NEHEMÍAS 3:15 - Biblia Guarani Tumpa Iñee

¹⁵ Salum, Colhoze taɨ mburuvicha ɨvɨ Mizpa pegua omopüa ye öke Ɨrɨru Röke jee vae; oyapo kavi, oñono jese ɨvɨra, oyapo öke reta iyokendaka reve reve, jare vi ɨrɨru Siloé jee vae ikësea, mburuvicha guasu iko raɨ iyɨpɨ pe oï vae, güɨrajai güɨroväe reta David Jëta Guasu güi yagüeyɨa pe.

NEHEMÍAS 3:15 ပူးပေါင်းရင်းမြစ်များ

2 SAMUEL 5:9

David oñemoëta joko pe, jare ombojee David Jëta guasu; jare oyapo ikësearä opaete iyɨ́vɨri rupi, Milo güive japɨpe kotɨ.

2 REYES 25:4

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi; ojo mburuvicha guasu tape Arabá kotɨ ojo vae rupi.

2 CRÓNICAS 32:30

Ezequías vi ko omombiauka ɨvɨgüɨ rupi ɨ jesaɨ vae reta Gihón ɨvate kotɨgua güi jare ombogüeyɨ David Jëta guasu güi kuaraɨ oëa kotɨ rupi. Jökorai Ezequías pe oë kavi yae opaete oyapogüe.

NEHEMÍAS 12:37

Jare öke Ɨrɨru Röke jee vae iárambo re katu, oyeupi reta yeupika rupi, tëta guasu ikësea oyeupía rupi, David jo re katu, ojoi oväe reta öke Ɨ Röke jee vae pe, kuaraɨ oëa kotɨ.

NEHEMÍAS 2:14

Javoi aasa öke Ɨrɨru Röke jee vae kotɨ jare Mburuvicha guasu Iɨrɨru kotɨ; ërei joko pe mbaetɨ kerupi aroasa vaerä chekavayu.

NEHEMÍAS 2:17

Jare jae chupe reta: —Pe reta peecha ikavimbae pe ko ñaï, Jerusalén ipoä oï vae, jare jöke reta opa oyeapɨ oï vae; ikavi ko ñamopüa ye Jerusalén ikësea, jare agüɨye mo yaiko kia yandeyóyai yóyai vaerä.

NEHEMÍAS 3:12

Jae reta jaɨkue oï Salum, Halohes taɨ, tayɨ reta ndive; Halohes jae ko mburuvicha tëta guasu Jerusalén iɨvɨ ïru jovaicho re.

NEHEMÍAS 3:14

Malquías, mburuvicha ɨvɨ Bet-haquerem pegua, Recab taɨ omopüa ye, öke Ɨtɨapɨ Röke jee vae; oyapo ye öke reta iyokendaka reve reve.

NEHEMÍAS 3:19

Chugüi kutɨ omopüa Ezer, Jesúa taɨ; Ezer jae ko mburuvicha Mizpa pe, jae güɨrajai güɨroväe tëta ikësea tembiporurɨru ñeraro pegua ekina pe oï vae jóvai.

NEHEMÍAS 3:7

Chugüi reta kutɨ ñogüɨnoi Melatías, Gabaón-ɨgua jare Jadón Meronot-ɨgua, jare vi ïru Gabaón pegua reta jare Mizpa pegua reta; kuae tëta reta yogüɨreko ko mburuvicha ɨ̈aka Éufrates jovaicho kuaraɨ oikea kotɨgua jeia re.

NEHEMÍAS 3:9

Joko güi kutɨ omopüa ye Refaías, Hur taɨ; Hur jae ko mburuvicha tëta guasu Jerusalén iɨvɨ jovaicho re.

ECLESIASTÉS 2:6

Ayapo ɨrɨru guasu reta amboɨru vaerä ɨ, pɨpe amboɨu vaerä cheremitɨ reta;

ISAÍAS 8:6

“Kuae tëta güɨröɨro ma ɨ Siloé pegua, jókuae ɨ mbegüe kavi oguata vae, echa oyerovia reta ramo Rezín re jare Remalías taɨ re,

JEREMÍAS 40:6

Jeremías ojo Gedalías, Ahicam taɨ pɨri Mizpa pe, oiko jae ndive jare jókuae ɨvɨ pe opɨtagüe reta ndive.

San Lucas 13:4

Ani jókuae dieciocho vae reta re osururu oɨvate Siloé pe jare opa oyuka vae, ¿peyemongeta pa jókuae reta iyoa yae opaete Jerusalén pe yogüɨreko vae reta güi?

San Juan 9:7

jare jei chupe: —Ekua eyoe nderesa ɨesaɨ Siloé pegua pe (kuae Siloé oipota jei: “Temimondo”). Jayave jae ojo oyoe jesa jare ou ye yave, omae ma.

JUECES 20:1

Jayave opaete Israel iñemuña reta ñogüɨnoe, Dan güive Beerseba jare Galaad kotɨ güi, oyomboatɨ reta metei rami Mizpa pe, yandeYa jóvai.

JUECES 20:3

Jare Benjamín iñemuña pegua reta oikuaa Israel iñemuña reta yogüeru Mizpa pe. Jare Israel iñemuña reta oparandu jókuae levita pe, kërai ra jókuae ikavimbae yae oasa vae.