NEHEMÍAS 2:4 - Biblia Guarani Tumpa Iñee

⁴ Mburuvicha guasu jei cheve: —¿Mbae pe pa chepuere romborɨ? Jayave ayerure Tumpa ara pe oï vae pe,

NEHEMÍAS 2:4 ပူးပေါင်းရင်းမြစ်များ

2 SAMUEL 15:31

Jare omombeu reta David pe, jei reve: —Ahitofel oï vi Absalón ndive, oyemongeta oñemopüa vaerä vae reta ndive. Jayave David jei: —CheYa Tumpa, erokomegua Ahitofel iporomboarakuaa chugüi.

1 REYES 3:5

Jare metei pɨ̈tu Salomón ipaɨu pe yandeYa oyekuaa chupe Gabaón pe, jei chupe: “Eiporu cheve nde reipota vae, tamee ndeve.”

NEHEMÍAS 1:11

Romoñera cheYa Tumpa, añave eyeapɨsaka che nderembiokuai iyerure re, jare ïru nderembiokuai reta iyerure, jae reta oipota omboete nderee; emee añave che nderembiokuai pe toë ikavi mbaembae cheve, jare emeeuka cheve mboroparareko mburuvicha guasu güi.”

NEHEMÍAS 1:4

Aendu yave kuae ñee reta, aguapɨ jare ayaeo; chepɨatɨtɨ mbovɨ ara rupi, ayekuaku tembíu güi jare ayerure Tumpa ara pe oï vae jóvai.

NEHEMÍAS 1:5

Jae körai: “Romoñera cheYa Tumpa ara pe reï vae, imbaepuere yae vae, tuicha yae ete vae jare kɨɨyea yae vae, omboete avei morogüɨrökuavee päve oyapogüe vae, jare reiparareko avei opaete nderaɨu vae reta, jare ndeporookuai reta oyapo vae;

NEHEMÍAS 2:20

Jare amboyevɨ chupe reta körai: —Tumpa ara pe oï vae ko oremborɨta, jare ore jembiokuai reta romboɨpɨ yeta mbaravɨkɨ, pe reta mbaetɨ ko mbae penoi kuae pe jare mbaetɨ vi mbae peyapo vaerä kuae Jerusalén pe.

NEHEMÍAS 2:5

jare jae mburuvicha guasu pe: —Mburuvicha guasu, jaekavi ko ndeve yave, jare che nderembiokuai re reiparareko remae yave chemondo Judá pe, tëta guasu Jerusalén pe, cheru reta jɨvɨa renda pe, jare taja tamopüa pɨau ye.

ESTER 5:3

Jare mburuvicha guasu oparandu: —¿Maratu pa reiko Ester? ¿Mbae pa reipota? Reiporu yave cheve mborookuaía mbɨte rupi, toñemee ndeve.

ESTER 5:6

Okaru jare jou reta ramboeve vino, mburuvicha guasu jei Ester pe: —¡Eiporu nde reipota vae jare toñemee ndeve reiporu rupi, yepe tëi mbɨte rupi cheporookuaía!

ESTER 7:2

Jare mokoía ara ma okau reta yave mburuvicha guasu jei Ester pe: —¿Mbae pa ko jae reiporu vae Ester? Oñemeeta ndeve, yepe tëi mbɨte rupi mborookuaía.

SALMOS 136:26

¡Pemboete Tumpa ara pe oï vae, echa iporoparareko jekuae avei vae ko!

PROVERBIOS 3:6

Enoi avei ndepɨa pe yandeYa, opaete mbae reyapo vae rupi, jare jae ndereroatata sɨmbi rupi.

San Marcos 10:51

Jesús oparandu chupe: —¿Mbae pa reipota ayapo ndeve? Jesambae vae jei: —Oporomboe vae, aipota amae.

Hechos 23:19

Jayave sundaro jeta vae juvicha oipoko kunumi, jare güɨraja ïkotɨa. Jayave oparandu chupe: —¿Mbae pa remombeuta cheve?

Filipenses 4:6

Agüɨye etei peyemoambaeko mbae re, jaeño peyerure Tumpa pe opaete mbaembae re, pemee reve yasoropai chupe.