NEHEMÍAS 1:3 - Biblia Guarani Tumpa Iñee

³ Jare jei reta cheve: “Jókuae jembɨregüe reta, oasayepe tembipɨɨ güi vae reta, jókuae ɨvɨ pe opɨtagüe reta mbaetɨ etei ikavi ñogüɨnoi, ñemomarai rupi yogüɨreko reta; jare Jerusalén ikësea opa oyemboai oï, jare jöke reta opa oyeapɨ.”

NEHEMÍAS 1:3 ပူးပေါင်းရင်းမြစ်များ

1 REYES 9:7

aekɨta Israel iñemuña reta kuae ɨvɨ amee chupe vae güi, amombota cheróvai güi kuae tupao añono tee vae, jare Israel toiko tëtaguasu reta opuka jese vaerä.

2 REYES 25:10

Jare opaete sundaro Caldeaɨgua reta ñogüɨnoi jókuae sundaro ruvicha ndive vae, güɨroyere ombosururu reta Jerusalén ikësea.

2 CRÓNICAS 36:19

Oapɨ reta vi Tumpa jo, ombosururu reta Jerusalén ikësea, oapɨ reta vi mburuvicha jo jare omboai opaete mbae jepɨ yae vae.

ESDRAS 2:1

Jae kuae Israel iñemuña reta ɨvɨ Judá pegua, mburuvicha guasu Nabucodonosor güɨraja Babilonia pe vae, jare añave amogüe oyerova reta ye Jerusalén pe jare Judá pe jëta jëta ae rupi vae.

ESDRAS 5:8

mburuvicha guasu roikuaauka kuae re ndeve rojo ɨvɨ Judea pe Tumpa tuicha yae vae jo oïa pe, jókuae o oñemopüa oï ita tuichagüe vae pe; ɨvɨra reta opa ma oñeñono oguambɨ re, jare jarembae yae oyapo ñogüɨnoi kuae mbaravɨkɨ.

NEHEMÍAS 11:3

Jae kuae tëta ruvicha reta yogüɨreko Jerusalén pe vae jee reta; ërei ɨvɨ Judá pe, tëta guasu reta rupi metei ñavo oñemoëta Israel iñemuña reta, sacerdote reta, levita reta, tembiokuai reta tupao guasu pe oyeokuai vae, jare Salomón jembiokuai reta iñemuña reta, metei ñavo jëta ae pe jare iɨvɨ ae ae pe.

NEHEMÍAS 2:13

Aë jókuae pɨ̈tu öke Ɨvɨtɨ päu ipe kavi vae jöke jee vae rupi Mbaeporou Iɨesaɨ jee vae rupi, jare öke Ɨtɨapɨ Röke jee vae kotɨ, jare amae Jerusalén ikësea re, aecha opa oyemboai oï jare jöke reta opa oyeapɨ oï.

NEHEMÍAS 2:17

Jare jae chupe reta: —Pe reta peecha ikavimbae pe ko ñaï, Jerusalén ipoä oï vae, jare jöke reta opa oyeapɨ oï vae; ikavi ko ñamopüa ye Jerusalén ikësea, jare agüɨye mo yaiko kia yandeyóyai yóyai vaerä.

NEHEMÍAS 2:3

Jare jae mburuvicha guasu pe: —¡Eikove katu avei mburuvicha guasu! ¿Kërai pa mbaetɨta chepɨatɨtɨ oyekuaa, cheñemuñagüe reta jɨvɨa renda tëta guasu Jerusalén oyemboai oï jare jöke reta opa oyeapɨ oï reve?

NEHEMÍAS 7:6

“Jae kuae Israel iñemuña reta ɨvɨ Judá pegua, mburuvicha guasu Nabucodonosor güɨraja Babilonia pe vae, jare añave amogüe oyerova reta ye Jerusalén pe jare Judá pe jëta jëta ae rupi vae.

ESTER 1:1

Mburuvicha guasu Asuero oporookuai ciento veintisiete ɨvɨ oyemboyao vae reta re, tëtaguasu India güive Etiopía pe.

SALMOS 79:4

Orerëta-ɨpɨ pegua reta oreyóyai yóyai vaeräño roiko, oreyóyai yóyai oreɨvɨrigua reta.

PROVERBIOS 25:28

Tëta guasu opa oyemboai vae, mbaetɨ ikësea vae rami ko, kuimbae mbaetɨ oyembopɨaguasu vae.

ISAÍAS 43:28

peruvicha reta omongɨa chero mbaemboetea; jáeramo, tëta Israel, Jacob iñemuña reta amaeño opa okañɨtei jare oyeyoyaiuka.”

ISAÍAS 5:5

Tamombeu peve, mbae ko ayapota cheuvarupa pe vae: Opata aekɨ chugüi ikësea, opa vaerä okañɨtei; opata ayoka chugüi ikësea, opa vaerä opɨ̈ro jese vae;

JEREMÍAS 24:9

Ayapota chupe reta vae rupi opaete tëtaguasu reta okɨɨye yaeta, jare omae kavi potaä jese reta; yogüɨrekota susere rupi jare ñeerä, yeyóyai yóyai rupi jare yepopeyurä opaete ɨvɨ rupi che amoai moaia rupi.

JEREMÍAS 29:18

Pogüɨrekota ñeraro rupi, karuai rupi jare mbaerasɨ ovakatu vae rupi. Poapota opaete tëtaguasu reta omae kaviä vaerä peré, peikota yepopeyurä, yeyóyai yóyai rupi, opaete jókuae tëtaguasu reta pomoai moaia rupi.

JEREMÍAS 39:8

Javoi Caldeaɨgua reta oapɨ mburuvicha guasu jo jare o reta tëta guasu pegua, jare opa ombosururu reta tëta guasu Jerusalén ikësea.

JEREMÍAS 42:18

YandeYa Imbaepuere yae ete vae Israel iTumpa, jei: ‘Chearasɨ tuichagüe aitɨ Jerusalén pegua reta re rami, chearasɨ aitɨta vi peré, peo yave Egipto kotɨ. Peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä, yeyóyai yoyairä, jare ngaraa ye ma peyerova kuae peɨvɨ pe.’

JEREMÍAS 5:10

¡Toike tovaicho reta chupe, jare topa tomboai reta, uvarupa tomboai reta, ërei agüɨye opaetei tomboai! ¡Jäka topa toakɨo reta, echa chembaeä ma ko!

JEREMÍAS 52:14

jare opaete sundaro Caldeaɨgua reta yogüeru jókuae sundaro ruvicha ndive vae, güɨroyere ombosururu reta Jerusalén ikësea.

LAMENTACIONES 1:7

Jerusalén imaendúa, pɨpegua reta opa oa tovaicho reta ipo pe jare mbaetɨ kia omborɨ vae yave, imaendúa jae ipɨatɨtɨ opɨta vae re, jare oyembopɨapochɨ vae re. Imaendúa vi jeta mbaembae ipöragüe güɨreko arakae güive vae re. Jovaicho reta oecha yave jókuae, oyóyai yóyai reta opa oyemboai vae re.

LAMENTACIONES 2:9

Jöke reta jare iyokendaka reta opa oyemboai, ¡jare opa oyeitɨ ɨvɨ rupi! Juvicha guasu jare mburuvicha reta ñogüɨnoi, tëtaguasu reta mbaetɨ güɨnoi Tumpa iporookuai vae ipɨte rupi. ¡Ñeemombeúa reta ave mbaetɨ ma oecha mbae yandeYa güi!

LAMENTACIONES 3:61

CheYa Tumpa, eendu ñee ikavimbae jei reta vae, jare opaete chemomburu reta yogüɨreko vae;

LAMENTACIONES 5:1

CheYa Tumpa, nemaendúa rosusere vae re; emae oreré, kërai mbae jasɨ katu vae jei reta orekotɨ vae re.

LEVÍTICO 26:31

amokañɨteita perëta guasu reta, jare pembaemboete renda, jare ngaraa ma aëtu mbae ikäti kavi vae pegüi.

LEVÍTICO 26:33

Jare opata pomoai kerupi ïru tëtaguasu reta rupi, ñeraro rupi opata pomoai, peɨvɨ oikota ipombae jare perëta guasu reta tëtagüerä.