NEHEMÍAS 13:3 - Biblia Guarani Tumpa Iñee

³ Javoi, jae reta oendu mbae ko mborookuai jei vae yave, omboyao reta Israel iñemuña reta güi opaete oyea jugüɨ ketɨgua reta ndive vae.

NEHEMÍAS 13:3 ပူးပေါင်းရင်းမြစ်များ

ESDRAS 10:11

Añave peyemombeu yandeYa peñemuñagüe reta iTumpa pe, jare peyapo jemimbota, peyembosɨrɨ ïru ɨvɨ pegua reta güi, jare jókuae ketɨgua kuña reta güi.

ESDRAS 9:2

Echa jae reta jare taɨ reta güɨreko jókuae ɨvɨ pegua reta tayɨ, jökorai Tumpa jembiparavo reta oyea ïru tëta pegua reta ndive. Mburuvicha reta etei tenonde oyapo kuae mbaeyoa.”

NEHEMÍAS 10:28

Jare ïru vae reta: Sacerdote reta, levita reta, öke iyangarekoa reta, otairari vae reta, tembiokuai reta tupao guasu pe oyeokuai vae, jare opaete oyembosɨrɨ ïru tëta ambuae reta güi yogüɨreko vaerä Tumpa iporookuai rupi vae reta, jembireko reve reve, taɨ reta, tayɨ reta, opaete yarakuaa ma vae reta,

NEHEMÍAS 9:2

jare opaete Israel iñemuña reta oyembosɨrɨ ma yepe ketɨgua reta güi; jare oyemboɨ reve oyemombeu reta iyoa reta re jare iñemuñagüe reta iyoa re vi.

SALMOS 119:11

Chepɨa pe añovatu neñee reta, agüɨye vaerä cheyoa ndekotɨ.

SALMOS 119:9

¿Kërai pa taɨrusu vae ipuere oitɨo jeko? ¡Oiko yave neñee jeigüe rupi!

ÉXODO 12:38

Yogüɨraja vi jae reta ndive jeta oipotagüe kuimbae, vecha reta jare jeta yeyé mɨmba.

PROVERBIOS 6:23

Echa mborookuai reta jare mboromboe reta tembipe rami ko, yemboarakuaa reta tape tekove pegua ko.

NÚMEROS 11:4

Ketɨgua reta oyea Israel iñemuña reta ndive vae, imaendúa reta jembíu reño, jare Israel iñemuña reta oyaeo vi jae reta rami, jare jei reta: “¡Kia mona omee soo yau vaerä!

Romanos 3:20

echa mborookuai jei vae oyapo vae rupi mbaetɨ kia ipuere oyembojupiuka Tumpa jóvai. Echa mborookuai rupi yaikuaa mbaeyoa re.

Santiago 1:27

Mborogüɨrovia ikavi jare ikɨambae yandeRu Tumpa jóvai vae, jae ko: Yamborɨ tɨ̈reɨ reta jare imemano vae reta oiporara ñogüɨnoi vae, jare yayeangareko ɨvɨ pegua ikavimbae vae güi.