NEHEMÍAS 2:20 - Biblia Guarani Tumpa Iñee

²⁰ Jare amboyevɨ chupe reta körai: —Tumpa ara pe oï vae ko oremborɨta, jare ore jembiokuai reta romboɨpɨ yeta mbaravɨkɨ, pe reta mbaetɨ ko mbae penoi kuae pe jare mbaetɨ vi mbae peyapo vaerä kuae Jerusalén pe.

NEHEMÍAS 2:20 ပူးပေါင်းရင်းမြစ်များ

2 CRÓNICAS 26:5

Oyeko Tumpa kotɨño Zacarías oikove oiko ramboeve, echa jae omboe oipoɨu vaerä Tumpa güiño; yandeYa reño oyeko ramboeve, oë kavi chupe opaete mbaembae.

ESDRAS 4:3

Ërei Zorobabel, Jesúa jare metei ñemuña itenondegua reta Israel pe vae, jei reta chupe reta: —Mbaetɨ orepuere romopüa oreTumpa jo pe reta ndive, oreño romopüata oreYa, Israel iTumpa jo, oreokuai orembou Ciro mburuvicha guasu Persia pegua rami.

NEHEMÍAS 1:4

Aendu yave kuae ñee reta, aguapɨ jare ayaeo; chepɨatɨtɨ mbovɨ ara rupi, ayekuaku tembíu güi jare ayerure Tumpa ara pe oï vae jóvai.

NEHEMÍAS 2:4

Mburuvicha guasu jei cheve: —¿Mbae pe pa chepuere romborɨ? Jayave ayerure Tumpa ara pe oï vae pe,

ESTER 4:11

“Opaete oyeokuai mburuvicha guasu pe vae, jare opaete ɨvɨ oyemboyao yaoa rupigua reta oikuaa ko meteiño mborookuai oï vae. Kërai oipotagüe kuimbae ani kuña oike yave mburuvicha guasu joka pe, omae vaerä jese oenɨiukambae reve vae yave omanota ko. Jaeño mburuvicha guasu güɨropövee ikotɨ popoka oro pegua yave oasayepeta; jare che mbaetɨ etei chereenɨi aecha vaerä mburuvicha guasu treinta ara rupi ma.”

SALMOS 102:17

oendu yave ipuerembae oyeepɨ vae reta iyerure, oendu yave iyerure chupe reta.

SALMOS 122:6

Peyerure, oime vaerä mbɨakatu Jerusalén pe, ¡toyogüɨreko kavi nderaɨu vae reta!

SALMOS 20:5

Ore royeroviata reporomoamɨri vae re, roupita bandera oreTumpa jee re. ¡YandeYa tomee ndeve opaete reiporu vae!

SALMOS 35:27

Ërei totairari jare toyerovia chereepɨ yogüɨreko vae reta; jare tei avei reta: “¡YandeYa tuicha yae ko, jae ipɨakatu, jembiokuai ipɨakatu oï yave!”

SALMOS 51:18

CheYa Tumpa, eyapo ikavi vae Sión pe, ndepɨakavi jeko pegua; emopüa ye Jerusalén ikësea.

ÉXODO 28:29

Jare Aarón togüɨraja pɨtía regua morojäa pegua re Israel taɨ reta jee yemomaendúa peguarä, oike yave o mbaemboete renda cheróvai jekuae avei rupi.

ECLESIASTÉS 7:18

Kuaekuae eyapo, jókuae ïru reta reeyambae reve. Echa Tumpa güi oipoɨu vae, oë kavita chupe opaete mbaembae.

ISAÍAS 56:5

yepe tëi mbaetɨ taɨ jare tayɨ, ërei che ameeta chupe reta ikavi yae vae, jae ko, jee opɨta vaerä jekuae avei pegua chero pe, chero japɨpe pe; ameeta chupe jee opambae, ngaraa etei oyemboai vae.

LEVÍTICO 2:2

Jare togüɨraja sacerdote reta pe, Aarón taɨ reta pe; jare trigokúi ipɨuasɨ vae güi sacerdote toekɨ metei poagua, jare olivo iasaite güi opaete ikäti kavi vae incienso ndive, jare toapɨ mɨmba oyeyuka oyeapɨ jese vae re jókuae mbota reta oñemee vae jekovia peguarä vae, mbota oyeapɨ vae ko, ipiche katu vae ko cheveguarä.

LEVÍTICO 24:7

Peñono vi mbɨyape mókoi atɨ vae re ikäti kavi vae incienso, oyeapɨ vaerä mbɨyape reta jekovia pe, mbota oyeapɨ cheve vae ko.

ZACARÍAS 6:14

Jare äka-regua osiriveta Helem, Tobías, Jedaías jare Hen, Sofonías taɨ reta re oime avei vaerä yemomaendúa yandeYa itupao pe.’ ”

NÚMEROS 10:10

Toñemoñee pearete iara pe, yasɨ oyemboɨpɨ ñavo pe, mɨmba oyeyukagüe opaetei oyeapɨ yave, jare mɨmba oyeyukagüe yembopɨakatu pegua oñemee yave, jare chemaenduata peré. Che ko peYa Tumpa.”

Hechos 10:31

Jae jei cheve: “Tumpa oendu ndeyerure reta jare oecha mbaembae remee paravete pe vae reta pe vae.

Hechos 10:4

Cornelio okɨɨye reve omae ngatu araɨgua re jare oparandu: “¿Mbae pa, cheYa?” Jare araɨgua jei chupe: “Tumpa oendu ndeyerure reta jare oecha mbaembae remee paravete pe vae reta vae.

Hechos 8:21

Nde mbaetɨ ndepuere renoi kuae nunga mbaepuere. Echa ndepɨa jupiä Tumpa kotɨ.