NEHEMÍAS 3:26 - Biblia Guarani Tumpa Iñee

²⁶ jare tembiokuai reta tupao guasu pe oyeokuai vae, Ofel pegua reta omopüa ye güɨrajai güɨroväe öke Ɨ Röke jee vae pe, kuaraɨ oëa kotɨ, jare maeka oë mbuku oï vae.

NEHEMÍAS 3:26 ပူးပေါင်းရင်းမြစ်များ

1 CRÓNICAS 9:2

Tenonde ete yogüeru ye iɨvɨ ae pe jare jëta guasu pe vae jae Israel iñemuña reta, sacerdote reta, levita reta jare tembiokuai tupao pe oyeokuai vae reta.

2 CRÓNICAS 27:3

Oyapo öke tuicha vae yandeYa jo kotɨ yaikea peguarä, jare jeta mbaembae oyapo Ofel ikësea re.

2 CRÓNICAS 33:14

Kuae jaɨkue rupi Manasés omopüa pɨau ye David Jëta guasu ikësea ikatu kotɨgua, Gihón güi kuaraɨ oikea kotɨ, ɨvɨtɨ päu rupi öke Pira Röke jee vae pe yaiketaa rupi, jökorai oyere ojo oväe Ofel pe, ɨvate yae oyapo. Oñono vi sundaro ruvicha reta opaete Judá pegua tëta guasu reta jëguambaea rupi.

NEHEMÍAS 10:28

Jare ïru vae reta: Sacerdote reta, levita reta, öke iyangarekoa reta, otairari vae reta, tembiokuai reta tupao guasu pe oyeokuai vae, jare opaete oyembosɨrɨ ïru tëta ambuae reta güi yogüɨreko vaerä Tumpa iporookuai rupi vae reta, jembireko reve reve, taɨ reta, tayɨ reta, opaete yarakuaa ma vae reta,

NEHEMÍAS 11:21

jare tembiokuai reta tupao guasu pe oyeokuai vae oñemoëta Ofel pe; Ziha jare Gispa ko jae reta juvicha.

NEHEMÍAS 12:37

Jare öke Ɨrɨru Röke jee vae iárambo re katu, oyeupi reta yeupika rupi, tëta guasu ikësea oyeupía rupi, David jo re katu, ojoi oväe reta öke Ɨ Röke jee vae pe, kuaraɨ oëa kotɨ.

NEHEMÍAS 3:27

Chugüi reta kutɨ ñogüɨnoi Tecoaɨgua reta, omopüa ye jókuae maeka ɨvate oë mbuku oï vae güive Ofel ikësea guasu pe.

NEHEMÍAS 8:1

Javoi oyomboatɨ opaete vae reta metei rami oka guasu pe, öke Ɨ Röke jee vae jóvai, jare jei reta Esdras mborookuai re oporomboe vae pe güeru vaerä tembikuatía Moisés oikuatía mborookuai reta pɨpe vae, yandeYa omee Israel iñemuña reta pe vae.

NEHEMÍAS 8:16

Jare oë opaete vae, jare güeru reta ɨvɨra jäkagüe jare oyapo reta o ñairaka pegua, metei metei ñavo vae jo iárambo, joka pe, Tumpa jo joka pe, öke Ɨ Röke jee vae joka guasu pe, jare öke Efraín jee vae pe.

NEHEMÍAS 8:3

Jare omongeta tembikuatía oka guasu jóvai, öke Ɨ Röke jee vae jóvai, ndeimboveasɨ güive kuaraɨ ara mbɨte regua, opaete kuimbae reta jare kuña reta jóvai, jare opaete michia ipuere ma oikuaa vae reta jóvai. Jare opaete vae kïrii oyeapɨsaka mborookuai oyekuatía oï vae re.

ISAÍAS 32:14

Mburuvicha jo kïrii ngatuta opɨta; tëta guasu jeta tëi ipo vae ipombae opɨtata; maeka ɨvate vae reta jare ñepɨ̈roka reta oyeeyata jekuae avei pegua; joko pe oñemoëtata mburika ñana rupigua reta, jare mɨmba reta ikaruarä opɨtata.