NEHEMÍAS 2:6 - Biblia Guarani Tumpa Iñee

⁶ Jayave mburuvicha guasu jei cheve (jare jembireko oime oguapɨ oï iyɨpɨ pe): —¿Mbovɨ ara pa reguatata, jare kërai yave pa reyerova yeta? Jare mburuvicha guasu pe jaekavi chemondo vaerä, amombeu yave chupe kërai yave ko ayu yeta vae.

NEHEMÍAS 2:6 ပူးပေါင်းရင်းမြစ်များ

NEHEMÍAS 1:11

Romoñera cheYa Tumpa, añave eyeapɨsaka che nderembiokuai iyerure re, jare ïru nderembiokuai reta iyerure, jae reta oipota omboete nderee; emee añave che nderembiokuai pe toë ikavi mbaembae cheve, jare emeeuka cheve mboroparareko mburuvicha guasu güi.”

NEHEMÍAS 13:6

Opaete kuae mbaembae reta oasa yave, che mbaetɨ aï Jerusalén pe, echa mburuvicha guasu Babilonia pegua Artajerjes treinta y dos año ma oiko mburuvicharä yave, aja ye ípɨri; ërei mbovɨ año rupi aiporu ye mburuvicha guasu pe,

NEHEMÍAS 2:4

Mburuvicha guasu jei cheve: —¿Mbae pe pa chepuere romborɨ? Jayave ayerure Tumpa ara pe oï vae pe,

NEHEMÍAS 2:5

jare jae mburuvicha guasu pe: —Mburuvicha guasu, jaekavi ko ndeve yave, jare che nderembiokuai re reiparareko remae yave chemondo Judá pe, tëta guasu Jerusalén pe, cheru reta jɨvɨa renda pe, jare taja tamopüa pɨau ye.

NEHEMÍAS 5:14

jare mburuvicha guasu cheparavo ɨvɨ Judá pegua mburuvicharä yave güive, doce año rupi, che jare chemborɨa reta mbaetɨ roeka mbaembae opaete vae reta pe, omee vaerä oreve, jae reta omeeñoi mburuvicha peguarä vae; mburuvicha guasu Artajerjes veintea año ma oiko mburuvicharä yave güive año treinta y dos pe regua.

ISAÍAS 58:12

Nerëtaɨgua reta omopüa yeta o oyembosururugüe, o iguapɨka ñɨma yae vae, opaete vae pereenɨita ‘tëta ikësea omopüa ye vae’, ‘o oyembosururugüe omopüa ye vae’.

ISAÍAS 61:4

Oñemopüa pɨau yeta arakae ma oyemboaigüe reta, ɨma yae ma o reta opa oyemboai vae oñemopüata, tëta guasu oyemboai vae oyeapo kavita.

ISAÍAS 65:24

Jare ndei oyerure reta mbae re cheve mbove, che omboyevɨta ma; imiari vɨteri ñogüɨnoi ramboeve, che aenduta ma.

DANIEL 9:25

Nde eikuaa kavi kuae: Jókuae mborookuai oñemee oñemopüa ye jare oñeñono kavi ye vaerä Jerusalén güive, oväe regua Mesías, oasata chiu semana, jare sesenta y dos semana; Jerusalén ikaye reta jare ikësea reta oñemopüa ye yave mbɨatɨtɨ yaeta jókuae ara rupi.