MIQUEAS 7:14 - Biblia Guarani Tumpa Iñee

¹⁴ ¡Eyangareko ndembae vae reta re ndepopoka pe; ndevecha reta yogüɨreko ndeɨvɨ pe vae re, ñana rupiño, ɨvɨ kavía rupi yogüɨreko vae re! Eeka kapii Basán pe jare Galaad pe; ïru ara oasagüe rupi reyapo rami.

MIQUEAS 7:14 ပူးပေါင်းရင်းမြစ်များ

SALMOS 100:3

Peikuaa, kërai yandeYa ko jae Tumpa; jae ko yandeapo, yande aeñoä ko yayeapo; ¡jae imbae ko yande, ivecha reta ikapii jokɨ katúa pegua!

SALMOS 143:5

Chemaendúa arakae ara reta oasagüe re, ayemongeta opaete nderembiapo reta re, ndembaepuere pe reyapo vae re.

SALMOS 28:9

CheYa, eroasayepe ndembae vae reta; ndeporerekua ndembae vae reta re. Eyangareko jese reta, vecha iyangarekoa oyangareko jɨmba re rami; ¡emae kavi avei jese reta!

SALMOS 95:7

Echa jae ko ñaneTumpa; yande tëta imbae vae reta, ikapii jokɨ katúa pegua, jare vecha reta jae ipo pegua. Añave peendu yave iñee:

ÉXODO 33:16

Echa nde mbaetɨ reo ore ndive yave, ¿këraita pa che jare opaete vae reta roikuaa ndepɨakatu ko ore kotɨ vae? Jayaveño ore ambuaeyeeta opaete ïru tëta reta ɨvɨ pegua güi.

CANTARES 4:1

Roaɨu vae, ¡ndekavi yae! ¡Oasa ete yé nepöra! Nderesa reta, pɨkasu jesa rami neäka-soia igüɨ pe; ndea reta, kavara reta ogüeyɨ Galaad pegua ɨvɨtɨ ikúa rupi vae rami.

ISAÍAS 27:13

Jare jókuae ara oñemoñeeta temimbɨguasu, jare opa oñemoai ñogüɨnoi Asiria rupi vae reta, jaeramiño vi Egipto pe ñogüɨnoi vae reta, yogüeruta omboete yandeYa tëta Jerusalén pe, jae ko ɨvɨtɨ oñeñono tee vae re.

ISAÍAS 35:2

tipotɨ jeta yeyé tumpa-ɨpɨ rami, toyerovia jare tovɨakatu reta. Tumpa omopörata, ɨvɨtɨ Líbano ipöra rami, ipöra yaeta ɨvɨtɨ Carmelo rami jare ɨvɨtɨ päu ipe kavi vae Sarón rami. Opaete vae oechata yandeYa iyemboetea, ñaneTumpa imbaepuere tuicha yae vae.

ISAÍAS 37:24

Ndemborɨa reta rupi ko neñee jasɨ katu chekotɨ. Rere: ‘Jeta chekäretou ñeraro pegua vae pe ko ayeupita ɨvɨtɨ ɨvate yae vae re, Líbano iyapɨte ɨvategüe re. Ayasɨata ɨ̈vɨrare ɨvategüe, jare ɨvɨra pino ipöragüe. Iyapɨte ɨvate yeyé vae re ajata aväe, iɨvɨ ikavigüe pe.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

ISAÍAS 49:10

‘Mbaetɨta peyɨmbɨaɨ ani peɨuve yepe, araku ani kuaraɨ ave mbaetɨta peaporai, echa che poaɨu jare che ko pogüɨroatata, pogüɨrajata ɨesaɨ katuaía rupi.

ISAÍAS 65:10

Jare ɨvɨpe kavi Sarón vecha reta ikarúa jendarä, ɨvɨpe kavi Acor guaka reta ikarúa jendarä, tëta chereeka vae güɨnoita imbaerä.

JEREMÍAS 49:31

Che, Tumpa ko ayókuai: ¡Pepüa, peporepeña jókuae tëtaguasu oiko pɨagüive jare oyerovia iyé vae re, jöke reta ave mbaetɨ jare imotätaa, jare jaeño etei oiko!

LAMENTACIONES 1:7

Jerusalén imaendúa, pɨpegua reta opa oa tovaicho reta ipo pe jare mbaetɨ kia omborɨ vae yave, imaendúa jae ipɨatɨtɨ opɨta vae re, jare oyembopɨapochɨ vae re. Imaendúa vi jeta mbaembae ipöragüe güɨreko arakae güive vae re. Jovaicho reta oecha yave jókuae, oyóyai yóyai reta opa oyemboai vae re.

LAMENTACIONES 5:21

¡OreYa Tumpa, orereru ye ndekotɨ, jare ore royerova yeta! ¡Toroiko ye tenonde yave roiko rami!

EZEQUIEL 36:11

Amoñemuñata jeta kuimbae reta jare mɨmba reta peré; oyembojeta yaeta; jeta yaeta kuae pe vae tenonde yave rupi rami, jare peiko kavi yaeta tenonde rupi vae güi. Jayave oikuaa retata che ko jae Tumpa vae.

LEVÍTICO 27:32

Jare opaete payandepo güi metei vae toñeñono tee cheve, guaka reta, vecha reta jare kavara reta peipapa yave;

AMÓS 9:11

“Jókuae ara rupi che amopüata David jo oagüe, jare oyeka yekagüe ayapeteta; amopüa yeta osururugüe, ayapo yeta arakae rami,

ABDÍAS 1:19

Israel iñemuña reta Neguev pe yogüɨreko vae opɨ̈rota ɨvɨ Esaú jare Sefela pegua reta opɨ̈rota filisteo reta iɨvɨ; opɨ̈ro retata vi ɨvɨ Efraín jare ɨvɨ Samaria; Benjamín iñemuña reta opɨ̈rota ɨvɨ Galaad.

MIQUEAS 5:4

Jae oïta jare oyangarekota yandeYa imbaepuere rupi, yandeYa Tumpa jee tuicha yae vae rupi; jare yogüɨreko kavita, echa yandeYa oyembotuichaukata opaetei ɨvɨ iyapɨ rupi.

SOFONÍAS 3:13

Israel iñemuña jembɨregüe reta ngaraa ma oyapo jupimbae vae, ngaraa ma jei reta apu, jare ngaraa ma oporombotavɨ reta. Echa oyeangareko retata jare oke pɨagüiveta ngaraa ma kia omongɨɨye vae.”

ZACARÍAS 10:10

Echa che aru yeta Egipto güi; aru yeta Asiria güi. Arajata Galaad jare Líbano pe oata yeta jendarä.

ZACARÍAS 11:7

Jare ayangareko vecha reta oyereraja mbaeyukaa pe vae re, kuae ko jae, paravete vae reta re. Aipɨɨ mókoi popoka: Metei ambojee “Ikavi vae” jare ïru “Maapɨtía”, jare ayangareko vecha reta re.

MALAQUÍAS 3:4

Jare ikavita yandeYa pe Judá jare Jerusalén pegua mbota; tenonde yave rami, jare arakae año rupi rami.

NÚMEROS 23:9

Echa ɨ̈vavira reta iyapɨte güi che amaeta jese, jare ɨvate güi aechata: Mase, jae ko metei tëta okɨɨyembae reve oikota vae, ambuaeyeeta ïru tëtaguasu reta güi.

NÚMEROS 32:1

Rubén jare Gad iñemuña reta güɨnoi jeta yae mɨmba; oecha reta ɨvɨ Jazer jare Galaad, ikavi yae chupe reta mɨmba peguarä.

NÚMEROS 32:4

jókuae ɨvɨ yandeYa opɨ̈ro Israel iñemuña reta peguarä vae, ikavi mɨmba reta peguarä, jare ore oime mɨmba rogüɨreko.

San Mateo 2:6

“Nde Belén, ɨvɨ Judá pegua michi yae vaeä ko nde Judá pegua tëta guasu reta güi. Echa ndegüi oëta oporogüɨroata vae. Jae oyangarekota Israel pegua chembae vae reta re.”

San Juan 17:16

Che mbaetɨ ko ɨvɨ pegua, jaeramiño vi jae reta.

DEUTERONOMIO 33:28

Israel iñemuña reta yogüɨreko pɨagüiveta, yogüɨrekota mbɨakatu rupi, ɨvɨ omoñemuña trigo jare uva pɨpea pe, ngaraa oata ɨsápɨi ara güi chupe reta.