NEHEMÍAS 1:7 - Biblia Guarani Tumpa Iñee

⁷ Oasa ete roñererokomegua ndegüi, jare mbaetɨ royapo mborookuai reta remee nderembiokuai Moisés rupi vae.

NEHEMÍAS 1:7 ပူးပေါင်းရင်းမြစ်များ

1 REYES 2:3

Eyapo ndeYa Tumpa jeigüe, jae jemimbota jare iporookuai reta, mborookuai oyeapo vaerä vae eyapo oyekuatía oï rami, mborookuai reta Moisés oikuatiagüe, opaete mbaembae reyapogüe oë kavi vaerä ndeve, jare kerupi reoa rupi.

2 CRÓNICAS 25:4

Ërei mbaetɨ oyuka jókuae oporoyuka vae reta taɨ reta, mborookuai pe oyekuatía oï rami, Moisés jembikuatía pe, yandeYa oporookuai vae jei: “Agüɨye kia reta tomano taɨ reta jeko re ani taɨ reta tu reta jeko re, metei vae ñavo tomano iyoa ae re.”

2 CRÓNICAS 27:2

Oyapo jupi vae yandeYa jesa róvai, opaete mbaembae tu Uzías oyapo rami, jaeño mbaetɨ oike yandeYa jo pe. Ërei jókuae ɨvɨ pegua reta jekuaeñoi oyapo ikavimbae.

ESDRAS 7:6

Kuae Esdras ou ye Babilonia güi. Jae ko mborookuai re oporomboe vae, oikuaa yae jese, yandeYa, Israel iTumpa omee Moisés rupi vae; jare mburuvicha guasu omee chupe opaete mbae oiporu vae, iYa Tumpa omborɨ ramo.

SALMOS 106:6

Oreyoa vi oreñemuñagüe reta rami, royapo ikavimbae, royapo jupimbae.

SALMOS 89:31

Omboeteä reta cheporookuai jare mbaetɨ oyapo reta yave,

SALMOS 89:32

aiporaraukata jókuae ipɨapochɨ re, jare ainupata ikavimbae oyapo vae re.

ISAÍAS 1:4

¡Paravete, iyoa vae reta, tëta tɨnɨe ikavimbae pe vae, ipɨapochɨ vae reta iñemuña, jare jeko opa oikomeguagüe reta! Oyembosɨrɨ reta yandeYa güi, omboarasɨuka reta Iyoambae Israel pegua, oyerova reta ye chugüi.

DANIEL 9:11

Opaete Israel iñemuña reta mbaetɨ oyapo ndeporomboe jare mbaetɨ oipota reta oyapo ndeporookuai reta; jáeramo oa oreré ikavimbae jare yepopeyu reta nderembiokuai Moisés iporookuai pe oyekuatía oï vae, echa oreyoa ndekotɨ.

DANIEL 9:13

Opaete kuae ikavimbae rembou oreré, Moisés iporookuai pe oyekuatía oï rami etei; ërei ore mbaetɨ roeka nde oreYa Tumpa, mbaetɨ roeya orereko ikavimbae, mbaetɨ vi roiko ndeporomboe añetete vae rupi.

OSEAS 9:9

Oñererokomegua ete kavi reta, arakae yave Gabaa pe rami. Ërei añave yandeYa imaenduata ikavimbae oyapo vae re, oiporaraukata chupe iyoa reta re.

LEVÍTICO 27:34

Jae ko kuae mborookuai reta yandeYa omee Moisés pe, ɨvɨtɨ Sinaí re, Israel iñemuña reta peguarä vae.

SOFONÍAS 3:7

Jae cheyeupe: ‘Körai Jerusalén oipoɨuta chegüi, jare oyeapɨsakata cheré; jayave ngaraa ñakañɨ opaete jókuae mbaembae re aiporarauka chupe vae güi.’ Ërei jae reta jeieteño jarembae pegua oyapo reta jeta ikavimbae.

MALAQUÍAS 4:4

Pemaendúa cherembiokuai Moisés iporookuai reta re, ɨvɨtɨ Horeb pe. ¡Jae ayókuai omee vaerä mborookuai reta opaete Israel iñemuña reta pe!

DEUTERONOMIO 4:1

Añave, pe Israel iñemuña reta, peendu mborookuai reta oyeapo vae re pomboe vae, peikove vaerä jare peike vaerä peiko, jókuae ɨvɨ peñemuñagüe reta iTumpa omee pevea pe.

DEUTERONOMIO 4:5

Mase, che ko pomboe mborookuai reta oyeapogüe re, cheYa Tumpa cheokuai rami, peyapo vaerä jókuae ɨvɨ peota pepɨ̈ro pembaerä vae pe.

DEUTERONOMIO 5:1

Moisés omboatɨ opaete Israel iñemuña reta jare jei chupe reta: “Peyeapɨsaka Israel iñemuña reta, kuae mborookuai reta amombeuta añave vae re, peikuaa jare peñovatu peyapo vaerä.

DEUTERONOMIO 6:1

Kuae ko jae mborookuai reta yandeYa Tumpa cheokuai pomboe vaerä vae, peyapo vaerä jókuae ɨvɨ pepɨ̈rota peñemoëta pɨpe vae pe.

Apocalipsis 19:2

Echa iporojäa reta añete jare jupi ko; echa jae ojäa jókuae kuña iyaguasa pota vae, opa güɨrokomegua opaete ɨvɨ pegua reta iyaguasa pota pe, ërei Tumpa oyepɨ ma jembiokuai reta imano re.”