NEHEMÍAS 12:24 - Biblia Guarani Tumpa Iñee

²⁴ Levita tenondegua reta güi jae ko: Hasabías, Serebías, Jesúa jare Cadmiel jare jëtara reta ñogüɨnoi jae reta ndive ombaemboete jare oyerure vaerä Tumpa pe, metei ñavo oäro mbae ara pe ra oyeokuaita vae, David, Tumpa jembiokuai oeya mborookuai rami.

NEHEMÍAS 12:24 ပူးပေါင်းရင်းမြစ်များ

1 REYES 17:24

Jare kuña imemano vae jei: —Añave aikuaa nde añetete jae Tumpa iñeemombeúa jare Tumpa iñee remombeu vae añete vae ko.

1 CRÓNICAS 16:4

David ombojee levita reta güi oyeokuai vaerä yandeYa ikäjou jóvai, oyapo avei reta vaerä mbaemboete, omee reve yasoropai yandeYa Israel iTumpa pe.

2 CRÓNICAS 8:14

Jare oñono kavi sacerdote reta iparavɨkɨ pe oyopoepɨ reta vaerä, tu David oñono kavi rami; jare levita reta iparavɨkɨ pe kavi omee reta vaerä mbaemboete jare omborɨ reta vaerä sacerdote reta, opaete kuaekuae reta iara pe kavi; jökoraiño vi öke iyangarekoa reta öke ñavo, echa jökorai David Tumpa jembiokuai omee mborookuai.

ESDRAS 2:40

Levita reta güi: Jesúa jare Cadmiel iñemuña reta, setenta y cuatro, jae ko Hodavías iñemuña reta.

NEHEMÍAS 11:17

jare Matanías, Micaía taɨ ko tupao guasu pe otairari vae reta itenondegua, jae omboɨpɨ mbaemboete tairari pegua jare omee yasoropai Tumpa pe yerure iora pe; Matanías, Micaía taɨ, Micaía jae ko Zabdi taɨ, Zabdi jae ko Asaf taɨ. Bacbuquías ko jae mburuvicha Matanías jaɨkuegua, jëtara reta ipɨte güi; jare Abda, Samúa taɨ, Samúa jae ko Galal taɨ, Galal jae ko Jedutún taɨ.

NEHEMÍAS 12:23

Jare ïru Leví iñemuña reta, jëtara itenondegua reta jee oyekuatía metei tembikuatía pe, opaño mbaembae oasa vae oï pɨpe vae pe, jókuae ojoi oupitɨ Johanán, Eliasib taɨ oiko yave.

NEHEMÍAS 12:36

jare jëtara reta Semaías, Azarael, Milalai, Gilalai, Maai, Natanael, Judá jare Hanani, jae reta ombopu tembiporu tairari pegua reta David Tumpa jembiokuai oporookuai rami. Jare Esdras mborookuai re oporomboe vae ojo jae reta jenonde.

NEHEMÍAS 8:7

Jare levita reta Jesúa, Bani, Serebías, Jamín, Acub, Sabetai, Hodías, Maasías, Kelita, Azarías, Jozabed, Hanán jare Pelaía, oikuaauka kavi reta mborookuai opaete vae pe; jare opaete vae kïrii ngatu oyeapɨsaka jenda jenda ae pe,

NEHEMÍAS 9:4

Javoi levita reta Jesúa, Bani, Cadmiel, Sebanías, Buni, Serebías, Bani jare Quenani oyeupi reta ñemoñee renda pe jare osapúkai täta reta oyerure reve iYa Tumpa pe;

DEUTERONOMIO 33:1

Moisés, kuimbae Tumpa jembiokuai ndei omano mbove, jei kuae ñee kavi Israel iñemuña reta kotɨ

1 Timoteo 6:11

Ërei nde kuimbae Tumpa jembiokuai, etekuarai kuaekuae güi jare omomoe jupi vae, Tumpa imboete, mborogüɨrovia, mboroaɨu, mbɨaguasu jare ñemomichi.

2 Timoteo 3:17

jökorai Tumpa jembiokuai reta, oikuaa kavi vaerä opaete Tumpa jemimbota re, jare ipuere oyapo opaete mbae ikavi vae.

JOSUÉ 14:6

Judá iñemuña reta yogüeru Gilgal pe imiari vaerä Josué ndive; jare Caleb, cenezeo Jefone taɨ, jei Josué pe: “Nde reikuaa yandeYa Tumpa jei jembiokuai Moisés pe vae, cheregua jare nderegua Cades-barnea pe.