NAHUM 1:7 - Biblia Guarani Tumpa Iñee

⁷ YandeYa ipɨakavi ko; jae ko ñepɨ̈roka, mbɨatɨtɨ oime yave: Oepɨ oñepɨ̈ro jese vae reta.

NAHUM 1:7 ပူးပေါင်းရင်းမြစ်များ

1 CRÓNICAS 16:34

Pemee yasoropai yandeYa pe, echa jae ipɨakavi, echa iporoparareko opambae ko.

1 CRÓNICAS 5:20

Ërei Tumpa omborɨ reta, jare Agar imembɨraɨe iñemuña reta opaete imborɨa reta ndive oa ipo pe, echa ñeraro pɨte pe oyerure reta Tumpa pe omborɨ vaerä. Jare Tumpa omborɨ reta echa güɨrovia reta jese.

2 CRÓNICAS 13:18

Jökorai Israel pegua reta iñamɨri jókuae ara, jare Judá pegua reta oporomoamɨri, echa oyeko reta yandeYa iñemuñagüe reta iTumpa re.

2 CRÓNICAS 32:11

Ezequías jei yave peve peYa Tumpa pereepɨta chepo güi, pembotavɨ ko oï, oipota peyukauka yɨmbɨaɨ pe jare ɨuve pe.

2 CRÓNICAS 32:21

Jayave yandeYa ombou metei araɨgua opa oyuka opaete sundaro jëia vae reta, sundaro ruvicha reta, jare metei äpɨta vae juvicha reta, mburuvicha guasu Asiria pegua jeyupa pe. Jare jae imara yae reve oyerova ye ojo iɨvɨ kotɨ. Jare oike yave itumpa itupao pe, joko pe jae taɨ reta aeño oyuka kɨsepuku pe.

2 CRÓNICAS 32:8

Jae ndive oï kuimbae reta imbaepuere, ërei yande ndive oï yandeYa Tumpa yandemborɨ vaerä kuae ñeraro pe.” Jare mburuvicha guasu Ezequías iñee oendu reta yave, oñemoäta ngatu opaete vae.

ESDRAS 3:11

Jare otairari reta, ombaemboete reta omee reta yasoropai yandeYa pe, jei reve: “Jae ipɨakavi ko, echa iporoparareko jekuae avei Israel re.” Jare opaete vae reta osapúkai täta oyerovia reve omboete reta yandeYa, echa jo iguapɨka oyemboɨpɨ ma oñeñono.

SALMOS 1:6

YandeYa oyangareko jupi rupi yogüɨreko vae reta re; ërei mbaeyoa rupi yogüɨreko vae reta okañɨteita.

SALMOS 100:5

Echa yandeYa ipɨakavi ko; iporoparareko jekuae avei vae ko, jare iñee ombopo avei vae ko.

SALMOS 20:1

YandeYa toyeapɨsaka nderé mbɨatɨtɨ pe reï yave; Jacob iTumpa etei tandereepɨ.

SALMOS 25:8

YandeYa ko ipɨakavi vae jare jupi vae; jáeramo jae jemimbota oechauka iyoa vae reta pe,

SALMOS 27:5

Echa jae cheomita itupao guakapi pegua pe, ou yave ara ikavimbae vae. Jae jëta oñono tee vae pe cheomita. ¡Ɨvate cheñonota ita guasu re!

SALMOS 37:39

Ërei jupi vae reta iyereroasayepe ou yandeYa güi, jae ko iñepɨ̈roa mbɨatɨtɨ iara pe.

SALMOS 37:40

YandeYa omborɨta jare oepɨta, oepɨta iyoa vae reta güi jare güɨroasayepeta, echa yandeYa reño oyeko reta.

SALMOS 46:2

Jáeramo, agüɨye yakɨɨye, yepe tëi ɨvɨkana, yepe tëi ɨvɨtɨ guasu opa osururu ɨguasu pe,

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 59:16

Ërei che atairarita ndembaepuere regua, ambaemboeteta ndeimbove yave ndeporoparareko regua. Echa nde jae ko cheyeepɨka jare cheñepɨ̈roa chepɨatɨtɨ aï yave.

SALMOS 71:3

Nde eiko avei cheve metei ita guasu rami cheñepɨ̈rokarä, ¡nde reñererökuavee chereroasayepe vaerä! ¡Nde ko jae ita guasu rami cheve vae, jare cheñepɨ̈roa!

SALMOS 86:7

Chepɨatɨtɨ aï yave roenɨi, echa nde reendu cheve vae ko.

SALMOS 9:10

CheYa Tumpa, nderé oyekota ndekuaa vae reta, echa mbaetɨ reeya ndereeka vae reta.

SALMOS 91:15

Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

PROVERBIOS 18:10

Ñepɨ̈roka jëguambae rami ko yandeYa jee, jupi vae reta yogüɨraja oñepɨ̈ro jese.

ISAÍAS 25:4

Echa, nde ko jae paravete vae iñepɨ̈roka, nde reepɨ oiporara oï vae, okɨrai yave nde ko ñemía, araku yae yave nde ko küaraɨa. Echa kuimbae ipɨapochɨ vae reta iyarasɨ, okɨrai vae oa ovapetea re vae rami ko.

ISAÍAS 32:2

Jókuae mburuvicha guasu oïta ɨvɨtuai güi ñañemi jese vae rami, ani okɨrai vae güi ñañemi pɨpe vae rami, ani ɨvɨ otinía pe oime ɨ̈aka raɨ rupi ɨ vae rami, ani ɨ̈vavira iküaraɨa araku yaea pe oï vae rami.

ISAÍAS 50:10

Opaete pe reta peipoɨu yandeYa güi vae, jare peendu jembiokuai iñee vae: Pɨtumimbía rupi peguata yave, ani mbaetɨ jembipe ete kavi mbatee peve yave, peyeko yandeYa re, peyeko peTumpa re.

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

JEREMÍAS 17:17

agüɨye chemongɨɨye, echa nde ko jae cheñepɨ̈roa mbaeporara iara pe.

JEREMÍAS 24:5

“Che ndeYa, Israel iTumpa, jae: Judá re amaeta ɨva ikavi yae vae rami, jókuae amee opa oyererajauka Caldeaɨgua reta iɨvɨ pe vae reta. Aipararekota amae jese reta.

JEREMÍAS 33:11

oyeendu yeta tairari arete pegua jare yerovia pegua, jare tairari menda pegua jare oyeenduta jei vae: ‘Pemee yasoropai yandeYa Imbaepuere yae ete vae pe, echa jae ipɨakavi jare iporoaɨu opambae ko.’ Jare güeru reta yeta mbota yasoropai pegua tupao pe, echa aru yeta tembipɨɨ güi, yogüɨreko ye vaerä tenonde yave rupi rami. Che ndeYa ko jae kuae.”

LAMENTACIONES 3:25

YandeYa reño oyeko vae pe, jae ipɨakavi, jókuae jeseño oyemboya vae pe.

DANIEL 3:28

Jayave Nabucodonosor jei: “Toyemboete Sadrac, Mesac jare Abed-nego iTumpa, echa ombou iaraɨgua oepɨ jembiokuai reta oyeko jese ramo, jare mbaetɨ oyapo reta cheporookuai, oñeñono reta oiporara vaerä, omboete äragüe ïru tumpa iTumpa güi.

DANIEL 6:23

Jayave mburuvicha guasu oyerovia oendu yave, jare oporookuai oñerenoe vaerä ɨvɨkua güi; jökorai güɨnoe reta Daniel ɨvɨkua güi jare mbaetɨ etei ipere, iTumpa re oyeko ramo.

JOEL 3:16

YandeYa iñeeäta ɨvɨtɨ Sión güi yave, jae ko Jerusalén pe, ara jare ɨvɨ okanata. Erei yandeYa ko Israel iñemuña reta iñepïroka, jae ko tëta imbae vae iyeroviaka.

SOFONÍAS 3:12

Aeyata ndeve ipɨa omomichi vae jare mbaetɨ ipɨayemboete vae reta, jae reta oyekota chereño.

San Mateo 27:43

Oyeko Tumpa re; toepɨ añave oaɨu yave. Echa jae jei: “Che ko jae Tumpa Taɨ.”

San Mateo 7:23

Ërei che jaeta chupe reta: ‘Pokuaaä etei. ¡Pesɨrɨ chegüi, mbaeyoa iyapoa reta!’

San Juan 10:14

Che ko jae vecha reta iyangarekoa ikavi vae. Aikuaa chevecha reta jare chevecha reta chekuaa vi.

San Juan 10:27

Chevecha reta oendu cheñee. Aikuaa chevecha reta, jare jae reta yogüɨraja cheraɨkue.

Romanos 11:22

¡Mase! Tumpa ipɨakavi ko jare iyarasɨ vi. Oiporarauka jókuae Israel pegua oyavɨ vae reta pe. Ërei ipɨakavita ko ndeve reroviaä jese yave, ërei mbaetɨ yave, ndeasɨata vi ndemombo.

Gálatas 4:9

Ërei añave peikuaa ma Tumpa, ani Tumpa pekuaa ma, jayave, ¿maera pa peyerova ye jókuae mboromboe ɨvɨ pegua paravete jare mbaeä etei vae kotɨ, peñeapɨti ye vaerä pɨpe?

2 Timoteo 2:19

Ërei Tumpa iñee añete ko, mbaetɨ etei ko oyepoepɨ, echa jei körai: “YandeYa oikuaa imbae reta.” Jare: “Opaete omboete Cristo vae, tosɨrɨ ikavimbae vae güi.”