MIQUEAS 6:4 - Biblia Guarani Tumpa Iñee

⁴ Echa che pogüɨnoe ɨvɨ Egipto güi, yeokuaiasɨ katu güi poepɨ, jare añono pereroata vaerä Moisés, Aarón jare María.

MIQUEAS 6:4 ပူးပေါင်းရင်းမြစ်များ

2 SAMUEL 7:23

Jare Israel tëta ndembae vae, mbaetɨ yé ïru tëta jae rami vae kuae ɨvɨ pe; echa nde ko reyora ndembaerä Egipto güi, ïru tëtaguasu reta güi jare itumpa reta güi, jare remoërakua yae reta, reyapo ramboeve chupe reta mɨakañɨ tuichagüe jare yavaetegüe, reaɨu tëta ndembae vae ramo,

SALMOS 77:20

Reroatase ndembae vae reta vecha rami, Moisés jare Aarón rupi.

ÉXODO 12:51

Jókuae ara etei yandeYa güɨnoe ɨvɨ Egipto güi Israel iñemuña reta, ñemuña ñavo rupi kavi.

ÉXODO 20:2

“Che ko jae peYa Tumpa, perenoe ɨvɨ Egipto güi vae, yeokuaiasɨ katu güi.

ÉXODO 3:10

Jáeramo añave eyu, romondota Faraón oïa pe, renoe vaerä Egipto güi tëta chembae, Israel iñemuña reta.

ÉXODO 4:10

Jayave Moisés jei yandeYa pe: —¡Atataɨ cheYa! Mbaetɨi ko che kuimbae iñee ngatu vae tenonde güive, ani nde nemiari che nderembiokuai ndive yave ramoä ko; echa ɨma ɨma yave aväe cheñeerä jare chekü ipoɨ.

ÉXODO 4:16

Jare jae oikota neñee omombeu vaerä, nde nemiari chupe vae jae omombeuta opaete vae pe, jare nde reïta chupe Tumpa rami.

ÉXODO 6:27

Jae ko Faraón mburuvicha guasu Egipto pegua omomiari vae reta, güɨnoe vaerä Egipto güi Israel iñemuña reta. Jae ko Moisés jare Aarón.

JEREMÍAS 32:21

Renoe ɨvɨ Egipto güi Israel iñemuña reta; renoe ndembaepuere pe mɨakañɨ reta tuichagüe ndive, remongɨɨye yae reve opaete vae.

AMÓS 2:10

Che ko pogüɨnoe ɨvɨ Egipto güi, jare pogüɨroata ñuu rupi cuarenta año, peike vaerä pepɨ̈ro peyeupe amorreo reta iɨvɨ.

NÚMEROS 12:1

María jare Aarón iñeenguru Moisés kotɨ, kuña Cus iñemuña pegua jeko pegua, echa jae omenda kuña Cus iñemuña pegua ndive.

NÚMEROS 33:1

Kuae ko jae Israel iñemuña iguata, ɨvɨ Egipto güi ñogüɨnoe yave oyoaɨkue yoaɨkue reve kavi, Moisés jare Aarón iporookuai rupi.

Hechos 7:36

Moisés güɨnoe reta güeru, mɨakañɨ reta oyapo Egipto pe vae rupi, Ɨguasu Pɨ̈ta vae pe, jare cuarenta año ñuu rupi yogüɨreko ramboeve.

DEUTERONOMIO 15:15

Pemaendúa peikose tembipɨɨ Egipto pe vae re, jare yandeYa Tumpa perenoe. Jáeramo che amee peve kuae mborookuai.

DEUTERONOMIO 24:18

Pemaendúa, pe reta tembiokuai ko peikose Egipto pe vae, jare joko güi yandeYa Tumpa perenoe; jáeramo, che poyókuai peyapo vaerä opaete kuae.

DEUTERONOMIO 4:20

Ërei ngatu yandeYa perenoe jókuae horno omondɨkui jiero vae güi, jae ko Egipto, peapo vaerä jae imbaerä, añave rami.

DEUTERONOMIO 4:34

¿Ani oime pa mbae nunga tumpa ou oiparavo tëtaguasu imbaerä ïru tëtaguasu güi vae, yemboaporova ndive, mɨakañɨ ndive, ñeraro ndive, imbaepuere yae jare ipo oporoiämondo yae reve, opaete oyapo perovake yandeYa Tumpa Egipto pe rami?

DEUTERONOMIO 5:6

‘Che ko jae peYa Tumpa perenoe ɨvɨ Egipto güi vae, yeokuai renda güi.

DEUTERONOMIO 7:8

YandeYa peraɨu ramo, jare oipota ombopo jókuae peñemuñagüe reta pe güɨrökuavee jee re vae jeko pegua perenoe Egipto güi imbaepuere pe, jare pereepɨ yeokuaiasɨ katu güi, Egipto pegua mburuvicha guasu Faraón ipo güi.

DEUTERONOMIO 9:26

jare ayerure yandeYa pe, jae reve: ‘CheYa Tumpa, agüɨye emboai ndembae vae reta, nde reepɨ ndembaepuere tuicha yae vae rupi, Egipto güi renoe ndembaepuere yae pe.

1 SAMUEL 12:6

Jayave Samuel jei opaete vae pe: “YandeYa oenɨi Moisés jare Aarón vae, jare peñemuñagüe reta güɨnoe ɨvɨ Egipto güi vae, jae toï oecha vaerä yandeve añave.