NEHEMÍAS 2:10 - Biblia Guarani Tumpa Iñee

¹⁰ Ërei kuae oendu yave Sanbalat horonita pegua jare tembiokuai Tobías Amón iñemuña, mbaetɨ etei kërai ave yepe ipöra chupe reta, kia ou omborɨ vaerä Israel iñemuña reta vae.

NEHEMÍAS 2:10 ပူးပေါင်းရင်းမြစ်များ

NEHEMÍAS 13:1

Jókuae ara rupi oyemongeta Moisés jembikuatía, jare opaete vae reta oendu oyekuatía oï pɨpe, kërai tëta Tumpa imbae vae reta agüɨyeta kërai ave oñemoïru Amón iñemuña reta jare Moab iñemuña reta ndive vae.

NEHEMÍAS 13:28

Jare metei Joiada taɨ, sacerdote tenondegua Eliasib jɨmɨmino amombo cheɨpɨ güi; jókuae kuimbae ko Sanbalat horonita jovaya.

NEHEMÍAS 13:4

Ndei kuae oasa mbove, sacerdote Eliasib, ñaneTumpa jo pe mbota reta oñeñovatúa iyangarekoa ndive yepe Tobías oñemoëtara,

NEHEMÍAS 2:19

Ërei ngatu oendu Sanbalat horonita pegua jare tembiokuai Tobías Amón iñemuña, jare Gesem Arabiaɨgua yave, oreyóyai yóyai jare oremotareɨ reta, jei reve: —¿Mbae jei vae pa peyapo pe reta? ¿Peñemopüa pa peï mburuvicha guasu re?

NEHEMÍAS 4:7

Ërei ngatu oikuaa yave Sanbalat jare Tobías, jare Arabiaɨgua reta, jare Amón iñemuña reta jare Asdod pegua reta, kërai tëta Jerusalén ikësea oñemopüa ye ma, echa oasavigüe reta omboɨpɨ ma oyeokenda yave, iyarasɨ yae reta;

NEHEMÍAS 6:1

Jare Sanbalat, Tobías, Arabiaɨgua Gesem jare ïru tovaicho reta oikuaa yave, romopüa ye tëta guasu ikësea jare mbaetɨ ma oasavigüe (yepe tëi jókuae ara rupi ndeiño añono öke reta),

NEHEMÍAS 6:16

Jare kuae oendu opaete orerovaicho reta yave, okɨɨye opaete vae tëta guasu reta oreɨ́vɨri ñogüɨnoi vae, jare oyandu oñemomichiuka yae opɨta reta, echa oikuaa oreTumpa imbaepuere rupi oyeapo kuae mbaravɨkɨ vae.

ESTER 10:3

Echa Mardoqueo Judáɨgua oiko mburuvicha guasu Asuero jaɨkueguarä; tuicha yae jëtara Judáɨgua reta ipɨte pe, oyeaɨuka yae chupe reta, echa jae oyapo ikavi vaeño jëtaɨgua reta peguarä, oeka yembopɨakatu opaete jókuae ñemuña pegua reta peguarä.

SALMOS 112:10

Iyoa vae oecha yave, iyarasɨta; ombokɨrɨrɨuta jäi, ërei okañɨteita, iyoa vae reta jemimbota opata.

PROVERBIOS 27:4

Arasɨ ikaviä yae ko, arasɨ rai yavaete yae ko, ërei ñemotareɨ mbaetɨ kia ipuere güɨropɨa.

PROVERBIOS 30:22

Tembiokuai oï mburuvicharä yave, yarakuaambae oyekou tembíu re yave,

ECLESIASTÉS 10:7

Aecha tembiokuai reta oguata kavayu re, jare mburuvicha reta ipɨ re, tembiokuai reta rami.

ISAÍAS 15:5

Cheräse Moab pegua reta re; echa joko güi otekuarai vae reta opa yogüɨraja oväe Zoar pe, guakiya mboapɨ año vae rami. Ɨvɨtɨ Luhit ikúa rupi oyeupi retata oyaeo reve, jare jäseta oyaeo reta yogüɨraja Horonaim kotɨ tape ojo vae rupi.

JEREMÍAS 41:10

Oipɨɨ vi mburuvicha guasu tayɨ reta jare Mizpa pe opɨtagüe reta, Nabuzaradán sundaro omaeäro vae juvicha omee Gedalías, Ahicam taɨ ipo pe vae. Ismael opa oipɨɨ jare yogüɨraja oasa reta vaerä Amón iñemuña reta iɨvɨ kotɨ.

JEREMÍAS 48:34

Hesbón pegua reta omoäse jasɨ katu vae, jare jäse oyeendu Eleale jare Jahaza pe, jare Zoar güi Horonaim, guakiya mboapɨ año vae rami, echa ɨesaɨ Nimrim pegua ave opa tɨpa.

JEREMÍAS 48:5

Oyaeo reve oyeupi reta tëta Luhit oï ɨvɨtɨ re vae kotɨ; jäse jasɨ katu reve susere güi vae, tovaicho reta oendu Horonaim yagüeyɨa kotɨ.

Hechos 4:2

Iyarasɨ yae reta. Echa oporomboe reta jare omoërakua reta Jesús rupi oikove yeta omanogüe reta.

Hechos 5:24

Kuae oendu yave, sacerdote tenondegua ete, tupao järoa reta juvicha jare sacerdote reta itenondegua reta ipɨakañɨ, jare mbaetɨ oikuaa reta mbae ra oasata.