MIQUEAS 7:2 - Biblia Guarani Tumpa Iñee

² Mbaetɨ ma iporoparareko vae ɨvɨ pe; metei ave mbaetɨ jeko sɨmbi vae kuimbae reta ipɨte pe; metei ñavo oäro oporoyuka vaerä; metei ñavo oeka kërai omboeko vaerä japicha.

MIQUEAS 7:2 ပူးပေါင်းရင်းမြစ်များ

SALMOS 10:9

Oñemi okätɨro yaguapope ikua pe oï rami, okätɨro paravete vae re, oipɨɨ yave, güɨraja iñuai pe.

SALMOS 12:1

OreYa Tumpa, orereroasayepe, echa mbaetɨve ma jupi rupi yogüɨreko ndeve vae, opa ma okañɨ kuimbae reta ipɨte güi.

SALMOS 12:2

Iyapu päve oyoupe reta; omboyukɨ imiari reta oyoupe, iyemongeta ambuaeyee reve.

SALMOS 57:6

Ñuai oñono reta cheraperä pe, chembopɨatɨtɨ yae reta; ɨvɨkua oyoo reta cheraperä pe, ërei jae reta yeño opa oa pɨpe.

PROVERBIOS 1:11

Jei yave ndeve reta: “Eyu ore ndive; yaeka kërai yaporoyuka vaerä, ñaipïaro jekombae.

PROVERBIOS 12:6

Iyoa vae reta iyemongeta, yemomburu ko oporoyuka vaerä ërei jupi vae reta iyemongeta, yereroasayepe pegua.

ISAÍAS 3:5

Jare teko mbaetɨta ikavi, metei ñavo oñemopüata jo iyɨpɨ pegua re. Taɨrusu vae reta oñemopüata ndechi reta re, jare paravete vae reta oñemopüata oikokatu vae reta re.

ISAÍAS 57:1

Kuimbae jupi vae omano jare mbaetɨ kia oyemoambeko jese; kuimbae reta jeko kavi vae omano, jare mbaetɨ kia oikuaa, oñerenoe ko ikavimbae güi vae,

ISAÍAS 59:7

Pesɨi katu ikavimbae kotɨ, peo vaerä peyuka jekombae vae jarembae pegua, peyemongeta reta ikavimbae reño, peiko peporomokañɨtei vaeräño.

ISAÍAS 9:19

YandeYa Imbaepuere yae ete vae iyarasɨ rupi ko opa ókai kuae tëta, opata oyeapɨ, kapii opa oyeapɨ rami; kuimbae ngaraa oiparareko jëtara.

JEREMÍAS 16:16

YandeYa jei: “Ambouta jeta yeporaka regua reta, oyeporaka reta vaerä Israel iñemuña reta re. Jaɨkue rupi ambouta jeta maepïaro regua reta, oipïaro vaerä Israel iñemuña reta opaete ɨvɨtɨ guasu reta rupi, jɨsɨ rupi ani ɨ̈vavira oyeka vae ipäu rupi.

JEREMÍAS 5:16

Kuae reta ñeraro regua jëia vae yepeai ko, juvɨ reta oporomboasayepembae ko.

JEREMÍAS 5:26

Echa oime tëta chembae pe kuimbae ipɨa-pïrimbae reta, oporopïaro reta, güɨra oipïaro vae reta rami, oyapo ñuai, pɨpe oipɨɨ vaerä ïru vae reta.

JEREMÍAS 8:6

Ayeapɨsaka avei aiko, ërei mbaetɨ kia ave aendu oyembopɨambuae jeko kavimbae güi jare jei: ¿Mbae pa ko ayapo? Opaete vae ojo jape rupi ae ae, kavayu osɨi ñeraroa kotɨ rami.

LAMENTACIONES 4:18

Orepïaro reta opaete oreguataa rupi; mbaetɨ orepuere roë kaye pe. Oväe ma oreapɨ vaerä, oväe ma ara, ¡oväe ma oreapɨ vaerä!

EZEQUIEL 22:12

Nderapɨpe yogüɨreko vae reta oipɨɨ vɨari korepoti oyuka vaerä ïru vae; oiporuka korepoti oasa ete okovara ye vaerä jese, oyuvanga katu japicha re jare iñakañɨ reta chegüi. Che peYa jae.

EZEQUIEL 24:6

Echa, yandeYa Tumpa jei körai: ¡Paravete, tëta guasu oporoyuka vae! Metei yapepo ikɨa oya japɨpe re vae, mbaetɨ ma oyeekɨ chugüi rami. Metei metei rupi enoe chugüi soo, opa renoe regua.

OSEAS 5:1

Sacerdote reta, peendu kuae; peyeapɨsaka Israel pegua reta; peyeapɨsaka mburuvicha jo pegua reta. Echa peveguarä kuae morojäa, echa pe reta peiko ñuai rami ɨvɨtɨ Mizpa pe, metei pɨsa rami ɨvɨtɨ Tabor pe,

OSEAS 6:9

Imonda vae reta okätɨro kia re rami, sacerdote reta oyomboatɨ oporoyuka tape Siquem rupi, oyapo reta pɨ̈chɨi yae vae.

MIQUEAS 2:8

Pe peñemopüa chembae vae reta jovaichorä. Pepɨ̈ro chugüi reta temimonde jepɨ yae vae peporomboetembae reve ñeraroa güi yogüeru ye vae reta güi ñeraroa güi oyerovia ma yogüeru yogüɨreko vae güi.

MIQUEAS 3:10

Pemopüa Jerusalén, tëta guasu ɨvɨtɨ Sión pegua peporoyuka vae rupi jare jupimbae rupi.

MIQUEAS 3:2

Ërei, pe peröɨro ikavi vae jare peaɨu ikavimbae, peipire mondoro jare opa peikäo peeya.

ZACARÍAS 11:6

Jáeramo, ngaraa ye ma aiparareko kuae ɨvɨ pegua reta jei yandeYa: Echa ko che amee kuimbae reta iñeïru ipo pe, jare juvicha guasu ipo pe; omboai retata ɨvɨ, jare che ngaraa aepɨ chugüi reta.”

Hechos 24:9

Judío reta jei vi añete ko opaete kuae mbaembae.

1 SAMUEL 24:11

Emae, mase, ko anoi chepo pe nderemimonde jembeɨgüe, che ayasɨa, jare mbaetɨ royuka, echa ayemongeta kavi ndekotɨ jare mbaetɨ vi romomburu ani cheyoa ndekotɨ. Ërei nde chepïaro reiko, reipota cheyuka.

1 SAMUEL 26:20

Aipotaäecha cherugüɨ oyepɨyere mombɨrɨ yandeYa güi. ¡Ërei nde mburuvicha guasu Israel pegua reë chereeka tüata (piki) yaeka rami, jare chepïaro inambu ñaipïaro rami!