NEHEMÍAS 13:26 - Biblia Guarani Tumpa Iñee

²⁶ “¿Jökoraiä pa Salomón, mburuvicha guasu Israel pegua iyoa? Yepe tëi mbaetɨ ye ïru tëta pe jae rami vae mburuvicha guasu, kërai iTumpa oaɨu omae jese, jare oñono mburuvicha guasurä opaete Israel re, ërei kuña ketɨgua reta oitɨ mbaeyoa pe.

NEHEMÍAS 13:26 ပူးပေါင်းရင်းမြစ်များ

1 REYES 21:25

(Mbaetɨ yé kia Acab rami vae, jembireko Jezabel jeigüe rupi ojo, oyapo ikavimbae vaeño yandeYa jesa róvai.

1 REYES 3:12

mase, ko ayapo ndeve reiporu rami: Ko amee ndeve arakuaa katu, mbaetɨi nde rami vae nde ndei reiko mbove, jare ngaraa ye kia opüa nderaɨkue rupi nde rami vae.

1 REYES 3:13

Jare reiporumbae ave vi amee ndeve, jae ko mbaeyekou jare mbaemboetea, jökorai opaete mburuvicha guasu reta güi mbaetɨta nde rami vae, reikove reiko ramboeve.

1 REYES 4:1

Salomón oiko mburuvicha guasurä Israel iñemuña reta pe.

2 CRÓNICAS 1:12

Arakuaa katu tamee ndeve jare ameeta vi ndeve mbaeyekou reta jare yemboete, mbaetɨ etei kuae nunga güɨnoi mburuvicha guasu reta yogüɨreko tenonde ndegüi vae, mbaetɨta vi jökorai nderaɨkue rupi yogüɨreko vae.”

2 CRÓNICAS 9:22

Jare mburuvicha guasu Salomón oyapɨraa opaete mburuvicha reta ɨvɨ pegua, mbaeyekou pe jare arakuaa katu pe.

PROVERBIOS 31:3

Agüɨye eyuvanga ndeyé kuña reta rupi, echa jókuae rupi mburuvicha guasu reta oñererokomegua.

ECLESIASTÉS 7:26

Ayu aikuaa mano güi ikavimbae yae ete vae, jae ko kuña ñuai rami, oporoitɨ jare oporoäpɨti. Tumpa reño oyeko vae ojoyepe chugüi, ërei iyoa vae, oa ipo pe.