NEHEMÍAS 1:11 - Biblia Guarani Tumpa Iñee

¹¹ Romoñera cheYa Tumpa, añave eyeapɨsaka che nderembiokuai iyerure re, jare ïru nderembiokuai reta iyerure, jae reta oipota omboete nderee; emee añave che nderembiokuai pe toë ikavi mbaembae cheve, jare emeeuka cheve mboroparareko mburuvicha guasu güi.”

NEHEMÍAS 1:11 ပူးပေါင်းရင်းမြစ်များ

GÉNESIS 24:42

“Jökorai añave ayu aväe ɨ jenda pe yave, jae: ‘CheYa Tumpa, cheya Abraham iTumpa, rembopo yave cheguata, ayu jese vae,

GÉNESIS 32:11

¡Añave, chereepɨ cherɨkeɨ Esaú güi!, echa akɨɨye chugüi ou vaerä cheve jare oyuka kuña reta imembɨ reta ndive.

GÉNESIS 32:28

Jare jókuae kuimbae jei chupe: —Ngaraa ye ma nderee Jacob. Ndembojee retata Israel; echa reñoïraro ko Tumpa ndive jare kuimbae reta ndive, jare reporomoamɨri.

GÉNESIS 40:1

Opa ma kuaekuae reta oasa güire, mburuvicha guasu oëɨ vino pe vae jare mbɨyape iyapoa, ombaeyavɨ reta mburuvicha guasu Egipto pegua kotɨ.

GÉNESIS 40:2

Jare Faraón iyarasɨ kuae mókoi tembiokuai ruvicha reta kotɨ; oporoëɨ vae reta itenondegua kotɨ jare mbɨyape iyapoa reta itenondegua kotɨ,

GÉNESIS 40:21

Jare oporoëɨ vae reta itenondegua omondo ye iparavɨkɨa pe; jökorai kuae omee ye Faraón ipo pe kopa;

GÉNESIS 40:23

Jare oporoëɨ vae reta itenondegua mbaetɨ imaendúa José re, ñakañɨ chugüi.

GÉNESIS 41:9

Jayave oporoëɨ vae reta itenondegua omoë iñee jare jei Faraón pe: —Añave ramo aipo chemaendúa ayavɨgüe re.

GÉNESIS 43:14

Jare Tumpa imbaepuere yae ete vae tomee mboroparareko jókuae kuimbae pe pekotɨ, jare toyora ye jókuae perɨkeɨ ïru jare kuae Benjamín pe tipɨakavi. Jare mbaetɨta ma cheraɨ reta oyembou ye chekotɨ yave, ¡jökorai toiko!

2 CRÓNICAS 6:40

Añave cheru Tumpa romoñera emae jare eendu yerure reta kuae güi oyeapo ndeve vae.

ESDRAS 1:1

Tenondegua año Ciro omboɨpɨ oï mburuvicha guasurä Persia pe yave, oyembopo vaerä yandeYa iñee Jeremías rupi omombeu vae. YandeYa oñono Ciro mburuvicha guasu Persia pegua ipɨa pe omoërakuauka vaerä mborookuai ñee rupi jare tupapire rupi opaete iporookuaía rupi, jei reve:

ESDRAS 7:6

Kuae Esdras ou ye Babilonia güi. Jae ko mborookuai re oporomboe vae, oikuaa yae jese, yandeYa, Israel iTumpa omee Moisés rupi vae; jare mburuvicha guasu omee chupe opaete mbae oiporu vae, iYa Tumpa omborɨ ramo.

NEHEMÍAS 1:6

añave eendu jare emae che nderembiokuai iyerure re; ara ñavo jare pɨ̈tu ñavo ayapo aï nderóvai nderembiokuai Israel iñemuña reta re vae. Amombeu ore Israel iñemuña reta oreyoa ndekotɨ vae. ¡Añetete, che jare cheru jo pegua reta ave ko oreyoa!

NEHEMÍAS 2:1

Metei ara Nisán yasɨ pe, Artajerjes veinte año ma oiko mburuvicha guasurä yave, vino oï ma jóvai yave, aipɨɨ jókuae vino jare aëɨ mburuvicha guasu. Jare tenonde yave mbaetɨi ko chepɨatɨtɨ jóvai ramo,

NEHEMÍAS 2:8

jare ïru tupapire Asaf kaa iyangarekoa peguarä, mburuvicha guasu imbae re oyangareko vae, omee vaerä cheve ɨvɨra Tupao ikësea jöke reta reguarä, jare tëta guasu ikësea reguarä, jare o che aïta pɨpe vae reguarä.” Jare omee cheve mburuvicha guasu, yandeYa Tumpa iporerekua cheré rupi.

SALMOS 106:46

¡Yepe tëi jae reta yogüɨreko imoamɨría reta ipo pe, ërei Tumpa omee vi jókuae reta, güɨnoi vaerä mboroparareko jese reta!

SALMOS 130:2

“¡CheYa, eyeapɨsaka cheñee re! ¡Eïndaivi reendu vaerä cheyerure romoñera reve vae!

SALMOS 61:5

Echa nde, cheRu Tumpa, reendu cheñererökuavee, remee chembaerä ɨvɨ nderee omboete vae reta imbae.

SALMOS 86:6

CheYa Tumpa, eyeapɨsaka cheyerure re, ¡eïndaivi eï cheñee amoëta romoñera reve vae re!

PROVERBIOS 1:29

echa arakuaa peröɨro, jare mbaetɨ peipota peipoɨu che peYa güi.

PROVERBIOS 21:1

Sekea rupi ɨ yamondo yaipotaa kotɨ rami; jökorai ko mburuvicha guasu iyemongeta yandeYa ipo pe.

JEREMÍAS 42:12

Che popararekota, jare ameeta jae peparareko vaerä jare omaeñota peyerova ye peɨvɨ pe.’

MALAQUÍAS 3:16

(Jayave yandeYa güi oipoɨu vae reta imiari oyoupe; yandeYa oyeapɨsaka jese jare oendu. Kuae reta jee oyemboguapɨ yandeYa jóvai metei tupapire pe, yandeYa güi oipoɨu vae reta jare omboete vae reta regua.)

Hebreos 13:18

Peyerure Tumpa pe oreré. Echa roikuaa jekuaeño royapo ikavi vae pekotɨ. Jekuaeño roipota royapo jupi vae.