NAHUM 1:14 - Biblia Guarani Tumpa Iñee

¹⁴ Ërei ngatu Tumpa oporookuai ndekotɨ, mburuvicha guasu Nínive pegua: “Mbaetɨta neñemuña, nderee agüɨye vaerä ma jërakua; netumpa reta jo güi amboaita mbae iä reta, joko pe opata roñotɨ, echa oñereröɨrogüe ma ko nde.”

NAHUM 1:14 ပူးပေါင်းရင်းမြစ်များ

2 REYES 19:37

Metei ara jae omboete oï itumpa Nisroc itupao pe yave, taɨ Adramelec jare Sarezer oyuka kɨsepuku pe, jare otekuarai reta ɨvɨ Ararat kotɨ. Jaɨkue rupi taɨ Esar-hadón oguapɨ jekovia pe mburuvicha guasurä.

2 CRÓNICAS 32:21

Jayave yandeYa ombou metei araɨgua opa oyuka opaete sundaro jëia vae reta, sundaro ruvicha reta, jare metei äpɨta vae juvicha reta, mburuvicha guasu Asiria pegua jeyupa pe. Jare jae imara yae reve oyerova ye ojo iɨvɨ kotɨ. Jare oike yave itumpa itupao pe, joko pe jae taɨ reta aeño oyuka kɨsepuku pe.

JOB 18:17

Iñakañɨta chugüi ɨvɨ pegua reta, mbaetɨta jee oyeendu kaye rupi.

SALMOS 109:13

Topa tokañɨtei iñemuña reta, topaetei tokañɨtei jee.

SALMOS 71:3

Nde eiko avei cheve metei ita guasu rami cheñepɨ̈rokarä, ¡nde reñererökuavee chereroasayepe vaerä! ¡Nde ko jae ita guasu rami cheve vae, jare cheñepɨ̈roa!

ÉXODO 12:12

Echa che aasata jókuae pɨ̈tu opaete ɨvɨ Egipto rupi, jare omanota opaete membɨrɨpɨ kuimbae ɨvɨ Egipto rupi, jökoraita opaete kuimbae reta jare mɨmba reta. Che peYa aitɨta cheporojäa opaete tumpa-raanga reta Egipto pegua re.

PROVERBIOS 10:7

Kuimbae jupi vae re oime ñee kavi; ërei kuimbae jupimbae jee, jarembae pegua okañɨ.

ISAÍAS 19:1

Tëtaguasu Egipto maratuta vae regua: Mase, yandeYa ou Egipto pe amapɨtu iñäkua yae vae re. Tumpa-raanga reta Egipto pegua orɨrɨi oecha yave, jare Egiptoɨgua reta ipɨa mano jóvai.

ISAÍAS 33:13

Matɨ rupi peï vae reta, peyeapɨsaka ayapogüe re, jare pe köi peï vae reta, pemae chembaepuere re.”

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

DANIEL 11:21

Jae jaɨkue rupi oguapɨta mburuvicha guasurä metei kuimbae jeko kavimbae yae vae, oiko potaä tëi mburuvicha guasurä vae; jae mbaetɨta oechauka ikavimbae oyapota vae, ërei oguapɨta mburuvicha guasurä yembotavɨ rupi.

DANIEL 5:27

TEKEL: Reñejäauka mbaejäaka pe, jare oata yae ndepoɨ.

LEVÍTICO 26:30

Amboaita pembaemboete renda ɨvɨtɨ re ñogüɨnoi vae, jare ambosururuta petumpa-raanga reta, jare añonota perëogüegüe petumpa-raanga reta oyekagüe iárambo rupi, echa pɨ̈chɨi yae ko cheve;

MIQUEAS 5:13

opata amboai pegüi pepoki rupi mbae peyapo vae reta, mbae iä reta opata amboai pepɨte güi, ngaraa ye ma pemboete pepo pe peyapogüe reta.

MIQUEAS 5:14

Amboaita Asera iä reta pepɨte güi, jare opata vi amboai perëta guasu reta.

HABACUC 2:10

Jökorai reipɨɨ ñemomarai ndero peguarä jare reyapo ndeyeupe aeño rekañɨtei vaerä, jeta tëta guasu reta remokañɨtei ramo, ndeyoa nderekove kotɨ.

1 SAMUEL 3:13

Che amombeu chupe aiporarauka vaerä iñemuña reta pe jekuae avei pegua, mbaeyoa jae oikuaa oï vae re; echa taɨ reta cheangao, jare jae mbaetɨ oyopia taɨ reta.