NAHUM 1:6 - Biblia Guarani Tumpa Iñee

⁶ Iyarasɨ yave, ¿kia pa ipuereta oyemboɨ jae jóvai? ¿Kia pa ipuereta güɨropɨa iyarasɨ? Iyarasɨ oñemoai tata rami, jae jóvai osururu ɨ̈vavira reta.

NAHUM 1:6 ပူးပေါင်းရင်းမြစ်များ

1 REYES 19:11

Jae jei chupe: “Eë ikatu pe, jare eñeñono ɨvɨtɨ re cheróvai.” Jare, ko yandeYa ou, jare ɨvɨtu täta yae jare imbaepuere yae vae omondoro ɨvɨtɨ vae, jare oyoka ɨ̈vavira reta vae, ou yandeYa jenonde; ërei yandeYa mbaetɨ ou jókuae ɨvɨtu re. Jare ɨvɨtu jaɨkue ou ɨvɨkana, ërei ngatu yandeYa mbaetɨ ou ɨvɨkana ndive.

JOB 26:11

Ara iyokoka reta orɨrɨi, jare okɨɨye jae oñeengata yave.

JOB 40:11

Emae opaete ipɨayemboete vae reta re, ndearasɨ ikotɨ reta jare emomichi reta.

JOB 9:5

Iyarasɨ pe, jae omomɨi jenda güi ɨvɨtɨ reta; jare mbaetɨ kia oikuaa, kia ra ko opa güɨreko rai rai vae.

SALMOS 130:3

CheYa, remae mbaeyoa reta yave, ¿kia pa ipuereta oï nderóvai?

SALMOS 2:12

Pemboete Taɨ, agüɨye vaerä iyarasɨ, jare opa pemano; echa aramoete pegua iyarasɨ. ¡Toyerovia katu opaete jese güɨrovia vae!

SALMOS 76:7

¡Nde, kɨɨyea yae ko! ¿Kia pa ipuereta oyemboɨ nderóvai ndearasɨ reï yave?

SALMOS 76:8

Ara güi reenduka neporojäa; ɨvɨ okɨɨye jare kïrii opɨta,

SALMOS 90:11

¿Kia pa oikuaa yavaete yae ko ndearasɨ vae? ¿Kia pa oikuaa kërai ko nde ndearasɨ yave vae?

ISAÍAS 10:16

Jáeramo, yandeYa Tumpa Imbaepuere yae ete vae, opɨ̈rota Asiriaɨgua imbaepuere yae vae reta güi imbaepuere, jare oyatapɨta oyemboete jese vae re.

ISAÍAS 13:13

Echa, ara omokanata, jare ɨvɨ osɨrɨta jenda güi, chearasɨ aitɨta jókuae ara vae jeko pegua, chearasɨ yaeta jókuae ara.

ISAÍAS 27:4

Mbaetɨ chearasɨ aï ikotɨ, oime yave ñurati jare ñana pɨpe, opata ko aekɨ, jare opaeteita ko aapɨ.

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

ISAÍAS 66:15

Echa, ko yandeYa outa tata re, jare ikäretou reta kusumirou rami, oitɨ vaerä iyarasɨ jare iporonupa, tata jendɨ rami.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

LAMENTACIONES 2:3

Iyarasɨ rupi omboai opaete Israel imbaepuere, oyembosɨrɨ chugüi reta, tovaicho reta oporepeña jese yave. ¡Jacob iñemuña reta kotɨ iyarasɨ oyepota, tata jendɨvuku vae opa mbae omboai rami!

LAMENTACIONES 2:4

Metei tovaicho omoata kavi igüɨrapa vae rami, oyapo katu iyɨva, metei tovaicho oyeapo katu rami, jare omboai, ipöra yae yepi vae; iyarasɨ ombou tata rami, Sión pegua reta jeyupa re.

LAMENTACIONES 4:11

YandeYa oitɨ iyarasɨ, oitɨ opaetei iyarasɨ; oyatapɨ Sión re, opaetei omboai iguapɨka reve.

EZEQUIEL 21:31

Aitɨta nderé chearasɨ, metei tata jendɨ yavaete vae rami; romeeta kɨɨyea yae reta jare ipïrimbae oporomboai vae reta ipo pe.

EZEQUIEL 30:16

Ayatapɨta Egipto re; tëta Sin oiporara yaeta, Tebas ikësea osururuta, Menfis okɨɨye aveita oiko.

EZEQUIEL 39:6

Jare ambouta tata tëta Magog re jare opaete ipɨagüive ɨguasu jembeɨ rupi yogüɨreko vae reta re. Jare oikuaa retata che ko jae Tumpa vae.

EZEQUIEL 7:8

Añave voi jaema aitɨta chearasɨ nderé, chepɨakatu apɨta regua, rojäata ndereko reta oï rupi, jare aiporaraukata ndeve opaete ikavimbae reyapo vae re.

NAHUM 1:2

YandeYa jae ko Tumpa jägüɨro imbae vae reta re vae jare omboekovia vae; omboekovia, ikotɨ oyovaicho vae reta pe, jare iyarasɨ jovaicho reta kotɨ.

SOFONÍAS 2:2

ndei mborookuai oime pekotɨ vae ou mbove, ndei ara oasa ɨtɨ rami mbove ndei yandeYa iyarasɨ oa peré mbove, ndei ou peré yandeYa iporojäa iara mbove.

MALAQUÍAS 3:2

Jare, ¿kia pa ipuereta güɨropɨa jae ou yave?, jare ¿kia pa ipuereta oyemboɨ jae jóvai, jae oyeechauka yave? Echa jae tata mbae ikɨagüe oekɨ rami, jare ombaeputuka vae reta ijavo rami.

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

Apocalipsis 16:1

Jare aendu metei ñee tätagüe tupao güi jei jókuae chiu araɨgua reta pe: “Pekua pepɨyere ɨvɨ re jókuae chiu kopa Tumpa iyarasɨ güɨnoi vae reta.”

Apocalipsis 16:8

Jare araɨgua irundɨa opɨyere kopa güɨnoi vae kuaraɨ re, jare oñemee kuaraɨ pe mbaepuere oapɨ vaerä ɨvɨ pegua reta.

Apocalipsis 6:17

Echa oväe ma ara Vecha kuimbae taɨrusu vae iyarasɨ yae vaerä, ¿kia pa ipuereta güɨropɨa?