NEHEMÍAS 4:1 - Biblia Guarani Tumpa Iñee

¹ Jare Sanbalat oikuaa romopüa ye ko roï tëta guasu ikësea yave, iyarasɨ yae jare iñee jasɨ katu orekotɨ,

NEHEMÍAS 4:1 ပူးပေါင်းရင်းမြစ်များ

NEHEMÍAS 13:28

Jare metei Joiada taɨ, sacerdote tenondegua Eliasib jɨmɨmino amombo cheɨpɨ güi; jókuae kuimbae ko Sanbalat horonita jovaya.

NEHEMÍAS 2:10

Ërei kuae oendu yave Sanbalat horonita pegua jare tembiokuai Tobías Amón iñemuña, mbaetɨ etei kërai ave yepe ipöra chupe reta, kia ou omborɨ vaerä Israel iñemuña reta vae.

NEHEMÍAS 2:19

Ërei ngatu oendu Sanbalat horonita pegua jare tembiokuai Tobías Amón iñemuña, jare Gesem Arabiaɨgua yave, oreyóyai yóyai jare oremotareɨ reta, jei reve: —¿Mbae jei vae pa peyapo pe reta? ¿Peñemopüa pa peï mburuvicha guasu re?

NEHEMÍAS 6:15

Jare opa oyeapo tëta guasu ikësea cincuenta y dos araa pe, jae ko veinticinco ara yasɨ Elul re.

NEHEMÍAS 6:16

Jare kuae oendu opaete orerovaicho reta yave, okɨɨye opaete vae tëta guasu reta oreɨ́vɨri ñogüɨnoi vae, jare oyandu oñemomichiuka yae opɨta reta, echa oikuaa oreTumpa imbaepuere rupi oyeapo kuae mbaravɨkɨ vae.

JEREMÍAS 38:19

Sedequías jei: —Aipoɨuño añemee, echa güɨramoi Caldeaɨgua reta chemeeta Judá pegua reta oasa ikotɨ reta vae ipo pe, jare oyuvangata cheré reta.

San Mateo 2:16

Jayave Herodes oikuaa jókuae yasɨtata re oyemboe vae reta mbaetɨ oyapo jae jei vae, iyarasɨ yae, jare omondo sundaro reta oyuka vaerä opaete michia kuimbae Belén pe jare Belén iyɨpɨ rupi ñogüɨnoi vae reta ndei mókoi año güɨnoi vae güi ɨ́vɨkotɨ. Yasɨtata re oyemboe vae reta omombeu Herodes pe kërai yave güi ma ko oecha reta yasɨtata vae rami.

San Mateo 27:29

Jare oñono reta iñäka re äka-regua ñurati oñeopegüe. Omee reta vi chupe metei täkuarasɨ oipɨɨ vaerä iyakatu pe. Jayave oyetavatɨka reta jae jóvai jare oyóyai jei reve: —¡Kërai pa reï judío reta Juvicha guasu!

Hechos 5:17

Jayave sacerdote tenondegua ete jare opaete saduceo jae ndive ñogüɨnoi vae reta iyakatúä temimondo reta re.

Hebreos 11:36

Ïru vae reta oyeyuvangauka iyé jare oñenupauka chikote pe, jare ïru vae reta oñeñoñauka tembipɨɨrɨru pe.