NEHEMÍAS 13:2 - Biblia Guarani Tumpa Iñee

² Echa jae reta ñogüɨnoe vaerägüe oövaiti Israel iñemuña reta tembíu ndive jare ɨ ndive, omboepɨ reta Balaam pe, jae oyepopeyu vaerä Israel iñemuña reta kotɨ; ërei ñaneTumpa oipoepɨ yepopeyu, mborerekua pe.

NEHEMÍAS 13:2 ပူးပေါင်းရင်းမြစ်များ

SALMOS 109:28

Yepe tëi jae reta oyepopeyu cheré, ërei nde ndeporerekua cheré; yepe tëi jae reta oñemopüa chekotɨ, ërei toñemomaraiuka reta, jare che nderembiokuai tayerovia.

MIQUEAS 6:5

Chembae vae reta, pemaendúa añave, Balac mburuvicha guasu Moab pegua iyemongeta reta re, jare Balaam, Beor taɨ omboyevɨ ñee chupe vae re; pemaendúa tëta Sitim güi Gilgal kotɨ kërai peasa vae re, peikuaa vaerä yandeYa kërai oyapo jupi vae.”

NÚMEROS 23:18

Jayave Balaam jei ombojaanga reve mbae oasata vae, körai: “Balac, Zipor taɨ, eyeapɨsaka kavi cheré.

San Mateo 25:40

Jayave che Mburuvicha guasu jaeta chupe reta: ‘Opaete peyapo kuae cherɨvɨ reta michi vae pe vae, peyapo ko cheve etei.’

DEUTERONOMIO 23:3

Agüɨye toike Amón iñemuña pegua ani Moab iñemuña pegua yandeYa imbae vae reta ipɨte pe, ñemuña yoapɨ ave agüɨye toike.

DEUTERONOMIO 23:4

Echa Egipto güi peyu jare peasa yave iɨvɨ reta rupi, mbaetɨ oë perövaiti tembíu ndive ani ɨ ndive, jaeño omboepɨ Balaam, Beor taɨ jae ko Mesopotamia pegua pe, oyepopeyu vaerä pekotɨ.

DEUTERONOMIO 23:5

Ërei yandeYa Tumpa mbaetɨ oipota oyeapɨsaka Balaam re; jare oipoepɨ yepopeyu mborerekua pe, echa yandeYa Tumpa peraɨu.

2 Pedro 2:15

Echa oeya reta tape isɨmbi vae, jare opa jopa reta, omomoe reta Balaam, Beor taɨ jeko, echa Balaam oaɨu yae korepoti jupimbae vae oyapo vae rupi omongana vae;