NEHEMÍAS 12:30 - Biblia Guarani Tumpa Iñee

³⁰ Jayave oyetɨo Tumpa jóvai sacerdote reta jare levita reta. Javoi oitɨo reta vi opaete vae reta Tumpa jóvai, jaeramiño vi öke reta jare tëta guasu ikësea.

NEHEMÍAS 12:30 ပူးပေါင်းရင်းမြစ်များ

GÉNESIS 35:2

Jayave Jacob jei opaete jo pegua reta pe, jare opaete jae ndive ñogüɨnoi vae reta pe: —Peekɨ opaete tumpa ambuae oï pepɨte rupi vae, jare peyetɨo jare peipoepɨ peremimonde.

1 CRÓNICAS 15:14

Jökorai sacerdote reta jare levita reta oyetɨo Tumpa jóvai, güeru vaerä yandeYa Israel iTumpa ikäjou.

2 CRÓNICAS 29:34

Ërei sacerdote mbovɨ jeko pegua, mbaetɨ oupitɨ omboi vaerä opaete mɨmba reta oyeyukagüe opaetei oyeapɨ vaerä vae, jáeramo jëtara levita reta omborɨ opa oyapo reta regua, ïru sacerdote reta opa regua oñeñono tee reta Tumpa pe; echa levita reta jarembae pegua voi oñeñono tee reta Tumpa pe sacerdote reta güi.

2 CRÓNICAS 29:5

Jare jei chupe reta: “Leví iñemuña reta, peyeapɨsaka cheré: Peñeñono tee añave, peñono tee vi yandeYa jo, peñemuñagüe reta iTumpa jo. Penoe tupao güi opaete ikavimbae.

ESDRAS 6:21

Jou reta tembíu Pascua pegua Israel iñemuña reta tembipɨɨ güi oyerova ye vae, opaete jókuae oyembosɨrɨ kuimbae ɨvɨ ipo jeko kavimbae reta güi vae ndive, omboete reta vaerä yandeYa, Israel iTumpa.

NEHEMÍAS 12:29

jare Gilgal güi, Geba jare Azmavet iyɨvɨrigua tëta raɨ raɨ kotɨ güi; echa otairari vae reta oyapo jëtarä Jerusalén iyɨ́vɨri rupi.

NEHEMÍAS 13:22

Jare ayókuai levita reta oyetɨo vaerä, opa vaerä yogüɨraja reta oyangareko tëta jöke re, agüɨye vaerä oyemboeteä ara mbutuu. ¡CheRu Tumpa, neɨ̈ro cheve, ndeporoparareko tuicha rupi!

NEHEMÍAS 13:30

Jökorai opa aitɨo ketɨgua reta jókuae ɨvɨ güi, jare añono sacerdote reta jare levita reta kërai yave oparavɨkɨta vae jare mbae oyapo retata vae;

JOB 1:5

Jare opa güire omboasa reta iarete yave, Job omondo oenɨiuka taɨ reta, jare ndeimboveasɨ opüa omee mbota mɨmba oyeyukagüe opaetei oyeapɨ vae, taɨ reta ñavo re; jökorai oyapo chupe reta yetɨo iyoa güi, echa Job jei: “Güɨramoi cheraɨ reta oyapo mbaeyoa ani oyangao reta ipɨa pe Tumpa.” Jökorai avei oyapo Job.

ÉXODO 19:10

jare yandeYa jei Moisés pe: —Ekua emboyupavo jare toñeñono tee reta, añave jare pɨareve; toputuka reta jemimonde,

ÉXODO 19:15

Jei chupe reta: —Peyupavo kóeramo peguarä; agüɨye pepoko kuña re.

Hebreos 5:1

Opaete sacerdote tenondegua ete oyeparavo ko kuimbae reta ipɨte güi, oñeñono ko kuimbae reta re oï vaerä Tumpa jóvai, jare ipuere vaerä omee Tumpa pe mbota jare mɨmba oyeyukagüe mbaeyoa reta re.

Hebreos 5:3

jáeramo, ikavi ko omee vaerä iyegua mɨmba oyeyukagüe jare opaete vae reta re.