NAHUM 1:5 - Biblia Guarani Tumpa Iñee

⁵ Ɨvɨtɨ guasu reta okana jae jóvai; ɨ̈vavira reta opa tɨkui jae jóvai. Opaete ɨvɨ jare opaete yogüɨreko pɨpe vae ipɨakɨɨye yae oyekuaa yave.

NAHUM 1:5 ပူးပေါင်းရင်းမြစ်များ

2 SAMUEL 22:8

Jayave ɨvɨ okana täta, ara iguapɨka reta okana vi; okana reta, yandeYa iyarasɨ ramo.

JOB 26:11

Ara iyokoka reta orɨrɨi, jare okɨɨye jae oñeengata yave.

JOB 9:5

Iyarasɨ pe, jae omomɨi jenda güi ɨvɨtɨ reta; jare mbaetɨ kia oikuaa, kia ra ko opa güɨreko rai rai vae.

SALMOS 104:32

Jae omae ɨvɨ re yave, okana; ¡jae opoko ɨvɨtɨ reta yave, jätati!

SALMOS 114:4

¡Ɨvɨtɨ reta jare ɨvɨtɨ guasu reta ochäguariko reta vecha kuimbae rami jare vecha raɨ reta rami!

SALMOS 114:6

¿Maratu pa ɨvɨtɨ reta jare ɨvɨtɨ guasu reta, maera pa pechäguariko vecha kuimbae rami jare vecha raɨ reta rami?

SALMOS 18:7

Jayave ɨvɨ okana: Ɨvɨtɨ guasu reta iguapɨka okana, yandeYa iyarasɨ omokana.

SALMOS 18:8

Tätati oë iñäpɨgua rupi, tata oporomokañɨtei vae oë iyuru güi, tätapɨi jendɨ vae oë chugüi.

SALMOS 46:6

Jäsémbai tëtaguasu pegua reta, orɨrɨi mborookuaía reta, iñee omoë yave, ɨvɨ opa tɨkui.

SALMOS 68:8

ɨvɨ okana, okɨ vi nderenonde, ɨvɨtɨ Sinaí okana nde Israel iTumpa jóvai.

SALMOS 98:7

Tijɨapu ɨguasu jare tijäsémbai opaete pɨpegua reta, jökoraiño vi ɨvɨ jare opaete pɨpegua reta;

ÉXODO 19:18

Jare ɨvɨtɨ Sinaí opaetei jätati, echa yandeYa ogüeyɨ jese tata ndive; jare tätati opüa ɨvate, horno güi tätati oë vae rami, jare opaetei ɨvɨtɨ täta yae okana.

ISAÍAS 24:1

Mase, yandeYa opata oikuavo kuae ɨvɨ, opaeteita omboai jare güɨrokomegua, jare opata omoai moai pɨpegua reta.

ISAÍAS 24:20

Okanata ɨvɨ, mbae oñemokana rami, okanata metei tapɨi iyagüɨ oïeiño vae okana rami. Iyoa jeta yae ma jese, güɨrogüɨapita jare ngaraa ye ma opüa.

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

JEREMÍAS 4:24

Amae ɨvɨtɨ reta re, jare aecha okana ñogüɨnoi; opaete ɨvɨtɨ reta orɨrɨi.

EZEQUIEL 38:20

Jevae reta ɨ rupigua, güɨra reta, mɨmba reta ñana rupigua, mboi reta jare opaete kuimbae reta ñogüɨnoi ɨvɨ iárambo vae, orɨrɨita cheróvai; ɨvɨtɨ reta osururuta, ɨ̈vavira reta osururuta jare opaete tëtaguasu reta ikësea osururuta.

JOEL 2:10

Kuae oporepeña vae reta güi orɨrɨi tëta ipo reta, ara okana, kuaraɨ jare yasɨ ogüe, yasɨtata reta jäve jendɨ.

AMÓS 9:5

Tumpa, yandeYa Imbaepuere yae ete vae opoko ɨvɨ re yave, ɨvɨ tɨkui, jare oyaeo opaete pɨpegua reta; ¡tuichata ɨ ɨ̈aka pe rami, jare jagüeta ɨ̈aka Egipto pegua rami!

MIQUEAS 1:4

Jare jókuae ɨvɨtɨ guasu reta opata tɨkui iraitɨ tata pe oï rami, jare ɨvɨtɨ päu ipe kavi vae reta opata oñemoɨ̈aka-soro, ɨ oa ɨ̈vavira rupi rami.

HABACUC 3:10

Ɨvɨtɨ reta okana ndereecha yave, ara güi oa ama tuichagüe, ɨguasu tɨpɨ vae jɨapu ɨaparúa reta opüa ramboeve.

ZACARÍAS 4:7

¿Mbae pa nde ɨvɨtɨ? Zorobabel jóvai repɨtata ñuu ipe kavi vae rami; jae oekɨta tenondegua ita jeta vae isapúkai reve: ¡Ikavi yae ko! ¡Ikavi yae ko!’ ”

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

San Mateo 27:51

Jayave asoya tupao imboyaoa osoro mbɨte rupi ɨvate güi ɨ́vɨkotɨ. Jare ɨvɨ okana jare ita guasu reta oyeka.

San Mateo 28:2

Jare ɨvɨ täta okana, echa metei yandeYa iaraɨgua ogüeyɨ ara güi jare ombosɨrɨ ita tuicha vae tɨvɨa jöke güi, jare oguapɨ oï jese.

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.

Apocalipsis 6:14

Jare ara opa yapúa tupapire rami; jare opaete ɨvɨtɨ reta jare ɨguasu päu pegua ɨvɨ reta oyembosɨrɨ jenda güi.

JUECES 5:5

CheYa Tumpa, nderóvai okana ɨvɨtɨ guasu reta; ɨvɨtɨ Sinaí okana Israel iTumpa jóvai.