NEHEMÍAS 2:3 - Biblia Guarani Tumpa Iñee

³ Jare jae mburuvicha guasu pe: —¡Eikove katu avei mburuvicha guasu! ¿Kërai pa mbaetɨta chepɨatɨtɨ oyekuaa, cheñemuñagüe reta jɨvɨa renda tëta guasu Jerusalén oyemboai oï jare jöke reta opa oyeapɨ oï reve?

NEHEMÍAS 2:3 ပူးပေါင်းရင်းမြစ်များ

1 REYES 1:31

Betsabé oyetavatɨka itindɨasɨ ɨvɨ re omboete reve, jare jei: —¡Eikove katu avei cheya, mburuvicha guasu David!

2 REYES 25:8

Pandepoa yasɨ chiu araa pe, diecinueve año ma Nabucodonosor oiko mburuvicha guasurä Babilonia pe yave, ou Jerusalén pe Nabuzaradán, sundaro oporoäro vae reta juvicha, jae ko mburuvicha guasu Babilonia pegua iyɨvɨrigua,

2 CRÓNICAS 21:20

Treinta y dos año güɨnoi yave omboɨpɨ oiko mburuvicharä, jare juri año oiko mburuvicharä Jerusalén pe. Omano yave mbaetɨ kia oäpiro. Jare oñotɨ reta David Jëta guasu pe, ërei mbaetɨ mburuvicha guasu reta jɨvɨa renda pe.

2 CRÓNICAS 28:27

Omano yave oñotɨ reta iñemuñagüe reta oñeotɨa pe, tëta guasu Jerusalén pe, ërei mbaetɨ oñono reta mburuvicha guasu reta Israel pegua jɨvɨa pe. Jare taɨ Ezequías oguapɨ jekovia pe mburuvicha guasurä.

2 CRÓNICAS 32:33

Ezequías omano yave oñotɨ reta David iñemuña reta jɨvɨa ɨvate kotɨ oïa pe. Opaete Judá pegua jare Jerusalén pegua reta oyapo reta chupe mboromboete omano yave; jare taɨ Manasés oguapɨ jekovia pe mburuvicha guasurä.

2 CRÓNICAS 36:19

Oapɨ reta vi Tumpa jo, ombosururu reta Jerusalén ikësea, oapɨ reta vi mburuvicha jo jare omboai opaete mbae jepɨ yae vae.

NEHEMÍAS 1:3

Jare jei reta cheve: “Jókuae jembɨregüe reta, oasayepe tembipɨɨ güi vae reta, jókuae ɨvɨ pe opɨtagüe reta mbaetɨ etei ikavi ñogüɨnoi, ñemomarai rupi yogüɨreko reta; jare Jerusalén ikësea opa oyemboai oï, jare jöke reta opa oyeapɨ.”

NEHEMÍAS 2:13

Aë jókuae pɨ̈tu öke Ɨvɨtɨ päu ipe kavi vae jöke jee vae rupi Mbaeporou Iɨesaɨ jee vae rupi, jare öke Ɨtɨapɨ Röke jee vae kotɨ, jare amae Jerusalén ikësea re, aecha opa oyemboai oï jare jöke reta opa oyeapɨ oï.

ESTER 8:6

Echa, ¿këraita pa aropɨa cherëtaɨgua reta pe ou oväe ikavimbae vae? ¿Këraita pa aropɨa opa oñemokañɨtei vae?

SALMOS 102:14

Nderembiokuai reta oaɨu omae jëtagüe ita reta re, ¡ipɨatɨtɨ omae reta jëtagüe opa oyemboai vae re!

SALMOS 102:15

Opaete tëtaguasu reta jare mburuvicha guasu reta oipoɨuta yandeYa jee imboetea yae vae güi.

SALMOS 137:6

¡Chekü toya cheäpeku re, mbaetɨ chemaendúa nderé yave, mbaetɨ rombotenonde nde Jerusalén opaete cheyerovia ae güi yave!

SALMOS 38:7

Echa cherete jaku yae cheve, ¡opaetei cherete imbaerasɨ!

JEREMÍAS 52:12

Nabucodonosor mburuvicha guasurä oiko Babilonia pe diecinuevea año, pandepoa yasɨ, payandepo araa pe yave, Nabuzaradán, sundaro omaeäro vae reta juvicha, ou oväe Jerusalén pe

LAMENTACIONES 2:9

Jöke reta jare iyokendaka reta opa oyemboai, ¡jare opa oyeitɨ ɨvɨ rupi! Juvicha guasu jare mburuvicha reta ñogüɨnoi, tëtaguasu reta mbaetɨ güɨnoi Tumpa iporookuai vae ipɨte rupi. ¡Ñeemombeúa reta ave mbaetɨ ma oecha mbae yandeYa güi!

DANIEL 2:4

Jayave Caldeaɨgua iyarakuaa vae reta omomiari mburuvicha guasu ñee arameo pe: —¡Eikove katu avei oreruvicha guasu! Emombeu ndepaɨu oreve, jare roikuaaukata ndeve mbae ko oipota jei vae.

DANIEL 3:9

Imiari jare jei reta mburuvicha guasu Nabucodonosor pe: —¡Eikove katu avei oreruvicha guasu!

DANIEL 5:10

Ërei mburuvicha guasu ichɨ oendu yave mburuvicha guasu iñee jare imborɨa mburuvicha reta iñee, oike okau reta ñogüɨnoia pe, jare jei: —¡Mburuvicha guasu, eikove katu avei! Agüɨye ekɨɨye jare tanderovaiyu.

DANIEL 6:21

Jayave Daniel ombou iñee mburuvicha guasu pe, jei: —¡Eikove katu avei mburuvicha guasu!

DANIEL 6:6

Jayave kuae ɨvɨ ruvicha reta jare ɨvɨ iyangarekoa reta oyomboatɨ mburuvicha guasu jóvai, jare jei reta chupe: —¡Mburuvicha guasu Darío, eikove katu aveiño!

LEVÍTICO 26:31

amokañɨteita perëta guasu reta, jare pembaemboete renda, jare ngaraa ma aëtu mbae ikäti kavi vae pegüi.