NEHEMÍAS 1:4 - Biblia Guarani Tumpa Iñee

⁴ Aendu yave kuae ñee reta, aguapɨ jare ayaeo; chepɨatɨtɨ mbovɨ ara rupi, ayekuaku tembíu güi jare ayerure Tumpa ara pe oï vae jóvai.

NEHEMÍAS 1:4 ပူးပေါင်းရင်းမြစ်များ

2 SAMUEL 12:16

Jayave David omoñera Tumpa michia raɨ re; jare oyekuaku tembíu güi, oike jo pe jare oyapakua ɨvɨ re, jökorai iköe.

2 REYES 22:19

jare reyembopɨatɨtɨ jare reñemomichi cheróvai reendu ramboeve kuae tëta regua jare pɨpegua reta kotɨ jae vae, echa opata oñemokañɨtei, jare yogüɨrekota susere rupi vae yave, nde remondoro nderemimonde ndepɨatɨtɨ güi jare reyaeo cheróvai, jare che aendu vi ndeve. Jáeramo che amee,

2 CRÓNICAS 6:13

Echa Salomón oyapo metei oñemoñee jese vaerä jiero iyu vae pegua, mókoi metro y medio pukugüe jare ipɨgüe, jare metei metro treinta y cinco centímetro ɨvategüe, kuae oñono tupao guasu joka mbɨte pe, jare jókuae re oyetavatɨka Israel iñemuña reta jóvai jare omopüa ipo ara kotɨ jare jei:

ESDRAS 1:2

“Ciro mburuvicha guasu Persia pegua jei körai: ‘PeYa Tumpa ara pe oï vae omee chepo pe opaete mborookuaía reta ɨvɨ pegua, jare cheokuai amopüa vaerä chupe tupao Jerusalén pe, ɨvɨ Judá pe.

ESDRAS 10:1

Esdras oyerure jare oyemombeu oyaeo reve oyetavatɨka Tumpa jo jóvai oï ramboeve, jeta yae Israel iñemuña reta yatɨ jese: Kuimbae reta, kuña reta jare michia reta; opaete vae oyaeo reta ipɨatɨtɨ reve.

ESDRAS 9:3

Aendu kuae yave, amondoro cheremimonde jare cheñeapevaka chepɨatɨtɨ güi, amondoro chea jare cherendɨvaa, jare aguapɨ chepɨatɨtɨ yae reve.

ESDRAS 9:5

jayave ramo apüa chepɨatɨtɨa güi, cheremimonde jare cheñeapevaka osoro reve ayetavatɨka jare ayerure aupi reve chepo cheYa Tumpa pe,

NEHEMÍAS 2:20

Jare amboyevɨ chupe reta körai: —Tumpa ara pe oï vae ko oremborɨta, jare ore jembiokuai reta romboɨpɨ yeta mbaravɨkɨ, pe reta mbaetɨ ko mbae penoi kuae pe jare mbaetɨ vi mbae peyapo vaerä kuae Jerusalén pe.

NEHEMÍAS 2:4

Mburuvicha guasu jei cheve: —¿Mbae pe pa chepuere romborɨ? Jayave ayerure Tumpa ara pe oï vae pe,

SALMOS 102:15

Opaete tëtaguasu reta jare mburuvicha guasu reta oipoɨuta yandeYa jee imboetea yae vae güi.

SALMOS 136:26

¡Pemboete Tumpa ara pe oï vae, echa iporoparareko jekuae avei vae ko!

SALMOS 137:1

Ɨ̈aka Babilonia pegua jembeɨ pe roguapɨ yepi, jare royaeo yepi oremaendúa yave Sión re.

DANIEL 10:2

“Jókuae ara rupi che Daniel, chepɨatɨtɨ aiko mboapɨ semana rupi.

DANIEL 2:18

oyerure reta vaerä mboroparareko re Tumpa ara pe oï vae pe, jókuae yaikuaambae vae regua, agüɨye vaerä jae jare iñeïru reta opa oyeyukauka Babilonia pegua ïru yarakuaa katu vae reta ndive.

DANIEL 9:3

Ayerure cheYa Tumpa pe yemborɨ re, ayekuaku reve tembíu güi, ayemonde temimonde mbɨatɨtɨ pegua pe jare aguapɨ tanimbu re chepɨatɨtɨ güi.

JONÁS 1:9

Jare Jonás jei chupe reta: —Hebreo ko che, cheYa Tumpa ara pegua güi oipoɨu vae, ɨguasu jare ɨvɨ iyapoa.

SOFONÍAS 3:18

YandeYa jei: “Amboatɨta ɨma rupi ma oiporara yogüɨreko vae reta, ndembae areta ko, chupegua reta ñemomarai pe rupi yogüɨreko vae, ipoɨ yae ko.

Romanos 12:15

Pevɨa katu, ovɨakatu vae reta ndive. Peyaeo, oyaeo vae reta ndive.