NEHEMÍAS 12:31 - Biblia Guarani Tumpa Iñee

³¹ Javoi amboyeupiuka mburuvicha Judá pegua reta tëta guasu ikësea iárambo, jare añono mókoi atɨ jetagüe otairari vae reta, yogüɨraja vaerä tenonde; metei atɨ yogüɨraja iyakatu kotɨ, öke Ɨtɨapɨ Röke jee vae kotɨ.

NEHEMÍAS 12:31 ပူးပေါင်းရင်းမြစ်များ

1 CRÓNICAS 13:1

Jayave David oparandu sundaro ruvicha reta pe, jeta vae reta juvicha reta pe jare opaete tenondegua reta pe,

1 CRÓNICAS 28:1

David omboatɨ Jerusalén pe opaete Israel iñemuña reta juvicha reta; ñemuña ñavo vae reta itenondegua, sundaro reta oyemboyao yao vae juvicha reta, jeta vae reta juvicha reta, mburuvicha guasu jare taɨ reta imbaeyekou re oyangareko vae reta juvicha reta, jare opaete sundaro ruvicha reta jare opaete isundaro reta jëia yae vae.

2 CRÓNICAS 5:2

Jayave Salomón omboatɨ Jerusalén pe opaete Israel iñemuña reta itenondegua reta, jare opaete ñemuña reta itenondegua, metei tëtara vae itenondegua, güɨroyakavo reta vaerä Tumpa ikäjou morogüɨrökuavee päve pegua David jëta güi, jae ko Sión.

NEHEMÍAS 12:32

Jare jae reta jaɨkue ojo Osaías, mbɨte mburuvicha reta Judá pegua ndive, jae reta ko

NEHEMÍAS 12:38

Jare jókuae ïru atɨ otairari vae reta yogüɨraja iyakatu kotɨ. Jare che aja jae reta jaɨkue rupi ïru reta ndive tëta guasu ikësea iárambo rupi, maeka Horno reta jee vae güive tëta guasu ikësea ipɨguasúa pe,

NEHEMÍAS 12:40

Javoi jókuae mókoi atɨ reve otairari vae reta opa yogüɨraja oväe Tumpa jo pe; jare ore rojo vi roväe jókuae mbovɨ mburuvicha yogüɨreko cherupíe vae reta ndive.

NEHEMÍAS 2:13

Aë jókuae pɨ̈tu öke Ɨvɨtɨ päu ipe kavi vae jöke jee vae rupi Mbaeporou Iɨesaɨ jee vae rupi, jare öke Ɨtɨapɨ Röke jee vae kotɨ, jare amae Jerusalén ikësea re, aecha opa oyemboai oï jare jöke reta opa oyeapɨ oï.