MIQUEAS 6:16 - Biblia Guarani Tumpa Iñee

¹⁶ Echa peñovatu peyeupe Omri iporookuai reta, jare opaete Acab iñemuña reta jembiapo peyapo; jókuae reta iporomboarakuaa rupi peiko, opa vaerä che pomboai poñono jare peikota ñemomarai rupi. Jáeramo peñemotareɨukata peiko ïru tëta guasu pegua reta pe.”

MIQUEAS 6:16 ပူးပေါင်းရင်းမြစ်များ

1 REYES 18:4

Jae ko Jezabel omboɨpɨ oyuka Tumpa iñeemombeúa reta yave, oñomi chugüi cien; jare oyapo mókoi yemboyao cincuenta enta vae, jókuae reta oñomi mókoi ɨvɨkua pe, joko pe omee jembiurä jare iɨguarä.

1 REYES 9:8

Jare kuae tupao ikavi yae vae, oyemboaita opɨta, oipotagüe oasa iyɨ́vɨri rupi vae ipɨakañɨta omae jese, jare oyoyaita, jare jeita: ‘¿Maera ra Tumpa körai oyapo kuae ɨvɨ jare kuae tupao?’

2 REYES 16:3

Omomoe mburuvicha guasu reta Israel pegua jeko, echa taɨ oapɨuka tumpa-raanga pe, tëtaguasu reta, yandeYa güɨnoe omombo Israel iñemuña reta jenonde güi vae jeko pɨ̈chɨi yae rami.

2 REYES 21:3

Echa omopüa pɨau ye mbaemboete renda ɨvɨtɨ rupigua reta tu Ezequías opa omboaigüe, jare omopüa mɨmba oyeyuka oyeapɨ jese vae reta Baal pe jare oyapo metei Asera iä, Acab, mburuvicha guasu Israel pegua oyapo rami, jare omboete opaete ara ipo reta,

2 CRÓNICAS 22:4

Oyapo ikavimbae vae yandeYa jesa róvai, Acab tayɨ iñemuña reta rami, echa tu omano yave jaɨkue rupi, jae reta omboarakuaa vae rupi ou oñemokañɨtei.

2 CRÓNICAS 34:25

Echa chereeya reta jare oapɨ reta ikäti kavi vae incienso tumpa ambuae reta pe, chemboarasɨuka reta opaete oyapogüe reta rupi; jáeramo chearasɨ opüa kuae tëta reta kotɨ jare mbaetɨta chearasɨ poi.’

SALMOS 1:1

Oyerovia ko kuimbae, mbaetɨ oiko jeko kavimbae reta iporomboarakuaa rupi vae, mbaetɨ oiko iyoa vae reta jeko rupi vae, mbaetɨ oguapɨ Tumpa kotɨ mbae jei reve oyóyai vae reta ndive vae,

SALMOS 44:13

Oremomaraiuka orerëta-ɨpɨ pegua reta pe, oreyóyai yoyaiuka oreɨvɨrigua reta pe.

SALMOS 44:14

Oreñono tëtaguasu reta iñeerä; orereecha reta yave, ombovava iñäka omae oreré.

ISAÍAS 25:8

jae ko mano, yandeYa omboaita jekuae avei pegua vae, jare oyoeta opaete vae jesaɨ, jare omboaita ɨvɨ iárambo güi, tëta imbae vae iñemomarai. YandeYa ko jei jökorai.

ISAÍAS 9:16

Echa mburuvicha kuae tëta pegua reta oporombotavɨ vae reta ko, jare opaete vae reta opa ombojopa.

JEREMÍAS 19:8

Aipoepɨta kuae tëta opɨta vaerä ipombae jare kɨɨyearä, opaete oasa jokoropi vae ipɨakañɨta jese jare okɨɨye yaeta opaete oyemboai vae re.

JEREMÍAS 25:18

Amee oɨu jese Jerusalén jare tëta guasu reta Judá pegua, mburuvicha guasu reta jare mburuvicha reta, oyemboai vaerä jare oyeeya vaerä tëtagüerä, oyeyóyai yóyai vaerä, yepopeyurä, añave oasa oï rami.

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 29:18

Pogüɨrekota ñeraro rupi, karuai rupi jare mbaerasɨ ovakatu vae rupi. Poapota opaete tëtaguasu reta omae kaviä vaerä peré, peikota yepopeyurä, yeyóyai yóyai rupi, opaete jókuae tëtaguasu reta pomoai moaia rupi.

JEREMÍAS 51:51

Pe reta pere: “Oremara yae roï, echa roendu ikavimbae oyapo reta orekotɨ vae. Oremomaraiuka yae, echa ketɨgua reta oike, tupao ikɨambae yae vae pe.”

JEREMÍAS 7:24

Ërei ngatu mbaetɨ oendu reta, jare mbaetɨ oyapo reta che jae vae, jaeño oyembopɨa täta yae reve yogüɨreko ipɨa jemimbota rupiño. Oyerova vaerägüe chekotɨ, ikupeño omee reta cheve.

LAMENTACIONES 5:1

CheYa Tumpa, nemaendúa rosusere vae re; emae oreré, kërai mbae jasɨ katu vae jei reta orekotɨ vae re.

EZEQUIEL 39:26

Imara retata oyembopɨapochɨ reta chekotɨ vae jeko pegua, yogüɨreko pɨagüive ma iɨvɨ pe jare mbaetɨ ma kia omongɨɨye yave,

DANIEL 9:16

OreYa Tumpa, roikuaa ko ndepɨakavi yae vae. Romoñera rembosɨrɨ vaerä ndearasɨ nerëta guasu Jerusalén güi, ndeɨvɨtɨ oñeñono tee vae. Opaete tëta guasu reta iyɨ́vɨri ñogüɨnoi vae pegua reta opuka puka omae reta Jerusalén re jare ndembae vae reta re, ore jare oreñemuñagüe reta iyoa jeko pegua.

OSEAS 12:14

Efraín pegua reta oyapogüe mbaetɨ etei ipöra Tumpa pe. Jáeramo yandeYa oiporaraukata chupe oporoyuka vae re, yandeYa omboekoviata chupe oporomboetembae re.

OSEAS 5:11

Efraín pegua reta oiporara yae, yogüɨrekoasɨ katu, echa oiparavo omboete vaerä tumpa-raangaño.

MIQUEAS 2:6

“¡Agüɨye pemoërakua oreve mbae outa vae, echa ngaraa maratu roasa!”

MIQUEAS 6:13

Kuae jeko pegua che aiporarauka peve, peikoasɨ katuta peyoa jeko pegua.

Apocalipsis 2:20

Ërei oime mbovɨ mbae jae vaerä ndeve: Jae ko remaeño jókuae kuña Jezabel ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae.