MIQUEAS 7:9 - Biblia Guarani Tumpa Iñee

⁹ Aropɨata yandeYa iyarasɨ; echa cheyoa ikotɨ, ojäa regua chereko jare chembojupi regua. Jae cherenoeta tembipe pe jare aechata iporombojupi.

MIQUEAS 7:9 ပူးပေါင်းရင်းမြစ်များ

2 SAMUEL 24:17

David oecha araɨgua oyuka tëta pegua reta oï yave, jei yandeYa pe: —¡Che ko cheyoa! ¡Che ko ayapo ikavimbae! ¿Mbae pa kuae jekombae reta oyapo? ¡Cheré jare chero pegua reta re eitɨ neporonupa!

JOB 23:10

Ërei jae chekuaa katu, chejäa yave aëta oro oyeambae rami.

JOB 35:14

Nde rere mbaetɨ reecha Tumpa vae, ndereko reta ñogüɨnoi ko jae jóvai, jáeramo eäroño.

SALMOS 119:154

Eñemoe cheré, ¡chereepɨ! ¡Emee tekove cheve, nde rerökuavee rami!

SALMOS 37:6

Omboyekuaata jupi rupi reiko vae tembipe rami, jare ndereko kavi ara mbɨte pe ma kuaraɨ rami.

SALMOS 43:1

CheRu Tumpa, toyeapo cheve jupi vae; ¡chereepɨ iyoa vae reta güi! ¡Chereepɨ iyapu jare ipɨapochɨ vae reta güi,

SALMOS 7:6

¡Epüa, cheYa Tumpa, ndearasɨ reve! ¡Eyemboɨ cherovaicho reta pochɨ vae pe! Nde ko remee morojäa jupi vae oyeapo vaerä. ¡Eñemoe cheré cheYa!

SALMOS 94:15

Oime yeta mbaejupi, jare opaete ipɨa jupi vae reta omomoeta.

ISAÍAS 42:16

Jesambae reta arajata tape, jae reta oikuaambaea rupi, jae reta japerä rupi pɨtumimbi amoembipeta, tape pɨ̈chɨi vae ambokavita. Kuaekuae, ayapota chupe reta, mbaetɨta aeya reta jae aeño.

ISAÍAS 42:7

Reipea vaerä jesambae reta jesa, renoe vaerä tembipɨɨ reta tembipɨɨrɨru güi, jare tembipɨɨrɨru pɨtumimbi vae pe yogüɨreko vae reta.

ISAÍAS 46:13

Che, aruta yereroasayepe; aruta ete ma, köi yae ma ou. Che ameeta yereroasayepe Sión pe, jare cheyemboete tëtaguasu Israel pe.

ISAÍAS 51:22

körai jei ndeYa Tumpa, tëta imbae vae oepɨ vae: “Mase, ko aekɨta ndepo güi, jókuae kopa reyembosavaɨpo pɨpe vae; ngaraa ye ma reu kuae chearasɨ oï kopa pe vae.

ISAÍAS 56:1

YandeYa jei körai: “Peyapo jupi vae, peyapo sɨmbi vae, echa köiño ma ou cheporoyora; amboyekuaa vaerä chembaepuere, cheporogüɨroasayepe.

JEREMÍAS 10:19

—¡Maera pa ko ayemboai apɨta! ¡Chepere jasɨ yae! Ërei, ¡taiporara kuae tembiporara reta!

JEREMÍAS 14:7

¡CheYa, yepe tëi oreyoa oremboeko, eyapo oreve nderee reaɨu vae jeko pegua! Echa jeta yae orepɨapochɨ ndekotɨ, oreyoa ko ndekotɨ.

JEREMÍAS 51:10

YandeYa omboyekuaa jupi vae yandeve. Peyu, yaja ñanemiari Sión pe yandeYa Tumpa oyapogüe re.

LAMENTACIONES 1:18

YandeYa, jupi ko; che ayembopɨapochɨ iñee kotɨ. ¡Añave, peendu opaete ɨvɨ pegua reta, pemae kuae aiporara yae aï vae re! ¡Chekunumi reta jare chekuñatai reta opa oyereraja tembipɨɨrä!

LEVÍTICO 26:41

che ayovaichota vi pe ndive, jare pogüɨrajata perovaicho reta iɨvɨ pe; jare joko pe peñemomichi yave, jare peikuaa reve peiporara peyoa re yave,

MALAQUÍAS 3:18

Jayave pe reta peikuaa yeta jupi vae jare jupimbae vae, Tumpa pe oyeokuai vae jare mbaetɨ oyeokuai chupe vae.”

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

2 Timoteo 4:8

Jare añave oñeovatu ma oï cheve metei äka-regua jupi vae pegua. YandeYa oporojäa vae jupi vae, omeeta cheve metei äka-regua jókuae ara; ërei mbaetɨ cheveño, omeeta vi opaete oaɨu iväea iara vae reta pe.

Apocalipsis 18:20

Peyerovia jese, ara pe peiko vae. Jare pe oporogüɨrovia vae reta, temimondo reta jare ñeemombeúa reta, echa Tumpa oyepɨ peve.”

1 SAMUEL 24:15

YandeYa toiko ñanejäa vaerä ¡Jae toï omae vaerä añave kërai aï vae re, jae tachereepɨ ndegüi!”

1 SAMUEL 25:39

Jare David oikuaa yave Nabal omano, jei: —¡Toyemboete yandeYa, echa jae oyepɨ cheve Nabal ikavimbae oyapo cheve vae re! ¡Jae chereepɨ ikavimbae ayapota tëi vae güi, Jare yandeYa etei oitɨ Nabal re jembiapo ikavimbae! Kuae jaɨkue rupi David omondo omomiari Abigail, güeru vaerä jae jembirekorä.

1 SAMUEL 26:10

YandeYa jee re, jae etei ko oiporaraukata chupe, ani outa ara oväe omano vaerä ani ojota ñeraroa pe omano.

1 SAMUEL 3:18

Jare Samuel omombeu chupe opaete, oikuakumbae reve mbae. Jayave Elí jei: —¡YandeYa ko! ¡Toyapo jaekavi chupe vae!