MIQUEAS 6:9 - Biblia Guarani Tumpa Iñee

⁹ YandeYa ombou iñee tëta guasu pe; iyarakuaa katu ko nderee güi oipoɨu vae. “Peyeapɨsaka peï mbae outa vae re, jökorai vi jókuae iñee ombou vae re.

MIQUEAS 6:9 ပူးပေါင်းရင်းမြစ်များ

2 SAMUEL 21:1

David oiko mburuvicharä yave oiko karuai mboapɨ año rupi. Jayave David oparandu yandeYa pe, jare yandeYa jei chupe: “Kuae karuai ou ko Saúl jare taɨ reta jare jëtara reta jeko pegua, echa oyuka reta tëta Gabaón pegua kuimbae reta.”

JOB 10:2

Jaeta Tumpa pe: Agüɨye chemboeko; eikuaauka cheve maera ko reyemboyovaicho che ndive vae.

JOB 23:14

Jae ikɨ̈reɨ oyapo cheve vae, oyapota ko, jare oime jeta iyemongeta pe güɨnoi jókuae nunga.

JOB 5:17

Mase, oyekou ko jókuae kuimbae Tumpa oiporarauka chupe vae. Jáeramo agüɨye eröɨro Imbaepuere yae ete vae iporonupa.

SALMOS 107:43

Yarakuaa katu vae, ngaraa ñakañɨ kuae güi, jare oikuaa katuta yandeYa iporoparareko reta.

SALMOS 48:10

CheRu Tumpa, nderee Tuichagüe oï rami, jökorai ndemboete vae opaete ɨvɨ rupi. Ndembaepuere ndive reyapo jupigüe.

SALMOS 83:18

¡Toikuaa reta nde jae ko Tumpa vae, ndeño ko jae Tuichagüe yae ete opaete ɨvɨ re vae!

SALMOS 9:16

YandeYa oyekuaauka chupe reta. ¡Jae oyapo jupi vae! Jeko pɨ̈chɨi vae reta opa oyepɨɨ, jae reta ñuai oyapo vae pe yeño oa reta.

PROVERBIOS 22:3

Oyeandu katu reve oiko vae oecha ikavimbae yave, oñemi chugüi; ërei yarakua ambae oasaño ojo jare oiporara.

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 27:10

Echa tëta guasu jëguambae vae opa oyemboai, opɨtata o oyeeyagüe rami, ñuu ipombae rami, mɨmba reta ikaruarä, jokoropi okaruta jare oyapakuata oputuu.

ISAÍAS 30:27

Mase, yandeYa ou matɨ güi; iyarasɨ jendɨ tata yavaete yae vae rami, jembe re oyekuaa iyarasɨ vae, jare ikü tata yavaete yae vae rami,

ISAÍAS 66:6

Tëta guasu pe jeta jäsembaiecha vae, tupao pe ñee oyeendu, jae ko yandeYa iñee oiporarauka vaerä jovaicho reta pe, jeko re.

ISAÍAS 9:13

Ërei kuae tëta mbaetɨ oyerova inupaa kotɨ; mbaetɨ oeka reta yandeYa Imbaepuere yae ete vae.

JEREMÍAS 26:18

“Miqueas, Moreset pegua omoërakua Tumpa iñee, Ezequías oiko mburuvicha guasurä Judá pe yave, imiari opaete Judá pegua reta pe, jei: ‘Körai jei yandeYa Imbaepuere yae ete vae: Sión opɨtata, metei ko pe ɨvɨ opa oyemongúi vae rami, Jerusalén opɨtata jendagüeño, jare ɨvɨtɨ tupao jendagüe pe okuakuaata ɨvɨra.’

JEREMÍAS 26:6

che ayapota kuae tupao ndive, Silo ayapo rami. Jare kuae tëta guasu añonota yepopeyu pe, opaete tëtaguasu reta ɨvɨ pegua reta jóvai.’ ”

JEREMÍAS 47:7

Ërei, ¿kërai pa ndepuereta nekïrii yandeYa ko ndeokuai yave? Ndeokuai ko repüa vaerä Ascalón re jare opaete ɨguasu jembeɨ rupigua reta re.

EZEQUIEL 7:9

Mbaetɨta cheɨ̈ro ndeve, mbaetɨta roparareko; aiporaraukata ndeve opaete ndereko oï rupi, jare ikavimbae yae reyapo vae re. Jayave pe reta chekuaata che ko jae peYa aiporarauka peve vae.

OSEAS 13:16

Samaria oiporarata jeko re, echa oyembopɨapochɨ iTumpa kotɨ. Omano retata ñeraro pe, imichia reta oyererokuaukata ɨvɨ re, ikuña reta ipurúa ñogüɨnoi vae oipekata jɨe chugüi.

OSEAS 14:9

Yarakuaa katu vae jare oyeandu katu vae reta toikuaa kuae ñee: YandeYa jemimbota sɨmbi ko, jupi vae reta oguatata jokoropi, ërei ipɨapochɨ vae reta, oyepɨakata jokoropi.

AMÓS 2:5

Jáeramo Judá re amoendɨta tata, jare jókuae tata opata oapɨ mburuvicha guasu jo kavi reta Jerusalén pe.”

AMÓS 6:1

¡Paravete, Sión pe yogüɨreko pɨagüive vae reta! ¡Jare tëta Samaria ɨvɨtɨ re oï vae pe yogüɨreko pɨagüive vae reta, tenondegua reta, iyemboetea yae tëtaguasu pe vae reta, kuae reta re ko oyemboya Israel iñemuña reta!

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.

MIQUEAS 6:10

¿Jekuaeñoi pa oime jeko kavimbae jo pe mbaeyekou jupimbae jare mbaejäaka oyemboyoavɨgüe aröɨro yae vae?

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

SOFONÍAS 3:2

Mbaetɨ oyeapɨsaka yandeYa iñee re, mbaetɨ oipota oendu omboeta chupe vae, mbaetɨ oyeko yandeYa re, mbaetɨ ou Tumpa kotɨ.

Apocalipsis 3:19

Che amboete jare aiporarauka aaɨu vae pe; jáeramo, eñemoäta ngatu jare eeya ndeyemongeta ikavimbae vae ndepɨa pe oï vae.