NAHUM 1:15 - Biblia Guarani Tumpa Iñee

¹⁵ ¡Pemae! ¡Joko ma ou ɨvɨtɨ guasu reta iárambo ñee ikavi vae jerúa, mbɨakatu omoërakua vae! Judá, eyapo ndearete reta: Embopo reñererökuavee vae reta. Echa ngaraa ye ma oporepeña nderé jeko pɨ̈chɨi vae reta; opaetei ma oyemboai.

NAHUM 1:15 ပူးပေါင်းရင်းမြစ်များ

SALMOS 107:15

Pemboete yandeYa iporoparareko re, ¡mbae ikavi vae oyapo kuimbae reta peguarä vae re!

SALMOS 107:8

Pemboete yandeYa iporoparareko re, ¡mbae ikavi vae oyapo kuimbae reta peguarä vae re!

ISAÍAS 41:27

Che ko amoërakua kuae regua Sión pe iyɨpɨ güive, che ko ambou metei ñee jerajaa omoërakua vaerä ñee kavi Jerusalén pe.

ISAÍAS 42:11

Toyerovia ñuu reta jare pɨpegua tëta guasu reta, Cedar iñemuña reta jëta raɨ raɨ rupi. Totairari Sela pegua reta oyerovia güi, tosapúkai reta ɨvɨtɨ reta iyapɨte güi.

ISAÍAS 52:1

Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

ISAÍAS 52:7

¡Ipöra yae ko ɨvɨtɨ reta re oyekuaa ou, ñee ikavigüe yerovia pegua omoërakua vae, mbɨakatu omoërakua vae, mbae ipɨau ikavigüe omoërakua vae, yereroasayepe omoërakua vae, Sión pe jei vae: “NeTumpa oï mburuvicha guasurä”!

JOEL 3:17

Jayave peikuaata che jae ko peYa Tumpa, cheɨvɨtɨ oñeñono tee vae Sión pe aiko vae; Jerusalén oñeñono teeta ko, ngaraa ye ma opïro ketɨgua reta.

LEVÍTICO 23:2

“Ere Israel iñemuña reta pe: Peyapo arete reta ikavi yae vae cheve, pemoërakua yemboatɨ guasu mbaemboete pegua, jae kuae reta:

LEVÍTICO 23:4

Jae kuae arete reta mbaemboete pegua cheveguarä, yemboatɨ reta mbaemboete pegua ko; kuae ara oväe ñavo peyomboatɨ:

NAHUM 1:14

Ërei ngatu Tumpa oporookuai ndekotɨ, mburuvicha guasu Nínive pegua: “Mbaetɨta neñemuña, nderee agüɨye vaerä ma jërakua; netumpa reta jo güi amboaita mbae iä reta, joko pe opata roñotɨ, echa oñereröɨrogüe ma ko nde.”

San Lucas 2:10

Ërei araɨgua jei chupe reta: “Agüɨye pekɨɨye. Mase, amombeu peve ñee ikavi vae oporomboyerovia yaeta vae, kuae ñee opaete vae peguarä ko.

San Lucas 2:14

“¡Toyemboeteuka Tumpa ara pe, jare ɨvɨ pegua reta tipɨakatu, Tumpa ipɨakavi chupe vae reta!”

Hechos 10:36

Tumpa ombou ñee ikavi vae Israel iñemuña reta pe. Jae omombeu chupe reta oime mbɨakatu Jesucristo re. Jesucristo ko jae opaete vae iYa.

Romanos 10:15

Jare ¿këraita pa kia omombeu chupe, mbaetɨ yave kia oyemondo? Echa oyekuatía oï körai: “Ipöra yae ko yogüeru oväe ñee mbɨakatu pegua omombeu vae reta. Ñee ikavi vae omoërakua vae reta.”