NAHUM 2:13 - Biblia Guarani Tumpa Iñee

¹³ YandeYa Imbaepuere yae ete vae jei: “Ko añemopüa ndekotɨ: Opata aapɨ nekäretou ñeraro pegua reta, opata ayapo tätatirä; opata ayuka nderaɨ reta; opata amokañɨ maeñomi oime ndeɨvɨ pe vae, jare ngaraa ye ma oyeendu neñee jerajaa reta iñee.”

NAHUM 2:13 ပူးပေါင်းရင်းမြစ်များ

2 REYES 18:17

Ërei jeseve mburuvicha guasu Asiria pegua ombou mburuvicha guasu Ezequías kotɨ Tartán, Rabsaris, Rabsaces, jetagüe sundaro ndive Laquis güi Jerusalén kotɨ, oïraro reta vaerä. Yogüeru oyembojeyupa ɨ rape ɨrɨru iyɨ́vɨri ɨvategua pe, tape ojo Mbaeputuka renda rupía pe.

2 REYES 18:19

Jare Rabsaces jei chupe reta: —Pemombeu Ezequías pe kuae ñee mburuvicha guasu tuicha yae vae Asiria pegua jei vae: “¿Mbae re pa reñeväe jëguambae ko reï vae?

2 REYES 19:23

Neñee jerajaa reta rupi neñeeasɨ katu chekotɨ. Rere: ‘Jeta yeyé chekäretou reta ramo ayeupi ɨvɨtɨ guasu reta iyapɨte re, Líbano pe ɨvɨtɨ ɨvate yae vae re. Ayasɨa iɨ̈vɨrare ɨvate yae vae reta, ɨvɨra pino jee vae ipöra yae vae. Aja aväe ɨvɨtɨ reta iyapɨte re, kaa reta mbaepotɨ renda reta ramía pe.

2 REYES 19:9

Joko pe mburuvicha guasu Asiria pegua oendu Tirhaca mburuvicha guasu Etiopía pegua ou oporepeña jese vae. Jare omondo ye jekovia pe kuimbae reta imiari vaerä Ezequías pe, jei reve:

2 CRÓNICAS 32:19

Jei reta ñee ikavimbae Jerusalén pegua reta iTumpa kotɨ, ïru tëtaguasu reta itumpa kotɨ jei reta rami, jókuae tumpa reta kuimbae reta oyapogüe kotɨ.

SALMOS 46:9

Omombɨta ñeraro opaete ɨvɨ rupi; omopë güɨrapa reta, oakɨo mii reta, jare, ¡opa oapɨ tata pe käretou ñeraro pegua reta!

JEREMÍAS 21:13

‘Tëta guasu ɨvɨtɨ re reï vae, ɨvɨtɨ päu ipe kavi vae oyere nderé vae, che ndeYa jae ndekotɨ; pe reta pere: ¿Kia pa ipuereta yanderé? ¿Kia pa ipuereta oike ñaneñepɨ̈roka pe?

JEREMÍAS 46:14

“Emoërakua Egipto pe; jae ko Migdol pe, Menfis pe jare Tafnes pe: ‘¡Pemae ngatu, peï kavi peï! ¡Echa tovaicho reta oyere, omboai vaerä peɨvɨ!’

JEREMÍAS 50:31

YandeYa Imbaepuere yae ete vae jei: “Tëta guasu ipɨayemboete vae, che ayemboyovaicho ndekotɨ; oväe ara, reiporara yae vaerä.

JEREMÍAS 51:25

Che añemopüa ndekotɨ, ɨvɨtɨ guasu oporomboai vae; reporomboai opaete ɨvɨ rupi vae. Che peYa ko jae kuae. Amopüata chepo aiporarauka ndeve vaerä, rombotokororota roitɨ ɨ̈vavira güi, jare roeyata ɨvɨtɨ okaigüe rami.

EZEQUIEL 13:8

Jáeramo che peYa jae: Pe reta pemiari raangaiño jare pemombeu añetembae, jáeramo che tayovaicho pekotɨ.

EZEQUIEL 21:3

Ere ɨvɨ Israel kotɨ: ‘YandeYa Tumpa jei körai: Che ayovaicho ndekotɨ, anoeta chekɨsepuku jɨru güi, jare ayukata ndegüi jupi vae reta jare iyoa vae reta.

EZEQUIEL 26:3

Jáeramo che ndeYa Tumpa jae körai: Tiro, che ayovaicho nde ndive. Amopüata ndekotɨ jeta tëtaguasu reta ïru ɨvɨ pegua, ɨguasu omopüa iɨaparúa rami.

EZEQUIEL 28:22

Ere chupe reta: ‘CheYa Tumpa jei körai: Sidón, che ayovaicho nde kotɨ, nderé ayemboeteukata. Aiporarauka ndeve jupi rupi, jare aechauka ndeve aiko tee vae yave, opaete vae oikuaata che ko jae Tumpa vae.

EZEQUIEL 29:10

Jáeramo, che ayovaicho ndekotɨ jare neɨ̈aka re, amboaita ɨvɨ Egipto, aeyata ipombae Migdol güive Sevene pe jare Etiopía jembeɨ rupi.

EZEQUIEL 29:3

Ere chupe reta: ‘CheYa Tumpa jei körai: Che ayovaicho nde ndive Faraón, mburuvicha guasu Egipto pegua; mbaeporou päicha guasu oyapakua ɨ̈aka mbɨte pe rami vae jei: Chembae ko kuae ɨ̈aka Nilo, che ko ayapo cheyeupe.

EZEQUIEL 35:3

Ere chupe: ‘YandeYa Tumpa jei körai: Ɨvɨtɨ Seir, che ayovaicho ndekotɨ. Aiporaraukata ndeve, opata romboai, roeyata ipombae,

EZEQUIEL 38:3

Ere chupe: ‘CheYa Tumpa jei körai: Mase, che ayovaicho ndekotɨ Gog, tëta Mesec jare tëta Tubal juvicha.

EZEQUIEL 39:1

Nde kuimbae, emoërakua maratuta vae Gog kotɨ, ere chupe: “CheYa Tumpa jei körai: ‘Che ayovaicho ndekotɨ Gog, tëta Mesec jare tëta Tubal juvicha.

EZEQUIEL 5:8

Jáeramo che ndeYa jae: Che ayemboyovaichota ndekotɨ Jerusalén; aiporaraukata ndeve tëtaguasu reta jovake,

NAHUM 2:12

Yaguapope oyuka yepi jembia, omboyao yaguapope kuña pe jare yaguapope raɨ reta pe, jare ikua omotɨnɨe yepi mbae oyukagüe pe.

NAHUM 3:1

¡Nde, tëta guasu ipɨa-pïrimbae, tɨnɨe apu pe vae jare maepɨ̈ro pe vae, maeñomi omomora vae!

NAHUM 3:12

Opaete neñepɨ̈roka reta jae ko ɨva ia yagüɨyeasɨ vae rami oñemokana yave oa jókuae jouta vae ipo pe voi.

NAHUM 3:15

Joko pe opata ndemboai tata, ñeraro opaeteita ndemboai tuku opaetei mbae jou oeya rami. ¡Eñemuña tuku rami! ¡Eñemuña tuku raɨ reta rami!

NAHUM 3:5

YandeYa imbaepuere yae ete vae jei ye chupe: “Ko añemopüa ndekotɨ: Romonandita opaete tëtaguasu reta jovake, opaetei vae ndereechata jare mburuvicha guasu reta oechata nderete.

JOSUÉ 11:6

Ërei yandeYa jei Josué pe: “Agüɨye ekɨɨye chugüi reta, echa pɨareve koyave etei che opata amee pepo pe, jare ikavayu reta ipɨ opa peakɨo jare ikäretou reta opa peapɨ.”

JOSUÉ 11:9

Josué oyapo yandeYa oyókuai rami, echa opa oakɨo jovaicho reta ikavayu ipɨ jare ikäretou reta opa oapɨ.