NEHEMÍAS 2:13 - Biblia Guarani Tumpa Iñee

¹³ Aë jókuae pɨ̈tu öke Ɨvɨtɨ päu ipe kavi vae jöke jee vae rupi Mbaeporou Iɨesaɨ jee vae rupi, jare öke Ɨtɨapɨ Röke jee vae kotɨ, jare amae Jerusalén ikësea re, aecha opa oyemboai oï jare jöke reta opa oyeapɨ oï.

NEHEMÍAS 2:13 ပူးပေါင်းရင်းမြစ်များ

2 CRÓNICAS 26:9

Oyapo vi sundaro reta imaekarä jëguambae ɨvate vae reta Jerusalén pe, öke Ekina jee vae iárambo, öke Ɨvɨtɨ päu ipe kavi vae kotɨgua jee vae iárambo jare ekina reta iárambo.

NEHEMÍAS 1:3

Jare jei reta cheve: “Jókuae jembɨregüe reta, oasayepe tembipɨɨ güi vae reta, jókuae ɨvɨ pe opɨtagüe reta mbaetɨ etei ikavi ñogüɨnoi, ñemomarai rupi yogüɨreko reta; jare Jerusalén ikësea opa oyemboai oï, jare jöke reta opa oyeapɨ.”

NEHEMÍAS 12:31

Javoi amboyeupiuka mburuvicha Judá pegua reta tëta guasu ikësea iárambo, jare añono mókoi atɨ jetagüe otairari vae reta, yogüɨraja vaerä tenonde; metei atɨ yogüɨraja iyakatu kotɨ, öke Ɨtɨapɨ Röke jee vae kotɨ.

NEHEMÍAS 2:12

apüa pɨ̈tu yave jare mbovɨ kuimbae che ndive, ërei mbaetɨ amombeu kia pe ave yandeYa Tumpa oñono chepɨa pe ayapota Jerusalén pe vae. Mbaetɨ yogüɨraja reta kavayu re, jaeño che apo jese vae.

NEHEMÍAS 2:15

Jare pɨ̈tu vɨteri ramboeve ayeupi ɨ osɨrɨ vae rupi aja vaerä amae tëta ikësea re, jare opa güire aecha tëta guasu ikësea, ayerova ye aike öke Ɨvɨtɨ päu ipe kavi vae jöke jee vae rupi; jökorai ayu ye aïa pe.

NEHEMÍAS 2:17

Jare jae chupe reta: —Pe reta peecha ikavimbae pe ko ñaï, Jerusalén ipoä oï vae, jare jöke reta opa oyeapɨ oï vae; ikavi ko ñamopüa ye Jerusalén ikësea, jare agüɨye mo yaiko kia yandeyóyai yóyai vaerä.

NEHEMÍAS 2:3

Jare jae mburuvicha guasu pe: —¡Eikove katu avei mburuvicha guasu! ¿Kërai pa mbaetɨta chepɨatɨtɨ oyekuaa, cheñemuñagüe reta jɨvɨa renda tëta guasu Jerusalén oyemboai oï jare jöke reta opa oyeapɨ oï reve?

JEREMÍAS 5:10

¡Toike tovaicho reta chupe, jare topa tomboai reta, uvarupa tomboai reta, ërei agüɨye opaetei tomboai! ¡Jäka topa toakɨo reta, echa chembaeä ma ko!