyemoambeko.

ÉXODO 14:25

jare opa vi güɨrokomegua ikäretou reta iruera, jare opa ombopɨa-këraiasɨ. Jayave Egiptoɨgua reta jei oyoupe: —Yatekuarai kuae Israel iñemuña reta güi, echa iYa Tumpa oñeraro jae reta jekovia pe yandekotɨ.

ECLESIASTÉS 12:1

Nemaendúa ndeApoa re, ndetaɨrusu ramboeve, ndei ara reta yavai yae vae oväe ndeve mbove, ndei rere mbove: “Mbaetɨ chemboyerovia aikogüe vae.”

DANIEL 11:32

Mburuvicha guasu iñee-yukɨ rupi omokɨ̈reɨ morogüɨrökuavee päve omboetembae reta, ërei Tumpa kotɨ iporogüɨrovia vae reta yogüɨrekota jupi rupi jare oeka retata kërai yogüɨreko vaerä mbaemboavai pɨte rupi.

ZACARÍAS 14:3

Jaɨkue rupi yandeYa oëta jare oñerarota jókuae tëtaguasu reta ndive, ñeraro iara pe oñoraro rami.

NÚMEROS 14:9

Jáeramo agüɨye peyembopɨapochɨ yandeYa kotɨ, agüɨye pekɨɨye jókuae ɨvɨ pegua reta güi, echa mbɨyape yau vae ramiñota ko; mbaetɨ kia oepɨ reta vaerä, yande ndive ko oï yandeYa. ¡Agüɨye pekɨɨye chugüi reta!

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

DEUTERONOMIO 1:21

Mase, yandeYa Tumpa omee peve ɨvɨ, pekua pepɨ̈ro pembaerä peñemuñagüe reta iTumpa jei peve rami, agüɨye pekɨɨye jare peyembopɨtu.’

DEUTERONOMIO 10:17

echa yandeYa Tumpa güɨnoi mbaepuere tumpa-raanga reta güi, jare imbaepuere yae ete mbaepuere güɨnoi vae reta güi, Tumpa tuicha yae vae jare imbaepuere yae vae, mbaetɨ oporomboyoavɨ jare mbaetɨ oipɨɨ vɨari mbae oyemboepɨ vɨarigüe;

Hebreos 13:6

Jáeramo yandepuere yae yakɨɨyembae reve körai: “YandeYa ko chemborɨ vae. Ngaraa akɨɨye mbae oyapota cheve vae güi.”

JOSUÉ 1:9

Mase, royókuai reñemomïrata vaerä jare reñemoäta ngatu vaerä; agüɨye ekɨɨye jare agüɨye eyembopɨtu, echa che ndeYa Tumpa aïta nde ndive oipota rupi reoa rupi.”

JUECES 3:27

Ojo oväe Israel iñemuña reta iɨvɨ pe yave, omoñee mimbɨ guakaräti ɨvɨtɨ Efraín pegua re oenɨi vaerä Israel iñemuña reta, jare opaete vae ogüeyɨ ɨvɨtɨ güi Aod jupíe jare jae ojo tenonde chupe reta.