MIQUEAS 7:18 - Biblia Guarani Tumpa Iñee

¹⁸ Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

MIQUEAS 7:18 ပူးပေါင်းရင်းမြစ်များ

GÉNESIS 4:7

Reyapo yave viña ikavi vaeño, ngaraa tëi ko jökorai reï. Ërei mbaetɨ yave reyapo ikavi vaeño, eyeandu, mbaeyoa okätɨro oï nderé öke pe ndepɨɨ vaerä. Ërei nde ndepuere ko remoamɨri.”

1 REYES 8:23

jei: “CheYa, Israel iTumpa, mbaetɨ Tumpa nde rami vae, ɨvate ara pe ave, ani ɨvɨ pe, nde reñovatu morogüɨrökuavee päve nderembiokuai reta peguarä vae, nderóvai oguata kavi, opaete ipɨa ndive kavi vae reta;

2 CRÓNICAS 30:9

Pe reta peyerova ye yandeYa kotɨ yave, tovaicho reta iporopararekota perëtara reta jare peraɨ reta ñogüɨnoi tembipɨɨrä jae reta ipo pe vae re, jare omaeñota yogüeru ye kuae ɨvɨ pe, echa yandeYa Tumpa ipɨakavi jare iporoparareko, ngaraa ko pereröɨro, pe reta peyerova ye ikotɨ yave.”

2 CRÓNICAS 6:21

Jaeramiño vi eendu che nderembiokuai iporomoñera jare ndembae Israel iñemuña reta oyerure kuae güi yave. Eendu ara güi nde reikoa güi jare neɨ̈ro chupe reta.

NEHEMÍAS 9:17

Mbaetɨ ikɨ̈reɨ reta oyeapɨsaka, ani imaendúa reta mɨakañɨ reta reechauka chupe reta vae re. Oyembopɨa täta reta, jare ipɨarai jeko pegua oyemongeta reta jare oiparavo reta iyeupe metei itenondeguarä, jae güɨraja ye vaerä yeokuaiasɨ katúa kotɨ, Egipto pe. Ërei nde ko Tumpa iñɨ̈ro katu vae, oyeaeä vae, ipɨaguasu vae, iporoparareko vae, mbaetɨ iyarasɨ raivi vae jare tuicha iporoaɨu vae, jare mbaetɨ reeya reta.

SALMOS 103:13

Michia re tu oiparareko omae rami ko, yandeYa oiparareko omae oipoɨu chugüi vae reta re;

SALMOS 130:4

Ërei nde ko neɨ̈ro vae, reyemboeteuka vaerä.

SALMOS 35:10

Opaete chepɨa ndive jaeta: “¿Kia pa nde rami cheYa? Reepɨ oikoasɨ katu vae, imbaepuere yae chugüi vae ipo güi; paravete vae jare mbae oata chupe vae, imbaeyuvanga katu vae güi.”

SALMOS 65:3

Mbaeyoa güɨnoi mbaepuere oreré, ërei nde neɨ̈ro orepɨapochɨ reta re oreve.

SALMOS 65:4

Oyerovia yae ko jókuae kuimbae reiparavo jare reru ndekotɨ vae, oiko vaerä nderoka pegua cuarto reta pe. ¡Oremoangapɨɨ ndero pegua mbae ikavi yae vae re, ndero oñeñono tee vae pe!

SALMOS 71:19

CheRu Tumpa, ndembaejupi oupitɨ ara; nde reyapo mbae tuicha yae vae reta. ¡Mbaetɨ yé kia nde rami!

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

SALMOS 86:5

Echa nde cheYa, ndepɨakavi jare neɨ̈ro vae ko; ndeporoparareko tuicha yae ko nereenɨi vae reta kotɨ.

SALMOS 89:6

Echa, ¿kia pa ara pe oime ndemboyovake vaerä, cheYa? Imbaepuere vae reta güi, ¿oime pa kia ndemboyovake vaerä?

SALMOS 89:8

CheYa Tumpa, Tumpa Imbaepuere yae ete vae, ¿kia pa nde rami? Ndembaepuere yae ko cheYa, añete vae pe reñeova etei reï.

ÉXODO 15:11

CheYa, ¿kia pa nde rami ïru tumpa reta güi? ¿Kia pa nde rami tuicha yae jare iyoambae, mɨakañɨ tuichagüe jare yavaetegüe iyapoa? ¡Jupi ko reyemboeteuka vaerä!

ÉXODO 34:9

Jare jei: —Añave cheYa, ndepɨakatu ko chekotɨ yave, ekua orerupíe añave; echa kuae reta ipɨa täta yae vae ko, neɨ̈ro oreve orembaeyavɨ re, oreyoa re jare toroiko ndembaerä.

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 33:24

Sión pegua reta ngaraa ma jei: “Chembaerasɨ aï.” Tumpa iñɨ̈rota opaete iyoa re chupe reta.

ISAÍAS 38:17

Chepɨagüive kavi aiko pe ou cheve mbɨatɨtɨ tuichagüe vae, ërei nde reyemoambeko cherenoe vaerä mano güi, echa neɨ̈ro cheve opaete cheyoa reta re.

ISAÍAS 40:18

¿Kia ndive pa pepuere pemboyovake Tumpa? ¿Mbae iä pa peyapota Tumpa iärä?

ISAÍAS 40:25

Tumpa Iyoambae oparandu: “¿Kia ndive pa chemboyovaketa pe reta? ¿Kia pa ipuere chemboyovake?”

ISAÍAS 43:25

Ërei che peTumpa, ayeaɨu jeko pegua amboai peyoa reta, ngaraa ye ma chemaendúa peyoa reta re.

ISAÍAS 44:22

Opa amboai ndepɨapochɨ reve reyavɨgüe amapɨtu opa okañɨ rami, jare ɨ̈vɨti rami opa amokañɨ ndeyoa reta. Eyerova ye chekotɨ, echa che royora.”

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

ISAÍAS 57:10

Jeta yae reguata vae ndembokangɨ, ërei mbaetɨ rere: “Chekuérai ma aguata.” Reñemoäta ngatu avei, jáeramo mbaetɨ ndekuérai.

ISAÍAS 57:16

Echa ngaraa amboeko avei chembae vae reta, ngaraa vi chearasɨ avei aiko; echa jökorai yave cherembiapo reta ipɨtuta cheróvai.

ISAÍAS 62:5

Echa kunumi omenda kuñatai, mbaetɨ kuimbae ndive oasa vae rami, jökorai Tumpa omendata nde ndive. Kuimbae oyerovia katu jembireko ndive rami, jökorai neTumpa oyerovia katuta nde ndive.

ISAÍAS 64:9

OreYa, agüɨye ndearasɨ yae, agüɨye vi nemaendúa avei oreyoa reta re. ¡Mase, ndembae vae ko opaete ore reta!

ISAÍAS 65:19

Ayeroviata Jerusalén re, jare avɨakatuta chembae vae ndive; jare ngaraa ye ma oyeendu pɨpe yaeo jare jäse vae.

JEREMÍAS 3:12

Ekua jare emoërakua kuae ñee remae reve ɨvɨtuguasu kotɨ, jare ere: ‘YandeYa jei: ¡Peyerova ye chekotɨ ipɨapochɨ vae Israel! Ngaraa chearasɨ aitɨ nderé, echa che cheporoparareko vae ko, ngaraa chearasɨ aiko jekuae avei. Che ndeYa jae kuae ndeve.

JEREMÍAS 3:5

ndearasɨ aveita pa reiko? ¿Ndearasɨta pa jekuae ave rupi?’ Körai rere tëi cheve reve, reyapo jeta mbae ikavimbae.”

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

JEREMÍAS 32:41

Che ayerovia yaeta ayapo vaerä ikavi vae chupe reta, jare opaete chepɨa-kɨ̈reɨ ngatu reve ameeta yogüɨreko avei vaerä kuae ɨvɨ pe.”

JEREMÍAS 33:8

Aitɨota opaete mbaeyoa oyapo reta chekotɨ vae güi; cheɨ̈rota chupe reta, opaete ikavimbae oyapo jare oyembopɨapochɨ reta chekotɨ vae re.

JEREMÍAS 38:8

Jayave Ebed-melec oë mburuvicha guasu jo güi, jare ojo omomiari mburuvicha guasu, jei reve:

JEREMÍAS 50:20

Che, peYa jae: ‘Jókuae ara Israel jare Judá oyeyorata teko jare mbaeyoa güi, echa che cheɨ̈rota, aeya tekove ndive vae reta pe.’

JEREMÍAS 9:24

Ërei ngatu toyemboete kuae re oipota oyemboete vae: Toyemboete chekuaa vae re. Che ko jae Tumpa ayapo mboroparareko vae, morojäa jare aporombojupi ɨvɨ pe vae; echa kuaekuae reta aipota. Che ndeYa jae kuae.”

EZEQUIEL 18:23

Che mbaetɨ aipota omano iyoa vae, ërei mbaetɨ oyepoepɨ jeko ikavimbae güi yave omanota. Che peYa Tumpa jae kuae.

EZEQUIEL 33:11

Ere chupe reta: YandeYa Tumpa jei iyé aeño: Mbaetɨ aipota iyoa vae omano, aipota vae ko jae oyepoepɨ vaerä jeko güi oikove vaerä. Israel, eeya ndereko ikavimbae vae, ¿maera pa remanota?’

EZEQUIEL 33:16

Ngaraa chemaendúa mbaeyoa reta oyapogüe re, echa oyapo ikavi vae jupi rupi, oikoveta oiko.’

DANIEL 9:9

OreYa Tumpa, ndegüi ko outa mboroparareko jare ñɨ̈ro. Yepe tëi ore orepɨa pochɨ ndekotɨ,

OSEAS 14:2

Peyu peYa kotɨ jare pere pemoñera reve: “Neɨ̈ro oreve opaete oreyoa re, ndepɨakatu oreve, mbaemboete romee ndeve vae re.

OSEAS 14:5

Aïta Israel pe ɨsápɨi rami, jae reta ipotɨta tüpa-ɨpɨ rami. Japo reta mombɨrɨ ojota ɨvɨtɨ Líbano rami;

JOEL 2:32

Jare kia nunga ñavo oyerure yave cheve, oyereroasayepeukata; echa ɨvɨtɨ Sión jae ko Jerusalén, joko pe oimeta yereroasayepe, che jae rami. Jare aiparavogüe jembɨregüe güi oyereroasayepeta aenɨi vae.

AMÓS 1:11

YandeYa jei körai: “Edom iñemuña reta iyoa yae jeko pegua, mbaetɨta cheɨ̈ro chupe reta; echa kɨsepuku pe omoña reta jëtara Israel iñemuña reta, ombosɨrɨ reta iyeugüi mboroparareko; iyarasɨ katu avei ikotɨ jare omotareɨ katu avei jeko pegua.

AMÓS 7:8

Jayave yandeYa oparandu cheve: —¿Mbae pa reecha reï? Che jae chupe: —¡O iyapoa iplomada! Jare yandeYa jei: —Ko añonota plomada o iyapoa imbae, ajäa vaerä tëta chembae vae Israel iñemuña reta. Mbaetɨ yeta ma aropɨa chupe reta.

AMÓS 8:2

Jare oparandu cheve: —¿Mbae pa reecha Amós? Che jae chupe: —Metei kanata temitɨ ia yagüɨyegüe. Jare yandeYa jei cheve: —Ou ma oväe ara iyapɨ, Israel tëta chembae vae re; mbaetɨta ma aropɨa chupe.

JONÁS 4:2

Jare oyerure Tumpa pe körai: —Añave, cheYa Tumpa aikuaa voi ko kuae, cheɨvɨ pe vɨteri aï yave. Jáeramo ko atekuarai Tarsis kotɨ; echa aikuaa nde ko jae Tumpa ipɨaguasu yae vae, mbaetɨ iyarasɨ voi vae, jare iporoparareko yae ete vae, jare reipoepɨ ndeyemongeta ikavimbae reyapota tëi vae.

MIQUEAS 2:12

Añetete, che amboatɨ yeta opaete Jacob iñemuña reta; aruruka yeta ko opaete Israel iñemuña reta jembɨregüe. Amboatɨta Bosra pegua vecha reta rami, mɨmba reta jókai pe ñogüɨnoi rami, kuimbae reta jeta yeyé jeko pegua jɨaputa oyeendu.

MIQUEAS 4:7

jare iköcho vae reta añonota jembɨregüe rami, jare jopagüe reta, metei tëtaguasu imbaepuere yae vaerä; jare che aïta peruvicha guasurä, ɨvɨtɨ Sión güi añave güive jekuae avei pegua.

MIQUEAS 5:3

Ërei oeyañota räri imbae vae reta, jókuae imembɨ oata oï vae oa regua; jayave ïru jëtara reta yogüeru yeta oyea Israel iñemuña reta ndive.

MIQUEAS 7:14

¡Eyangareko ndembae vae reta re ndepopoka pe; ndevecha reta yogüɨreko ndeɨvɨ pe vae re, ñana rupiño, ɨvɨ kavía rupi yogüɨreko vae re! Eeka kapii Basán pe jare Galaad pe; ïru ara oasagüe rupi reyapo rami.

SOFONÍAS 3:17

YandeYa oime oï nde ndive; ¡imbaepuere yae vae ko, jae ndereroasayepeta! Oyerovia katuta ndekotɨ. Iporoaɨu jeko pegua omeeta ndeve tekove pɨau otairari reve.

NÚMEROS 23:21

Mbaetɨi oecha ikavimbae jare yembotavɨ Israel iñemuña reta re. YandeYa Tumpa oime oï jae reta ndive. Jare jae reta osapúkai omboete mburuvicha guasu rami.

San Lucas 15:32

Ërei ikavi ko yayapo arete jare yayerovia. Echa kuae nderɨvɨ omano vae rami ko cheve, ërei añave oikove ye ma cheve. Okañɨ chegüi, ërei añave oñeväe ye ma.’ ”

San Lucas 24:47

jare kërai oñemoërakuata jee re Jerusalén güive opaete tëtaguasu rupi oeya vaerä iyemongeta ikavimbae vae ipɨa pe güɨnoi vae jare Tumpa iñɨ̈ro vaerä chupe reta iyoa reta re.

Romanos 11:4

Ërei Tumpa jei chupe körai: “Oimeño siete mil kuimbae che aiparavo vae reta. Mbaetɨ oyetavatɨka tumpa-raanga Baal jóvai vae reta.”

DEUTERONOMIO 33:26

Mbaetɨ kia omboyovake Jesurún iTumpa, jae oguata ɨvate rupi pemborɨ vaerä jare amapɨtu reta re imbaepuere reve.

Santiago 2:13

Echa kia mbaetɨ oiparareko japicha vae, Tumpa ojäata oipararekombae reve; ërei oporoparareko vae mbaetɨta oñejäa.

JUECES 10:16

Jare Israel iñemuña reta oeya tumpa ambuae reta jare oyerova ye reta omee mbaemboete yandeYa pe; jare yandeYa mbaetɨ ma güɨropɨa Israel iñemuña reta oiporara ñogüɨnoi vae.