NAHUM 2:5 - Biblia Guarani Tumpa Iñee

⁵ Mburuvicha guasu oenɨita isundaro reta, jare jae reta oyopete pete tëta guasu ikësea re oporepeña reta yave, jókuae tovaicho reta oñeñono kavi ma oike vaerä tëta guasu pe yave.

NAHUM 2:5 ပူးပေါင်းရင်းမြစ်များ

ISAÍAS 21:5

Mesa oñono reta ma, jendarä oipɨso reta ma asoya, okaru reta, okau reta. ¡Peyemboɨ, mburuvicha reta, peyapo kavi peyeopiaka reta!

ISAÍAS 5:27

mbaetɨta jae reta ipɨte pe metei ave ipɨtu vae ani ikangɨ vae, mbaetɨta metei ave oke vae ani jopeɨ vae, mbaetɨta metei ave ikuakuaa okúe güɨnoi vae, ani ipɨapaa iïcha oso güɨnoi vae.

JEREMÍAS 46:12

Tëtaguasu reta oikuaa ma reñemoamɨriuka vae, jare opaete ɨvɨ rupi oyeendu neräse; echa jëia yae vae reta oa oyoe, jare oyoitɨ reta ɨvɨ rupi.”

JEREMÍAS 50:29

¡Pemboatɨ opaete uvɨ oikatu ojäa vae reta, oporepeña reta vaerä Babilonia re! ¡Peyembojeyupa opaetei tëta guasu ikupe rupi, agüɨye etei vaerä metei ave oasayepe! ¡Peiporarauka chupe reta, jeko reta oï rupi! ¡Peyapo chupe reta, jae reta oporoapo rami! Echa jae reta ipɨapochɨ chekotɨ, che Tumpa, iYoambae Israel pegua kotɨ.

NAHUM 2:6

Oyepea ɨ jape reta jare mburuvicha guasu jo kavi reta opa osururu.

NAHUM 3:18

¡Mburuvicha guasu Asiria pegua, omano ndeangarekoa reta! Ndemborɨa reta omano, ndesundaro reta opa oñemoai ɨvɨtɨ rupi, jare mbaetɨ kia omboatɨ vaerä.

NAHUM 3:3

¡Kavayu regua reta oporepeña! ¡Kɨsepuku jembipe, mii overa! ¡Jetagüe ipere, jetagüe omano! ¡Jeta yeyé tëogüe! ¡Tëogüe re ipɨ̈sa yeyuka vae!

HABACUC 1:8

Ikavayu reta iñäkua yae yagua reta güi, pochɨ yae reta aguarayaɨmba reta pɨ̈tu yave oë oguata vae güi. Jeta yae ikavayu regua reta yogüeru mombɨrɨ güi oporepeña, güɨraké oporepeña jembia re rami.