MIQUEAS 6:5 - Biblia Guarani Tumpa Iñee

⁵ Chembae vae reta, pemaendúa añave, Balac mburuvicha guasu Moab pegua iyemongeta reta re, jare Balaam, Beor taɨ omboyevɨ ñee chupe vae re; pemaendúa tëta Sitim güi Gilgal kotɨ kërai peasa vae re, peikuaa vaerä yandeYa kërai oyapo jupi vae.”

MIQUEAS 6:5 ပူးပေါင်းရင်းမြစ်များ

SALMOS 111:4

Ñaneakañɨ rapembae ko mɨakañɨ reta oyapogüe güi. YandeYa, iyeaeä jare iporoparareko vae ko;

SALMOS 143:11

Cheya Tumpa, nderee ae re emee tekove cheve, nde ko jupi vae, ¡cherenoe mbɨatɨtɨ güi!

SALMOS 36:10

Eiparareko ndekuaa vae reta, jupi vae reta pe emee ndembaejupi.

SALMOS 71:19

CheRu Tumpa, ndembaejupi oupitɨ ara; nde reyapo mbae tuicha yae vae reta. ¡Mbaetɨ yé kia nde rami!

ISAÍAS 1:27

Sión oyeyora yeta morojäa rupi, jare oyerova ye chekotɨ vae reta oyeyorata jupi rupi;

NÚMEROS 22:41

Pɨareve pe Balac güɨroyeupi Balaam ɨvɨtɨ Bamot-baal re, jare joko güi oecha reta Israel iñemuña reta jeyupa jembeɨ.

NÚMEROS 23:27

Jayave Balac jei chupe: —Romoñera yaja cherupíe, torogüɨraja ïkotɨa; güɨramoi joko güi jae kaviñota Tumpa pe reyepopeyu vaerä jese cheve.

NÚMEROS 25:1

Israel iñemuña reta ñogüɨnoi Sitim pe; jare kuimbae reta omboɨpɨ iyaguasa kuña Moab iñemuña reta ndive,

NÚMEROS 25:2

jókuae kuña reta oparea chupe reta yogüɨraja vaerä itumpa-raanga pe mbota omee retaa pe. Israel iñemuña reta okaru jare omboete jókuae tumpa-raanga reta,

NÚMEROS 31:16

Mase, Madián pegua kuña reta jeko pegua ko, Israel iñemuña reta oyemboyovaicho yandeYa kotɨ, omboete reta Baal-peor, Balaam iporomboarakuaa rupi, jáeramo ko ou mbaerasɨ pɨ̈chɨi yae vae oparapiti, opaete vae reta re.

NÚMEROS 31:8

Jare oyuka reta mburuvicha guasu Madián pegua reta: Evi, Requem, Zur, Hur jare Reba; pandepo mburuvicha guasu reta. Jare oyuka reta vi kɨsepuku pe Balaam, Beor taɨ.

NÚMEROS 33:49

Jeyupa reta Jordán jembeɨ pe oï vae oyemboɨpɨ Bet-jesimot güive Abel-sitim kotɨ ojoi oväe, kuae ko ɨvɨ Moab pe.

Efesios 2:11

Jáeramo, pemaendúa pe judiombae reta, tenonde rupi jete pe oyembocircuncida vae reta jeise peve “oyembocircuncidambae”,

DEUTERONOMIO 16:3

Agüɨye peu mɨmba oyeyukagüe ndive mbɨyape oyembovugüe, chiu ara peu mbɨyape oyembovumbae, mbɨyape mbɨatɨtɨ pegua, echa mbaetɨ peë pɨagüive ɨvɨ Egipto güi, kuae ko pemaendúa vaerä opaete ara rupi kërai peë ɨvɨ Egipto güi vae re.

DEUTERONOMIO 23:6

Agüɨye peyapo jae reta ndive mbɨakatu ani mbae ikavi vae, opaete ara peikove peiko ramboeve.

DEUTERONOMIO 8:18

Jaeño pemaendúa yandeYa Tumpa re, echa jae ko omee peve mbaepuere penoi vaerä mbaeyekou, jökorai oyembopo vaerä morogüɨrökuavee päve oyapo jee re peñemuñagüe reta pe vae, añave rupi rami.

DEUTERONOMIO 8:2

Pemaendúa opaete tape yandeYa Tumpa pereru jupi vae re, kuae cuarenta año ñuu rupi vae, pemoñemomichi vaerä jare pejäa vaerä, oikuaa vaerä pepɨa pe penoi vae, peyapota ra iporookuai reta ani mbaetɨta ra vae.

DEUTERONOMIO 9:7

Agüɨye peakañɨ pemboarasɨuka yandeYa Tumpa ñuu pe vae güi. Pepɨapochɨ ko yandeYa kotɨ ɨvɨ Egipto güi peë güive kuae pe peväe regua.

JOSUÉ 2:1

Josué, Nun taɨ omondo vɨari Sitim güi mókoi oporopïaro vae, jei reve chupe reta: “Pekua pemae ɨvɨ re jare tëta guasu Jericó re.” Jayave jae reta opa yogüɨraja jare oike reta opɨta metei kuña iyaguasa pota vae, Rahab jee vae jo pe.

JOSUÉ 3:1

Pɨareve pe ndeimboveasɨ Josué jare opaete Israel iñemuña reta opüa opa yogüɨraja Sitim güi, jare yogüɨraja oväe ɨ̈aka Jordán pe, joko pe oyembojeyupa reta ndei oasa ɨ mbove.

JOSUÉ 4:19

Israel iñemuña reta oasa ɨ̈aka Jordán ara payandepo tenondegua yasɨ pe, jare oyembojeyupa reta Gilgal pe, Jericó güi kuaraɨ oëa kotɨ.

2 Pedro 2:15

Echa oeya reta tape isɨmbi vae, jare opa jopa reta, omomoe reta Balaam, Beor taɨ jeko, echa Balaam oaɨu yae korepoti jupimbae vae oyapo vae rupi omongana vae;

1 Juan 1:9

Yamombeu yave Tumpa pe yandeyoa reta, jae ko jupi yae iñɨ̈ro vaerä yandeyoa reta re jare yandeyoe vaerä opaete ikavimbae güi.

Judas 1:11

¡Paravete jae reta! Echa omomoe reta Caín jeko. Jaeramiño vi ikorepoti pota güi opa opia reta Balaam rami; jaeramiño vi opa omano reta ipɨa pochɨ jeko pegua Coré rami.

Apocalipsis 2:14

Ërei oime mbovɨ mbae jae vaerä ndeve: Oime joko pe Balaam iporomboe ñäteɨ oeya vae reta. Echa Balaam omboarakuaa Balac omboavai vaerä Israel iñemuña reta, echa jouka tembíu tumpa-raanga reta pe oñemee vae jare oyapo reta aguasa.

JUECES 11:25

¿Reyererovia katu yae pa mburuvicha guasu Balac Moab pegua Zipor taɨ güi? Jae mbaetɨ ko ou oñeraro Israel iñemuña reta ndive.

JUECES 5:11

¡Mɨmba reta iɨgua rɨru reta oïa pe, jare platillo reta ipu ndive pemoërakua yandeYa oporomoamɨri vae jare tëta raɨ reta oporomoamɨri Israel pe vae! Jayave yogüeruta imbae vae reta öke reta kotɨ.

1 SAMUEL 12:7

Añave peyeapo katu, ayoakata pe reta ndive yandeYa jóvai, jae iporoparareko pekotɨ vae re jare peñemuñagüe reta kotɨ vae re.