MIQUEAS 7:8 - Biblia Guarani Tumpa Iñee

⁸ Nde, cherovaicho agüɨye epuka emae cheré, echa yepe tëi agüɨapi, ërei apüa yeta ko; yepe tëi aiko pɨtumimbi rupi; ërei yandeYa oikota tembipe cheveguarä.

MIQUEAS 7:8 ပူးပေါင်းရင်းမြစ်များ

JOB 31:29

Mbaetɨi ayóyai cherovaicho osusere oï yave, ani ayerovia ikavimbae pe oï yave.

SALMOS 112:4

Pɨtumimbía pe jembipe isɨmbi vae reta pe; jae ko iyeaeä vae reta, iporoparareko jare jupi vae reta.

SALMOS 143:3

Cherovaicho reta oipota cheyuka, chemomichi yae reta; chemondo aiko pɨtumimbía rupi, ɨma ma omanogüe vae reta rami.

SALMOS 20:8

Jae reta ipɨtu jare oyepɨaka, ërei ore jekuaeñoi orepɨ̈rata royemboɨ roï.

SALMOS 27:1

YandeYa jae ko cherekove jare chereroasayepe vae, ¿kia güi pa akɨɨyeta? YandeYa jae ko cheñepɨ̈roa, ¿kia güi pa akɨɨyeta?

SALMOS 35:19

Agüɨye tacheyóyai yóyai, jupimbae reve oyovaicho reta chekotɨ vae, ani jupimbae reve jesatï chemotareɨ vae reta.

SALMOS 37:21

Iyoa vae ombaeporu yave mbaetɨ omboepɨ; ërei jupi vae iporoparareko jare omee ngatu.

SALMOS 37:24

maratu oasa yave, ngaraa opɨta jökorai, echa yandeYa ko omborɨ.

SALMOS 38:16

Agüɨye tacheyóyai yóyai reta, cheamɨri yave, agüɨye toyembotuicha reta.

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

SALMOS 97:11

Tembipe oyekuaa jupi vae reta peguarä, jare yerovia katu ipɨa jupi vae reta peguarä.

ISAÍAS 2:5

¡Peyu, Jacob iñemuña reta, yaguata yandeYa omee tembipe yandeve vae pe!

ISAÍAS 49:9

Rere vaerä tembipɨɨ reta ñogüɨnoi vae reta pe: ‘Peë’, jare pɨtumimbía pe ñogüɨnoi vae reta pe ere: ‘Peyeechauka.’ Tape rupi peväeta kapii, jare opaete ɨvɨ ipombaea rupi oimeta perɨmba reta jembiurä.

ISAÍAS 50:10

Opaete pe reta peipoɨu yandeYa güi vae, jare peendu jembiokuai iñee vae: Pɨtumimbía rupi peguata yave, ani mbaetɨ jembipe ete kavi mbatee peve yave, peyeko yandeYa re, peyeko peTumpa re.

ISAÍAS 9:2

Tëta pɨtumimbi pe oguatase vae oecha tembipe tuicha yae vae; mano ipo pe yogüɨrekose vae reta re, tembipe oesape.

JEREMÍAS 48:27

Moab, ¿reyóyai yoyaiä pa ko Israel yepi, jare nemiari jese reröɨro reve, metei imonda vae re rami?

JEREMÍAS 50:11

Pe Caldeaɨgua, pemaepɨ̈ro chembae vae reta güi vae, ¡peyerovia katu yae jare pevɨa katu yae! ¡Peporise guaka taɨrusu oporise kapii rupi rami! ¡Peñee, kavayu oñee rami!

JEREMÍAS 8:4

Nde, Jeremías, emombeu opaete vae pe kuae ñee jae vae, körai: ‘Kia ogüɨapi yave, opüa ye ko; ani kia opia tape güi yave, ojo ye opia chugüía kotɨ.

EZEQUIEL 25:6

Echa, che ndeYa Tumpa jae körai: ‘Pe Amón iñemuña reta peyepopete jare pechäguariko peyerovia güi, jare pemotareɨ Israel iɨvɨ.

EZEQUIEL 35:15

Nde reyerovia yae Israel iñemuña reta iɨvɨ opa oyemboai yave, jökorai eteita reasa; repɨtata ipombae ɨvɨtɨ Seir, opaete ɨvɨ Edom. Jayave reikuaata che ko jae Tumpa vae.’ ”

EZEQUIEL 36:5

yandeYa Tumpa jei körai: Chearasɨ yae cherägüɨro reve amoë cheñee ïru tëtaguasu reta kotɨ, jare opaete Edom pegua reta kotɨ, echa cheɨvɨ re oyemombae reta oyerovia reve, jare omotareɨ yae reve güɨnoe reta joko güi mbaagüɨye.’

AMÓS 9:11

“Jókuae ara rupi che amopüata David jo oagüe, jare oyeka yekagüe ayapeteta; amopüa yeta osururugüe, ayapo yeta arakae rami,

ABDÍAS 1:12

Agüɨyeta tëi ko peyerovia peecha yave perëtara reta, jókuae ara mbaesusere rupi yogüɨreko yave, agüɨyeta tëi vi peyerovia, peecha yave Judá pegua reta jókuae ara rupi opa oyemboai, agüɨyeta tëi vi peyóyai yóyai, jókuae ara mbɨatɨtɨ rupi yogüɨreko yave.

MIQUEAS 4:10

Sión pegua reta, mbae tijasɨ peve jare peräse kuña imembɨrasɨ vae rami; echa añave opata peë jare peikota kaa rupi, peväe regua Babilonia pe, joko pe peyeyorauka yeta; joko pe yandeYa pepɨ̈rota perovaicho reta güi.

MIQUEAS 7:10

Kuae oechata cherovaicho reta jare imarata opɨta reta; jeise reta cheve: “¿Ketɨ pa oime oï ndeYa Tumpa?” Ërei añave aecha retata opa oñepɨ̈ro jese tuyuapo re tape rupi rami.

ZACARÍAS 12:8

Jókuae ara rupi yandeYa oepɨta Jerusalén pegua; ipɨte pe oime yave kia nunga vae ipɨtu, jókuae ara ipɨ̈rata yaeta David rami; jare David iñemuña reta imbaepuereta Tumpa rami, yandeYa iaraɨgua ojo tenonde vae rami.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

San Mateo 4:16

Pɨtumimbi pe yogüɨrekose vae reta oecha ma tembipe tuicha yae vae. Mano ipo pe yogüɨrekose vae reta re tembipe oesape.”

San Juan 16:20

Añetete che jae peve, peyaeota jare pepɨatɨtɨta, ërei ɨvɨ pegua reta oyeroviata. Yepe tëi pepɨatɨtɨta, ërei pepɨatɨtɨ reta oyepoepɨta yerovia katu pe.

San Juan 8:12

Kuae jaɨkue rupi Jesús jei jeta vae reta pe: —Che ko tembipe ɨvɨ peguarä. Oiko che ndive vae ngaraa oguata pɨtumimbi pe. Echa güɨnoita tembipe tekove pegua.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

2 Corintios 4:6

Echa Tumpa ko jei oime vaerä pɨtumimbi pe tembipe. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.

2 Corintios 4:9

ïru vae reta oyapo ikavimbae vae oreve, ërei Tumpa mbaetɨ orereeya. Orereitɨ reta tëi, ërei mbaetɨ oremokañɨtei.

Apocalipsis 21:23

Jare jókuae tëta guasu mbaetɨ oeka kuaraɨ ani yasɨ omoembipe vaerä. Echa Tumpa jare Vecha kuimbae taɨrusu vae etei omoembipe.

Apocalipsis 22:5

Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.