NEHEMÍAS 2:8 - Biblia Guarani Tumpa Iñee

⁸ jare ïru tupapire Asaf kaa iyangarekoa peguarä, mburuvicha guasu imbae re oyangareko vae, omee vaerä cheve ɨvɨra Tupao ikësea jöke reta reguarä, jare tëta guasu ikësea reguarä, jare o che aïta pɨpe vae reguarä.” Jare omee cheve mburuvicha guasu, yandeYa Tumpa iporerekua cheré rupi.

NEHEMÍAS 2:8 ပူးပေါင်းရင်းမြစ်များ

GÉNESIS 32:28

Jare jókuae kuimbae jei chupe: —Ngaraa ye ma nderee Jacob. Ndembojee retata Israel; echa reñoïraro ko Tumpa ndive jare kuimbae reta ndive, jare reporomoamɨri.

ESDRAS 5:5

Ërei yandeYa oï judío reta itenondegua reta ndive, jökorai tovaicho reta mbaetɨ omombɨtauka reta mbaravɨkɨ, oikuaauka regua kuae re Darío pe, jare jae ombou ye regua oikuaauka chupe reta tupapire rupi.

ESDRAS 6:22

Jare oyapo reta yerovia katu ndive arete mbaemboete pegua mbɨyape oyembovumbae pegua chiu ara, yandeYa omee ye oyerovia reta vaerä jeko pegua, jare oipoepɨ mburuvicha guasu Asiria pegua ipɨa ikotɨ reta, omomɨ̈rata vaerä omopüa Tumpa jo, Israel iTumpa.

ESDRAS 6:8

Che amee kuae mborookuai peve pemborɨ vaerä judío reta itenondegua reta, Tumpa jo oñemopüa ye vaerä: Jókuae ɨ̈aka jovaicho pe oyekovara mburuvicha peguarä vae güi, toñemee jókuae kuimbae reta pe oatambae reve agüɨye vaerä opɨta mbaravɨkɨ.

ESDRAS 7:6

Kuae Esdras ou ye Babilonia güi. Jae ko mborookuai re oporomboe vae, oikuaa yae jese, yandeYa, Israel iTumpa omee Moisés rupi vae; jare mburuvicha guasu omee chupe opaete mbae oiporu vae, iYa Tumpa omborɨ ramo.

ESDRAS 7:9

Echa tenondegua ara tenondegua yasɨ pe omboɨpɨ oë reta Babilonia güi, jare tenondegua ara pandepoa yasɨ pe yogüeru oväe Jerusalén pe, Tumpa iporomborɨ rupi.

NEHEMÍAS 7:2

ayókuai cherëtara Hanani jare Hananías tëta guasu Jerusalén iyangarekoa reta juvicha (echa Hananías ko metei kuimbae jupi vae jare Tumpa güi oipoɨu vae, ïru vae reta güi mbaetɨ jae rami vae).

PROVERBIOS 21:1

Sekea rupi ɨ yamondo yaipotaa kotɨ rami; jökorai ko mburuvicha guasu iyemongeta yandeYa ipo pe.

ECLESIASTÉS 2:5

Ayapo cheyeupe ko reta jare ko raɨ reta, joko pe añotɨ opaete temitɨ ɨvɨra ia vae.

ECLESIASTÉS 2:6

Ayapo ɨrɨru guasu reta amboɨru vaerä ɨ, pɨpe amboɨu vaerä cheremitɨ reta;

ISAÍAS 66:14

Peechata jare oyeroviata pepɨa, jare perete, ñana jokɨ pɨau vae ramita. YandeYa oechaukata imbaepuere, jembiokuai reta pe, ërei oechaukata iyarasɨ, jovaicho reta pe.

DANIEL 1:9

Jare Tumpa ombopɨakavi eunuco reta juvicha Daniel kotɨ;

Hechos 26:22

Ërei Tumpa chemborɨ ramo, oimeño aikove kuae ara. Chemiari michi vae reta pe jare tuichagüe reta pe, mbaetɨ ambuaeyee jae Moisés jare ñeemombeúa reta jei oikota vae re:

Hechos 7:10

jare oepɨ opaete tembiporara reta güi. Jare jae omee chupe mbɨakavi jare arakuaa mburuvicha guasu Egipto pegua Faraón jóvai. Jáeramo Faraón oyapo mburuvicharä, opaete Egipto pegua reta re jare Faraón jo re.

2 Corintios 8:16

Amee yasoropai Tumpa pe, kërai jae oñono Tito ipɨa pe kɨ̈reɨ pekotɨ, che anoi rami.