NEHEMÍAS 10:37 - Biblia Guarani Tumpa Iñee

³⁷ Jare roñeñono vi rogüɨraja vaerä mbaembae oñeñovatúa pe ñaneTumpa jo pegua pe tenondegua trigo ikuigüe, opaete ɨvɨra iarɨpɨ reta, vino jare olivo iasaite sacerdote reta peguarä, jare levita reta peguarä, opaete roarɨvogüe güi, payandepo vae güi metei, jare jae reta etei omboresive vaerä jókuae payandepo güi metei vae tëta ñavo rupi.

NEHEMÍAS 10:37 ပူးပေါင်းရင်းမြစ်များ

2 CRÓNICAS 31:6

Jökoraiño vi Israel pegua reta jare Judá pegua reta, tëta guasu reta Judá pegua rupi yogüɨreko vae reta omee iguaka reta güi jare ivecha reta güi payandepo ñavo vae güi metei jare güeru reta mbaembae oñono tee reta yandeYa peguarä vae güi payandepo ñavo vae güi metei. Jeta omboatɨ reta.

NEHEMÍAS 13:10

Jare aikuaa vi kërai levita reta pe mbaembae oñemeeta tëi vae, mbaetɨve ma oñemee vae, jáeramo, levita reta tupao guasu pe oyeokuai vae reta jare otairari vae opa yogüɨraja jëta jëta ae kotɨ.

NEHEMÍAS 13:12

jare opaete vae Judá pegua güeru tupao guasu pe imbaembae payandepo vae güi metei vae: Güeru reta trigo, vino, asaite.

NEHEMÍAS 13:5

jare oiporuka yepe chupe cuarto tuicha vae oñeñovatuse pɨpe mbota reta vae, ikäti kavi vae incienso, tembiporu reta, jare payandepo güi metei oñemee trigo vae, vino vae, jare olivo iasaite reta güi vae, echa joko güi ko oñemeese yepi levita reta pe, otairari vae reta pe, öke iyangarekoa reta pe, jare vi mbota sacerdote reta peguarä oñemee vae.

NEHEMÍAS 13:9

Javoi aporookuai oitɨo reta vaerä Tumpa jóvai jókuae o, jare güeru reta ye vaerä joko pe mbaembae Tumpa jo pegua, mbota reta jare ikäti kavi vae incienso.

ÉXODO 13:12

peñono tee opaete peraɨrɨpɨ reta, jökorai vi opaete perɨmba reta imembɨrɨpɨ kuimbae reta; echa yandeYa imbae ko.

ÉXODO 13:2

“Peñono tee cheve opaete membɨrɨpɨ kuimbae, echa opaete Israel iñemuña reta taɨrɨpɨ chembae ko, jökorai vi opaete mɨmba reta imembɨrɨpɨ kuimbae.”

LEVÍTICO 23:17

jare peikoa güi peraja mókoi mbɨyape mbota oñererökuavee vaerä; peyapo mbɨyape oyembovugüe irundɨ kilo vae, trigokúi ipɨuasɨ vae pegua, mbota mbaagüɨyerɨpɨ oñemee vaerä cheve.

MALAQUÍAS 3:10

Peru opaete pediezmo mbotarɨru pe, oime vaerä tembíu chero pe; jare peikuaa añave jokoropi, mbaetɨta ra aipea ara jöke ambou vaerä peve mborerekua oarasa regua. Jei yandeYa Imbaepuere yae ete vae.

MALAQUÍAS 3:8

¿Kuimbae ipuere pa mbae oñomi Tumpa güi? ¡Echa pe reta pemaeñomi ko chegüi! Ërei pere: “¿Mbae pa roñomi ndegüi?” ¡Peñomi ko mbota reta jare pediezmo reta!

NÚMEROS 18:15

Opaete kuimbae taɨrɨpɨ reta ani mɨmba imembɨrɨpɨ kuimbae reta güi oñemee cheve vae, toï ndembaerä; ërei kuimbae taɨrɨpɨ, toyemboepɨ; jare mɨmba oyeumbae imembɨrɨpɨ kuimbae, toyemboepɨ vi.

NÚMEROS 18:18

Jare isoogüe ndembaerä ko; oñererökuavee oñemee vae ipɨtiagüe jare iugüe iyakatu kotɨgua, ndembaerä vi ko.

NÚMEROS 18:21

Mase, che amee Leví iñemuña reta imbaerä opaete payandepo güi metei vae Israel iñemuña reta omee vae, echa jae reta oyeokuai kuae tupao guakapi pegua pe.

Romanos 11:16

Echa mbaagüɨyerɨpɨ reta oñeñono tee Tumpa pe yave, opaete trigokúi oyemombɨugüe oñeñono tee vi ko Tumpa peguarä. Ani metei temitɨ japo reta oñeñono tee Tumpa pe yave, opaete jäka reta oñeñono tee vi ko Tumpa peguarä.

DEUTERONOMIO 14:22

Oatambae reve, año ñavo pembaagüɨye reta güi pembosɨrɨta payandepo güi metei.

DEUTERONOMIO 18:4

jaeramiño vi pembaagüɨyerɨpɨ güi: Trigo, vino jare olivo iasaite, jare tenondegua vecharaagüe, pevecha güi peekɨgüe toñemee chupe reta.

DEUTERONOMIO 26:2

peipɨɨ pembaagüɨyerɨpɨ, jare peñono metei kanata pe peraja yandeYa Tumpa oiparavo jee oïta pɨpea pe.