MIQUEAS 7:4 - Biblia Guarani Tumpa Iñee

⁴ Ipɨte reta güi jeko kavi vae ñurati rami ko; jeko sɨmbi vae, temitɨ jäti vae rami ko. Ërei oväeta ara reiporara vaerä, sundaro reta ɨvate güi omae vae omoërakua reta vae; jayave ramo reyembokepeguata.

MIQUEAS 7:4 ပူးပေါင်းရင်းမြစ်များ

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

ISAÍAS 22:5

Echa yandeYa Imbaepuere yae ete vae oñono ma ou vaerä ara yavaetegüe, kañɨtei pegua jare mbɨatɨtɨ pegua tëta guasu ɨvɨtɨ päu ipe kavi vae reta ipäu pegua pe. Opa oyemboai tëta guasu ikësea; ojoi oyeendu jäse reta vae ɨvɨtɨ re.

ISAÍAS 55:13

Ñurati jekovia pe oñemuñata ɨvɨra ciprés jee vae, jare ïru ñana yuu reve vae reta jekovia pe okuakuaata ɨvɨra mí arrayán jee vae; kuaekuae reta re yandeYa jee oyemboeteukata, jare opɨta retata kañɨmaa opambae vaerä, ngaraa ye ma oyemboai.”

JEREMÍAS 10:15

jaanga retaño ko. YandeYa iporojäa iara pe, opaeteita ko oyemboai reta.

JEREMÍAS 11:23

Mbaetɨ eteita opɨta chugüi reta metei ave, echa oväe ara aru vaerä Anatot pegua reta re mbaesusere, oiporara yae reta vaerä.”

JEREMÍAS 46:21

Sundaro reta omboepɨ güeru imborɨarä vae, toro taɨrusu oyemongɨragüe rami vi ipɨte pe, ërei jae reta vi oë otekuarai, mbaetɨ ipuere oyeepɨ, echa oväe ma isusere iara, jare oiporara vaerä iara.

JEREMÍAS 8:12

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.’ ”

EZEQUIEL 2:6

Nde kuimbae, agüɨye eipoɨu chugüi reta ani ekɨɨye iñee reta güi, yepe tëi reï ñairaka ani ñurati pɨte pe rami, ani reiko tumɨkarape oporoöpi vae ipɨte pe rami. Agüɨye ekɨɨye iñee reta güi ani taneiämondo reta, echa ipɨapochɨ vae reta ko.

EZEQUIEL 28:24

Jare ngaraa ye ma peiporarauka Israel iñemuña reta pe, yuu jäti pinda vae rami; jare Israel iyɨvɨrigua tëta reta ngaraa ma omotareɨ. Jayave opaete vae oikuaata che ko jae Tumpa vae.’ ”

AMÓS 8:2

Jare oparandu cheve: —¿Mbae pa reecha Amós? Che jae chupe: —Metei kanata temitɨ ia yagüɨyegüe. Jare yandeYa jei cheve: —Ou ma oväe ara iyapɨ, Israel tëta chembae vae re; mbaetɨta ma aropɨa chupe.

NAHUM 1:10

Echa yepe tëi ñurati tëɨ yae vae rami, ërei kapii otini vae rami ko opaeteita ókai.

San Lucas 21:25

“Jayave oimeta oyekuaa mbae kuaraɨ re, yasɨ re jare yasɨtata reta re. Jare tëtaguasu reta oiporarata, ɨguasu reta jɨapu jare ɨaparúa reta jeko pegua.

Hebreos 6:8

ërei jókuae ɨvɨ pe oñemoña yave ñurati katuai, ɨvɨ iya jeita: “Mbaetɨ ikavi kuae ɨvɨ.” Tumpa oyepopeyuta jese jare opata oyeapɨ.