MIQUEAS 7:17 - Biblia Guarani Tumpa Iñee

¹⁷ ¡Ɨvɨ toere reta mboi rami, ipɨtía re oguata vae reta rami! ¡Torɨrɨi toñogüɨnoe jare tokɨɨye reve toyogüeru ndekotɨ, cheYa Tumpa!

MIQUEAS 7:17 ပူးပေါင်းရင်းမြစ်များ

2 SAMUEL 22:46

Ketɨgua reta ipɨtuta, jare ñogüɨnoe retata iñemika güi.

2 CRÓNICAS 17:10

Jare opaete tëtaguasu reta Judá iyɨ́vɨri ñogüɨnoi vae okɨɨye yae yandeYa güi, jáeramo mbaetɨ oipota oñeraro reta Josafat ndive.

SALMOS 18:45

Ketɨgua reta oyembopɨtu, opa ñogüɨnoe reta iñemika güi.

SALMOS 72:11

¡Opaete mburuvicha guasu reta toyetavatɨka itindɨasɨ reve jóvai! ¡Opaete tëtaguasu reta toyeokuai chupe!

SALMOS 72:9

¡Jovaicho reta ñuu rupigua, toyetavatɨka itindɨasɨ jare toñemomichi jóvai!

SALMOS 9:20

Eiämondo reta cheYa, ¡toikuaa jae reta kuimbaeño ko vae!

ISAÍAS 25:3

Jáeramo ko, tëta imbaepuere yae vae reta ndemboete, jare kuimbae reta jëia vae, oipoɨu ndegüi.

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 59:19

Opaete ɨvɨ, kuaraɨ oëa kotɨ güive kuaraɨ oikea kotɨ, omboeteta yandeYa oecha yave iyemboetea. Echa yogüeruta tovaicho reta, ɨ ɨ̈aka rupi tuichagüe ou rami. Ërei yandeYa oñemopüata chupe reta.

ISAÍAS 60:14

Jare oñemomichi reve yogüeruta ndekotɨ oiporaraukase ndeve vae taɨ reta, jare nemotareɨse vae reta, oyetavatɨkata nderóvai, jare nereenɨi retata ‘YandeYa Jëta guasu’, ‘Sión, Iyoambae Israel pegua jëta’.

ISAÍAS 64:2

tata jaku rai yae vae mbae omondɨkui vae rami, tata ombopupu ɨ vae rami. Jayave nderovaicho reta ndekuaata, jare tëtaguasu reta orɨrɨita nderóvai.

ISAÍAS 65:25

Aguarayaɨmba jare vecha kuimbae raɨ okaru päveta, yaguapope jouta kapii güeye rami; jare mboi jembiurä ɨvɨkúi. Ngaraa oyombopɨatɨtɨ reta, jare ngaraa oyapo reta ikavimbae opaete cheɨvɨtɨ oñeñono tee vae pe.” Jei yandeYa.

ISAÍAS 7:19

Jare yogüeru retata oñeñono jugua ñavo rupi, itakua reta rupi, opaete ñana pɨte yuu katuai vae rupi, jare opaete kaa rupi.

JEREMÍAS 16:16

YandeYa jei: “Ambouta jeta yeporaka regua reta, oyeporaka reta vaerä Israel iñemuña reta re. Jaɨkue rupi ambouta jeta maepïaro regua reta, oipïaro vaerä Israel iñemuña reta opaete ɨvɨtɨ guasu reta rupi, jɨsɨ rupi ani ɨ̈vavira oyeka vae ipäu rupi.

JEREMÍAS 33:9

Jare Jerusalén oïta cheve yerovia katurä, mbaemboete jare yemboete pegua opaete tëtaguasu reta ɨvɨ pegua jóvai. Jare jae reta oikuaa che amee opaete mbae ikavi vae Jerusalén pegua reta pe yave, orɨrɨi retata okɨɨye güi.”

LAMENTACIONES 3:29

toñemomichi reve toyetavatɨka itindɨasɨ ɨvɨ re, güɨramoi oimeño vɨteri oñeñono kavi vaerä;

ZACARÍAS 14:5

Jare petekuaraita jókuae ɨvɨtɨ päu ipe kavi rupi, echa jókuae ɨvɨtɨ päu ipe kavi vae ojoita oväe Azal pe; petekuaraita petenondegua reta ɨvɨkana güi otekuarai rami, Uzías oiko mburuvicha guasurä Judá pe yave. CheYa Tumpa outa opaete oñeñono tee vae reta ndive.

DEUTERONOMIO 32:24

omano retata yɨmbɨaɨ güi jare takuasɨ güi; jare mbaerasɨ ovakatu vae oparapitita jese reta; mbaeporou kaa rupigua ambouta chupe reta, jare mboi pochɨ yae vae.

JOSUÉ 9:24

Jare Gabaón pegua reta jei Josué pe: —Royapo ko kuae, echa rokɨɨye yae nde opata oreyuka vae güi, echa jërakua oreve, peYa Tumpa oyókuai jembiokuai Moisés, omee vaerä peve opaete kuae ɨvɨ jare pemokañɨtei vaerä opaete kuae ɨvɨ pe yogüɨreko vae reta.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.

1 SAMUEL 14:11

Jare jökorai mókoi reve oyeechauka filisteo reta pe. Jare jae reta oecha yave jei: “Mase, pemae hebreo reta oë ɨvɨkua reta güi, oñemi retaa güi.”