NAHUM 3:4 - Biblia Guarani Tumpa Iñee

⁴ Nínive iyaguasa pota yae jeko pegua, jókuae ipɨakavi jare ipöra yae vae, mbaekuaa re oporomboe vae, aguasa reta rupi jare mbaekuaa rupi ombotavɨ tëta pegua reta jare tëtaguasu pegua reta vae.

NAHUM 3:4 ပူးပေါင်းရင်းမြစ်များ

ISAÍAS 47:8

Jáeramo, eyeapɨsaka añave kuña, apiraiño omomora yae vae, nde reguapɨ kavi avei vae, rere ndepɨa pe: ‘Mbaetɨ yé kia chegüi; ngaraa apɨta imemano vae rami, ngaraa apɨta imembɨ opa omano vae rami.’

ISAÍAS 47:9

Jókuae mókoi mbae reta ou ndeve metei ara peño: repɨtata imemano vae rami, repɨtata imembɨmbae, yepe tëi jeta reñepoano mbɨrae pe, ani yepe tëi jeta reiporu mbaekuaa.

EZEQUIEL 16:35

Jáeramo, nde iyaguasa pota vae, eyeapɨsaka cheñee re:

Apocalipsis 18:23

Jaeramiño vi ngaraa ye ma jendɨ ndepɨpe mechero, ani kia omenda vae iarete. Echa omaemee yepi joko pe vae reta tuichagüe reta yepi, echa ndepaye reta rupi rembotavɨ opaete tëtaguasu reta.”

Apocalipsis 18:9

Jare ɨvɨ pegua mburuvicha guasu reta oyapo aguasa jae ndive vae jare jae ndive oyerovia vae oyaeota jare oapïrota, oecha yave jätati opa ókai güi.