NAHUM 2:11 - Biblia Guarani Tumpa Iñee

¹¹ ¿Kërai pa opɨta yaguapope reta ikua, yaguapope raɨ reta ikea? Joko pe yaguapope reta jare yaguapope raɨ reta ikavi yae yogüɨreko yepi; mbaetɨ etei oime kia ombosɨi vaerä.

NAHUM 2:11 ပူးပေါင်းရင်းမြစ်များ

GÉNESIS 49:9

Judá, yaguapope ndeigüe rami nde, jembia opa jou vae oyapakua ɨvɨ re, yaguapope tuichagüe nunga: ¿Kia pa omombata?

ISAÍAS 13:7

Jáeramo, opaete vae ipɨtuta, opaete vae ipɨa jëogüeta,

ISAÍAS 31:4

YandeYa jei cheve körai: “Yaguapope ani yaguapope raɨ oñee jembia iárambo vae mbaetɨ okɨɨye, yepe tëi vecha iyangarekoa reta oyomboatɨ oiämondo vaerä isapúkai pe, ngaraa oñeiämondouka chupe reta, jökoraita ko yandeYa Imbaepuere yae ete vae ou oepɨ tëta imbae vae ɨvɨtɨ Sión re.

ISAÍAS 5:29

yaguapope oñee rami, osapúkai retata, yaguapope raɨ oñee rami, ombokɨrɨrɨuta jäi oipɨɨ jembia vae rami, güɨraja jare mbaetɨta kia ipuere opɨ̈ro chugüi rami.

JEREMÍAS 2:15

¿Maera pa oporepeña jese vae reta, yaguapope reta jäse jäse oporepeña vae rami? Iɨvɨ opa omboai reta chugüi, jare jëta guasu reta opa oapɨ; jare mbaetɨ etei kia oiko pɨpe.

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 50:17

Israel ko metei vecha okañɨgüe rami, yaguapope reta opa omoai moai rami. Tenonde ete mburuvicha guasu Asiria pegua opa jou; jaɨkue rupi, Nabucodonosor mburuvicha guasu Babilonia pegua, opa oikäo.

JEREMÍAS 50:44

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Babilonia pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

EZEQUIEL 32:2

“Nde kuimbae, etairari kuae tairari mano pegua pe Faraón mburuvicha guasu Egipto pegua re körai: ‘Nde reï yaguapope rami tëtaguasu reta pe; mbaeporou päicha guasu ɨguasu rupigua rami, remondɨpa neɨ̈aka, repɨ̈ro ɨ jembeɨ rupi, rembojuúmbai ndepɨ pe.’

JOEL 2:6

Yogüeru reta yave, orɨrɨi chugüi reta opaete vae, opaete vae jovaiyuta okɨɨye güi.

MIQUEAS 5:6

Kuae reta omboaita ɨvɨ Asiria pegua reta kɨsepuku pe, Nimrod iɨvɨ; jare yandereepɨta Asiriaɨgua reta güi, yogüeru opɨ̈ro yandeɨvɨ yandegüi yave.

NAHUM 2:12

Yaguapope oyuka yepi jembia, omboyao yaguapope kuña pe jare yaguapope raɨ reta pe, jare ikua omotɨnɨe yepi mbae oyukagüe pe.

NAHUM 3:1

¡Nde, tëta guasu ipɨa-pïrimbae, tɨnɨe apu pe vae jare maepɨ̈ro pe vae, maeñomi omomora vae!

SOFONÍAS 3:3

Juvicha reta yaguapope oñee vae rami, oporojäa vae reta, aguarayaɨmba ñuu rupigua rami, mbaetɨ omoembɨre maekägüe pɨareve peguarä vae rami.

NÚMEROS 23:24

Kuae tëta opüata oñemoata yaguapope rami, ngaraa oputuu jou regua jembia, jou regua jembia jugüɨ.”