NEHEMÍAS 10:29 - Biblia Guarani Tumpa Iñee

²⁹ oñemoïru jëtara reta ndive, juvicha reta ndive, jare oñererökuavee reta Tumpa jee re yogüɨreko vaerä mborookuai jae omee jembiokuai Moisés rupi vae rupi, kërai jae reta oñovatuta jare oyapota opaete yandeYa iporookuai reta.

NEHEMÍAS 10:29 ပူးပေါင်းရင်းမြစ်များ

2 REYES 10:31

Ërei ngatu Jehú mbaetɨ oñemokɨ̈reɨ oguata vaerä Israel iYa Tumpa iporookuai rupi opaete ipɨa ndive, mbaetɨ oyembosɨrɨ Jeroboam iyoa reta güi, Israel iñemuña reta pe oyapouka mbaeyoa vae güi.

2 REYES 23:3

Javoi mburuvicha guasu oyemboɨ okɨta iyɨpɨ pe oyapo morogüɨrökuavee päve yandeYa jóvai, yogüɨreko vaerä jae jeia re, oyapo reta vaerä iporookuai reta jupi rupi kavi opaete ipɨa ndive, opaete jekove ndive, oyapo reta vaerä opaete ñee reta morogüɨrökuavee päve pegua oyekuatía oï jókuae tembikuatía pe vae. Opaete tëta pegua reta opɨta vi ipɨakatu reve kuae morogüɨrökuavee päve oyeapo vae re.

1 CRÓNICAS 9:2

Tenonde ete yogüeru ye iɨvɨ ae pe jare jëta guasu pe vae jae Israel iñemuña reta, sacerdote reta, levita reta jare tembiokuai tupao pe oyeokuai vae reta.

2 CRÓNICAS 34:31

Javoi mburuvicha guasu opüa oyemboɨ okɨta iyɨpɨ pe oyapo morogüɨrökuavee päve yandeYa jóvai, oiko vaerä jae jeia re, oyapo vaerä iporookuai reta jupi rupi kavi opaete ipɨa ndive, opaete jekove ndive, oyapo vaerä opaete ñee reta morogüɨrökuavee päve pegua pe, oyekuatía oï jókuae tembikuatía pe vae.

2 CRÓNICAS 6:16

Jáeramo cheYa, Israel iTumpa embopo neñee cheru David pe rerökuavee vae, echa rere: ‘Ngaraa oata kuimbae neñemuña reta güi oguapɨ vaerä mburuvicha guasurä Israel re, nderaɨ reta yogüɨreko kavi yave jare oyapo reta cheporookuai nde reiko rami cheróvai yave.’

NEHEMÍAS 13:25

Jare ayoaka jae reta ndive, cheñeeasɨ katu ikotɨ reta. Amogüe chugüi reta ainupa, amondoro ia chugüi reta, jare jaeuka chupe reta Tumpa rovake agüɨye mo vaerä omomenda tayɨ reta ketɨgua reta ndive, jaeramiño vi taɨ reta, ani vi jae reta etei. Jare jae vi chupe reta:

NEHEMÍAS 7:46

Tembiokuai reta tupao guasu pe oyeokuai vae reta güi: Ziha iñemuña reta, Hasufa iñemuña reta, Tabaot iñemuña reta,

NEHEMÍAS 8:2

Jare sacerdote Esdras güeru jókuae mborookuai, oyemboatɨ vae reta jóvai, jae ko kuimbae reta, kuña reta jare opaete michia ipuere ma oikuaa vae reta; jae ko tenondegua ara, yasɨ chiúa pe.

NEHEMÍAS 8:3

Jare omongeta tembikuatía oka guasu jóvai, öke Ɨ Röke jee vae jóvai, ndeimboveasɨ güive kuaraɨ ara mbɨte regua, opaete kuimbae reta jare kuña reta jóvai, jare opaete michia ipuere ma oikuaa vae reta jóvai. Jare opaete vae kïrii oyeapɨsaka mborookuai oyekuatía oï vae re.

NEHEMÍAS 9:2

jare opaete Israel iñemuña reta oyembosɨrɨ ma yepe ketɨgua reta güi; jare oyemboɨ reve oyemombeu reta iyoa reta re jare iñemuñagüe reta iyoa re vi.

NEHEMÍAS 9:38

Añave, ore roñererökuavee jare roikuatía, jare jókuae oyekuatiagüe re oreruvicha reta, oresacerdote reta jare levita reta omboguapɨ vi jee.

SALMOS 105:45

omboete reta vaerä jare oyapo reta vaerä jae iporookuai jare iporomboe reta. ¡Aleluya!

SALMOS 119:106

Añererökuavee nderee re, jare jae, ¡ayapota ndeporookuai reta!

SALMOS 8:1

OreYa Tumpa, ¡imboetea yae ko nderee opaete ɨvɨ rupi! ¡Reñono ndeyemboetea ara re!

SALMOS 8:9

OreYa Tumpa, ¡tuicha yae ko nderee opaete ɨvɨ rupi!

ISAÍAS 14:1

YandeYa oipararekota Jacob iñemuña reta. Jekuae oyapo yeta imbaerä Israel iñemuña reta, güeru yeta oñono reta vaerä iɨvɨ ae pe. Ketɨgua reta oyemboyata jese reta, oñemoïruta Jacob iñemuña reta ndive.

JEREMÍAS 26:4

Ere chupe reta, körai jei yandeYa: ‘Peendúä cheve peguata vaerä cheporookuai añono peróvai vae rupi yave,

JEREMÍAS 34:15

Ko mbovɨ ara, pe reta peipoepɨ tëi pereko, jare peyapo jaekavi cheve vae, peyora ramboeve tembiokuai perëtara reta vae. Jare peyapo yemongeta peñererökuavee reve tupao oñeñono tee cheveguarä vae pe.

EZEQUIEL 36:27

Añonota peɨvɨte pe cheespíritu, jare poapota peiko vaerä cheporookuai rupi; peñovatuta jare peyapota.

LEVÍTICO 20:26

Peyoambae peiko cheve, echa che peYa iyoambae ko, che ko poparavo ïru tëta reta güi, peiko vaerä chembaerä.

MALAQUÍAS 4:4

Pemaendúa cherembiokuai Moisés iporookuai reta re, ɨvɨtɨ Horeb pe. ¡Jae ayókuai omee vaerä mborookuai reta opaete Israel iñemuña reta pe!

NÚMEROS 5:21

yandeYa toitɨ nderé yepopeyu, jare opaete vae tiñeeasɨ katu ndekotɨ, tituicha nderɨe jare tijëogüe nderumbɨ;

San Juan 1:17

Moisés rupi oñemee mborookuai. Ërei Jesucristo rupi ou, Tumpa ipɨakavi jare añete vae.

San Juan 15:14

Pe reta ko jae chevɨa-ïru, che jae peve vae peyapo yave.

San Juan 7:19

¿Moisés omeeä pa ko peve mborookuai? Ërei metei ave pe reta peyapoä mborookuai jei vae. ¿Maera pa peipota cheyuka?

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

Hechos 17:34

Ërei amogüe vae güɨrovia Tumpa iñee, jare oñemoïru Pablo ndive. Kuae reta ipɨte pe ñogüɨnoi metei Areópago pegua Dionisio jee vae, metei kuña Dámaris jee vae, jare ïru vae reta.

Hechos 23:21

Ërei agüɨye erovia reta. Echa chugüi reta cuarenta oasa okätɨrota jese. Jei reta oyepopeyu reve iyé mbaetɨta okaru jare mbaetɨta oɨu, oyuka regua Pablo. Jare añave oäro ñogüɨnoi, rerajauka vaeño ma.

Romanos 12:9

Peyoaɨu añetetegüe rupi. Pemotareɨ ikavimbae vae, pemomoe ikavi vae.

DEUTERONOMIO 33:4

Moisés omee yave oreve mborookuai Jacob iñemuña reta imbaerä omee,

DEUTERONOMIO 5:1

Moisés omboatɨ opaete Israel iñemuña reta jare jei chupe reta: “Peyeapɨsaka Israel iñemuña reta, kuae mborookuai reta amombeuta añave vae re, peikuaa jare peñovatu peyapo vaerä.

DEUTERONOMIO 5:32

Jayave, peyapo yandeYa Tumpa peokuai rami, agüɨye pepia chugüi kërai ave yepe.