NEHEMÍAS 12:25 - Biblia Guarani Tumpa Iñee

²⁵ Jare öke reta iyangarekoa reta jae ko: Matanías, Bacbuquías, Obadías, Mesulam, Talmón jare Acub.

NEHEMÍAS 12:25 ပူးပေါင်းရင်းမြစ်များ

2 REYES 7:10

Jayave yogüeru, jare osapúkai reta sundaro reta tëta guasu jöke järoa pe, jei reta: —Rojo Siriaɨgua reta jeyupa pe, jare mbaetɨ etei kia joko pe oï vae, mbaetɨ etei ñee ave oyeendu joko pe. Jaeño ete ñogüɨnoi kavayu reta, mburika reta oñeapɨti oï jare küaraɨa guakapi pegua reta, jae reta omopüa ramiño ñogüɨnoi.

1 CRÓNICAS 23:32

Güɨnoi reta vi ipo pe oyangareko vaerä tupao guakapi pegua yemboatɨ renda re, jare o mbaemboetea pegua re; omborɨ reta tupao pe jëtara reta, Aarón iñemuña reta.

1 CRÓNICAS 26:12

Kuae jae öke iyangarekoa reta pe oyemboyao iparavɨkɨ rupi vae. Tupao pe mbaravɨkɨ oyapo reta vae re oyovake tenondegua reta oyopoepɨ jëtara reta ndive.

1 CRÓNICAS 26:15

Obed-edom pe suerte oë arayevɨ kotɨgua re, jare taɨ reta oyangareko vaerä tupao pegua mbaembae oñeñovatúa re.

1 CRÓNICAS 26:17

Ara ñavo oime ova levita öke iyangarekoa kuaraɨ oëa kotɨ, irundɨ ɨvɨtuguasu kotɨ, jare irundɨ vi arayevɨ kotɨ, jare mbaembae oyeu vae oñeñovatúa ñavo re mókoi mókoi.

2 CRÓNICAS 8:14

Jare oñono kavi sacerdote reta iparavɨkɨ pe oyopoepɨ reta vaerä, tu David oñono kavi rami; jare levita reta iparavɨkɨ pe kavi omee reta vaerä mbaemboete jare omborɨ reta vaerä sacerdote reta, opaete kuaekuae reta iara pe kavi; jökoraiño vi öke iyangarekoa reta öke ñavo, echa jökorai David Tumpa jembiokuai omee mborookuai.

ISAÍAS 21:8

Jare jókuae omae vae osapúkai täta: “CheYa, kuae aïa mbaetɨ etei ko aeya ara pe, pɨ̈tu ñavo ko amae ngatu avei aï.