NEHEMÍAS 13:22 - Biblia Guarani Tumpa Iñee

²² Jare ayókuai levita reta oyetɨo vaerä, opa vaerä yogüɨraja reta oyangareko tëta jöke re, agüɨye vaerä oyemboeteä ara mbutuu. ¡CheRu Tumpa, neɨ̈ro cheve, ndeporoparareko tuicha rupi!

NEHEMÍAS 13:22 ပူးပေါင်းရင်းမြစ်များ

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

2 REYES 23:4

Jayave mburuvicha guasu oyókuai sacerdote tenondegua Hilcías, jare taɨkuegua sacerdote reta jare öke iyangarekoa reta, güɨnoe vaerä yandeYa jo güi opaete mbaembae oyeapo tumpa-raanga Baal jare Asera, jare opaete ara ipo reta peguarä vae; jare oapɨ reta Jerusalén güi ikatu pe, Cedrón jee vae pe, javoi itanimbugüe güɨrajauka reta Bet-el pe.

2 CRÓNICAS 29:24

Jare sacerdote reta oyuka jare jugüɨgüe oñapiramo reta mɨmba oyeyuka oyeapɨ jese vae re, Tumpa iñɨ̈ro vaerä Israel iñemuña reta iyoa re; echa opaete Israel iñemuña reta re mburuvicha guasu oporookuai oñemee vaerä mɨmba oyeyukagüe opaetei oyeapɨ vae, jare mɨmba oyeyuka Tumpa iñɨ̈ro vaerä mbaeyoa re vae.

2 CRÓNICAS 29:27

Jayave Ezequías oporookuai oñemee vaerä mɨmba oyeyukagüe opaetei oyeapɨ vae mɨmba oyeyuka oñemee jese vae re. Jare mɨmba oyeyukagüe opaetei oyeapɨ vae oyemboɨpɨ oñemee yave, oyemboɨpɨ vi tairari reta yandeYa kotɨ, mimbɨguasu reta jare tembiporu reta tairari pegua David mburuvicha guasu Israel pegua oporookuai rami.

2 CRÓNICAS 29:30

Jayave mburuvicha guasu Ezequías jare iyɨvɨrigua mburuvicha reta jei levita reta pe otairari vaerä yandeYa pe, David jare mbae re oecha voi vae Asaf iñee reta pe. Jare jae reta oyerovia yae reve otairari, jare oyetavatɨka reta omee vaerä mbaemboete.

NEHEMÍAS 12:10

Jesúa jae Joiacim tu, Joiacim jae Eliasib tu, jare Eliasib jae Joiada tu;

NEHEMÍAS 12:30

Jayave oyetɨo Tumpa jóvai sacerdote reta jare levita reta. Javoi oitɨo reta vi opaete vae reta Tumpa jóvai, jaeramiño vi öke reta jare tëta guasu ikësea.

NEHEMÍAS 13:14

¡CheRu Tumpa: Nemaendúa kuae ayapogüe re, agüɨye neakañɨ ikavi vae ayapo kuae ndero jo kotɨ vae, jare mbaemboete oñemee pɨpe vae kotɨ vae!

NEHEMÍAS 13:31

jare opaete vae reta güeru vaerä mbaagüɨyerɨpɨ reta vae, jare kërai yave güeru reta vaerä mbota yepea vae. ¡CheRu Tumpa! ¡Nemaendúa cheré ikavi vae rupi!

NEHEMÍAS 5:19

¡Agüɨye neakañɨ chegüi cheRu Tumpa! ¡Jare agüɨye vi neakañɨ opaete kuae tëta kotɨ ayapo vae güi!

SALMOS 130:7

Nde tëta Israel, eäro yandeYa, echa jae iporoparareko jare oporoepɨ vae ko.”

SALMOS 5:7

Ërei ngatu ndeporoparareko tuicha yae ete jeko pegua chepuere aike ndero pe. Romboete aipoɨu reve kavi amae ndetupao oñeñono tee vae kotɨ.

SALMOS 51:1

CheRu Tumpa, nde ndeporoparareko jeko pegua cheparareko, emboai chepɨapochɨ, ndepɨakavi jare ndeporoaɨu yae jeko pegua.

ISAÍAS 38:3

“Romoñera cheYa, nemaendúa vaerä jupi rupi jare añetete rupi ayeokuai ndeve vae re, jare ayapo ndepɨa jemimbotaño.” Jare oyaeo ipɨatɨtɨ yae reve.

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

DEUTERONOMIO 5:12

Pemaendúa ara mbutuu pegua re, peñono tee vaerä, peYa Tumpa peokuai rami.