NEHEMÍAS 11:1 - Biblia Guarani Tumpa Iñee

¹ Tëta ruvicha reta oñemoëta Jerusalén pe; ërei opaete vae güi, ombosuerte reta payandepo vae güi metei oiko vaerä Jerusalén pe, tëta oñeñono tee vae Tumpa pe vae pe, ërei jókuae chau vae reta yogüɨrekota ïru tëta guasu reta rupiño.

NEHEMÍAS 11:1 ပူးပေါင်းရင်းမြစ်များ

1 CRÓNICAS 26:13

Oyapo reta suerte tëtara rupi öke ñavo peguarä, jare suerte pe oike okuakuaagüe reta jare taɨrusu vae reta.

1 CRÓNICAS 8:28

Kuae reta jae mburuvicha tëtara reta metei ñemuña vae pe, Jerusalén pe yogüɨreko vae pe.

1 CRÓNICAS 9:1

Körai opaete Israel iñemuña ñavo rupi oyekuatía oï tembikuatía pe, Israel pegua mburuvicha guasu reta imbae pe. Judá pegua reta opa oyererajauka iɨvɨ güi Babilonia pe iyoa jeko pegua.

1 CRÓNICAS 9:2

Tenonde ete yogüeru ye iɨvɨ ae pe jare jëta guasu pe vae jae Israel iñemuña reta, sacerdote reta, levita reta jare tembiokuai tupao pe oyeokuai vae reta.

1 CRÓNICAS 9:3

Jerusalén pe oñemoëta Judá, Benjamín, Efraín jare Manasés iñemuña reta.

NEHEMÍAS 10:34

Jare opaete sacerdote reta, levita reta jare tëta pegua reta royapo suerte orerëtara ñavo rupi, rogüeru vaerä yepea año ñavo ñaneTumpa jo pe, oyereruta ara oyeparavo jókuae peguarä vae pe, oyeapɨ vaerä mɨmba oyeyuka oyeapɨ jese vae re, mborookuai pe oyekuatía oï rami.

NEHEMÍAS 11:18

Opaete reve levita reta opɨta Jerusalén tëta oñeñono tee Tumpa pe vae pe, jae ko dosciento ochenta y cuatro.

NEHEMÍAS 4:22

Jayave jae vi opaete vae reta pe: “Metei ñavo topɨta Jerusalén pe jembiokuai reta ndive, pɨ̈tu yave oporoäro vaerä, jare ara pe oparavɨkɨ reta vaerä.

SALMOS 122:5

Echa joko pe oime guapɨka morojäa pegua, David iguapɨka reta mburuvicha pegua.

SALMOS 122:6

Peyerure, oime vaerä mbɨakatu Jerusalén pe, ¡toyogüɨreko kavi nderaɨu vae reta!

PROVERBIOS 16:33

Kuimbae oyapo iyeupe suerte, ërei yandeYa ko jeita, opaete yemongeta oyeapo vaerä.

ISAÍAS 48:2

echa pe reta peñeenɨi tëta guasu oñeñono tee vae pe, jare Tumpa re güɨrovia vae reta pe, jae ko jee yandeYa Imbaepuere yae ete vae:

ISAÍAS 52:1

Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

San Mateo 27:53

jare oë reta tɨvɨa reta güi Jesús oikove ye yave. Jae reta yogüɨraja Jerusalén pe jare oyekuaa jeta vae pe.

San Mateo 4:5

Jayave aña guasu güɨraja Jesús tëta guasu Jerusalén pe jare omboyeupi tupao iyapɨte re.

Hechos 1:24

Jayave oyerure reta Tumpa pe körai: “OreYa, nde reikuaa opaete ipɨa vae, eechauka oreve kia nunga ra reiparavo ma kuae mókoi kuimbae güi,

Hechos 1:26

Jayave oyapo reta suerte jee reta re. Jare suerte oa Matías jee re; jare oyepapa Jesús jemimondo once vae reta ndive.

JOSUÉ 18:10

Jayave Josué omboyao ɨvɨ suerte rupi yandeYa jóvai Silo pe, jökorai omboyao ɨvɨ Israel iñemuña reta imbaerä.